​តារា​សម្តែង ស៊ីម ស្រី​និ​ច ប៉ះ​តួវ៉ៃតប់​លើកដំបូង​

1130
ចែករម្លែក

​ ​ដោយ​ : បញ្ញា​សាស្ត្រ​/​ ​ភ្នំពេញ ៖ ​តារា​សម្តែង​ស្រី​ល្បីឈ្មោះ កញ្ញា ស៊ីម ស្រី​និ​ច បាន​ក្លាយជា​តួឯក​ស្រី​ក្នុង​ច​រិ​ក​បែប​ស្រី​មាន​ច​រឹក​ប្រុស ក្នុង​សាច់រឿង​ថ្មី ក្នុង​ខ្សែភាពយន្ត​ភាគ​របស់​ស្ថានីយ៍ទូរទស្សន៍​ប៉ុស្តិ៍​លេខ​៥ តាមរយៈ​រឿង “​កញ្ញា​ជើង​ខ្លាំង​” នាង​ថ្លែងថា សាច់រឿង​នេះ​វា​ប្រៀបបាន​នឹង​ច​រិ​ក​លក្ខណៈ​របស់​នាង​ផ្ទាល់​។

​ សាច់រឿង​មួយ​នេះ បានធ្វើ​ឲ្យ​នាង​មាន​មោទនភាព ព្រោះតែ​សាច់រឿង​បាន​បង្កប់​ដោយ​យ​លក្ខណៈ​អប់រំ ក្នុង​តួរ​នាទី​ជានា​រី​ភេទ ប៉ុន្តែ​អាច​បំបែ​បក​សំណុំរឿង ជួយ​កម្ចាត់​ពពួក​សេព​គ្រឿងញៀន​។ កញ្ញា ស្រី​និ​ច និយាយថា ជាង​ពីរ​ឆ្នាំ​មកនេះ នាង​បាន​សម្តែង​រឿង​ជាច្រើន សរុប​ជាង​២០​រឿង​មកហើយ នាង​ថា គ្រាន់តែ​ការសម្តែង​របស់​នាង​តំបូង​ក្នុង​វិថី​សិល្បៈ នាង​សម្តែង​ត្រឹមតែ​តួរង​បី​រឿង​ប៉ុណ្ណោះ បន្ទាប់មកទៀត​នាង ក៏បាន​ហក់​ឡើងទៅ​កាន់តំណែង​តួឯក​ជាច្រើន​រឿង​។

នាងបានរៀបរាប់ថា​ ​“​បើ​និយាយ​ពី​អារម្មណ៍ ខ្ញុំ​ស្ទើរតែ​សោះ​ហើយ​បង ព្រោះ​សាច់​រឿងនេះ​គឺ​ពិតជា​ល្អ​ខ្លាំងណាស់ ដោយ​តារា​ណា​ក៏​ចង់​សម្ដែង​ដែរ​…វា​អាចជា​មោទនភាព​របស់ខ្ញុំ​អាច​ក្ដោប​តំណែង​នេះ​បាន​”​។​

តារា​សម្ដែង​វ័យក្មេង​រូបនេះ បន្តថា ”​កញ្ញា​ជើង​ខ្លាំង​” គឺជា​ខ្សែភាពយន្ត​ភាគ​មួយ​មាន​កម្រិត​ខ្ពស់​ពី​ភាពយន្ត​មុនៗ​ដែល​កញ្ញា​ធ្លាប់​សម្ដែង​។ ជាពិសេស​គឺ​តួអង្គ​ក្នុង​រៀង​នេះ ត្រូវ​ចេះ​ក្បាច់គុន​ច្រើន ដើម្បី​សម្ដែង​ឱ្យបាន​ល្អ​។ ប្រការ​បែបនេះហើយ​ទើប​កញ្ញា​គិតថា គឺជា​កត្តា​មួយ​អាចឱ្យ​កញ្ញា​ពិបាក​ខ្លះៗ​ផងដែរ​។​

​ ​យ៉ាងណាក៏ដោយ ស៊ិ​ម ស្រី​និ​ច បញ្ជាក់ថា​កញ្ញា​បាន​តាំងចិត្ត​រួចហើយ​ថា​នឹងធ្វើ​យ៉ាងណា​ឲ្យ​ល្អ​បំផុត​តាម​អាចធ្វើ​បាន ក្នុង​ខ្សែភាពយន្ត​ដ៏​ល្អ​មួយ​នេះ​។ នៅមុន​សម្ដែង​រឿងនេះ កញ្ញា​បាន​ហាត់​សម​ក្បាច់គុន​ជាច្រើន​ខែ ដើម្បី​ប្រាកដថា​អាច​សម្ដែង​បាន​ប្រសើរ​ថែម​មួយកម្រិត​ទៀត​។ ​មិន​ត្រឹមតែ​គិតថា​ស្នាដៃ​មួយ​នេះ​អាចធ្វើឲ្យ​ទស្សនិកជន​ជក់ចិត្ត​ប៉ុណ្ណោះ​ទេ តែ​តារា​វ័យក្មេង​កំពុងមាន​ទីផ្សារ​រូបនេះ ជឿជាក់​ប្រជាប្រិយភាព​កញ្ញា​អាច​នឹង​ហក់​ខ្ពស់​មួយកម្រិត​ទៀត​នៅពេល​ចាក់​បញ្ចាំង​ជា​ផ្លូវការ​លើ​កញ្ចក់​ទូរទស្សន៍​ប៉ុ​ស្ថិ៍​លេខ​៥ នា​ពេ​ដ៏​ខ្លី​ខាងមុខ​។​

​ស្នាដៃ​ថ្មី​របស់​កញ្ញា ស៊ិ​ម ស្រី​និ​ច គឺ​រឿង ”​កញ្ញា​ជើង​ខ្លាំង​” ផ្ដើម​ថត​ពីថ្ងៃ​នេះ​តទៅ​ហើយ ដោយ​ប្រើ​រយៈពេល ៣​ខែ​ដើម្បី​ថត​បញ្ចប់​មុន​ចាក់​បញ្ចាំង​ជា​ផ្លូវការ​នៅ​ប៉ុ​ស្ថិ៍​លេខ​៥​។ ក្រៅតែពី​ស្នាដៃ​នេះ​កញ្ញា​ត្រៀម​បង្ហាញ​ស្នាដៃ​ថ្មីៗ​ជាច្រើន​ទៀត​ក្នុងពេល​ខាងមុខ​៕B