​បុរស​ម្នាក់​ស្រវឹងស្រា​ដុត​ផ្ទះ​ចោល​ឆេះ​ខ្ទេច​នៅ​ស្រុក​ស្រីស្នំ​

1067
ចែករម្លែក

​ដោយៈ​គូលែន​/​សៀមរាបៈ​ផ្ទះមួយ​ខ្នង​ទំហំ​៩​ម៉ែត្រ​គុណ​នឹង​៧​ម៉ែត្រ ធ្វើ​អំពី​ឈើ​ប្រក់​ស័ង្កសី ជញ្ជាំង​ក្តារ ត្រូវបាន​អគ្គិភ័យ​ឆាបឆេះ​រួមទាំង​សម្ភារៈប្រើប្រាស់​មួយចំនួនទៀត​។​ការឆេះ​នេះ​ត្រូវ​បុរស​ម្នាក់​ស្រវឹងស្រា​យ៉ាង​ជោកជាំ​ហើយ​បាន​ដុត​ផ្ទះ​របស់ខ្លួន​ចោល​។​ហេតុការណ៍​អគ្គ​ភ័យ​បាន​កើតឡើង​នៅ​ភូមិ​កំបោរ ឃុំ​មោង ស្រុក​ស្រីស្នំ ខេត្តសៀមរាប​កាលពី​ថ្ងៃ​ទី​០៣ ខែមិថុនា ឆ្នាំ​២០១៨ ។​

​សមត្ថកិច្ច​កងរាជអាវុធហត្ថ​ស្រុក​ស្រីស្នំ បាន​និយាយថា អគ្គិភ័យ​នេះ​បង្ករ​ឡើង​ដោយ​ជនសង្ស័យ​ឈ្មោះ ទិ​ត្យ តំ ហៅ​តឹ​ម ភេទ​ប្រុស អាយុ​៣៨​ឆ្នាំ មុខរបរ​មិន​ពិតប្រាកដ រស់នៅ​ជាមួយ​ម្តាយ​ជា​ស្ត្រី​មេម៉ាយ ។​សមត្ថកិច្ច​បាន​បន្តថា មុនពេល​កើតហេតុ​ជនសង្ស័យ​បាន​ផឹកស្រា​ស្រវឹង​យ៉ាង​ជោគជាំ ហើយ​ពេលមកដល់​ផ្ទះ ត្រូវបាន​ម្តាយ​ស្តីថា​ឱ្យ​មិន​គិត​ជួយ​ធ្វើការ​ងារ​ទេ គិតតែ​ពី​ដើរ​ផឹកស៊ី ។​គ្រាន់តែ​ម្តាយ​ថា​ប៉ុណ្ណឹង ស្រាប់តែ​ជនសង្ស័យ​បាន​ដើរ​ទៅយក​សាំង​មកចាក់​ហើយ​ដុត​ផ្ទះ​តែម្តងទៅ​។​

​ក្រោយពី​កើតហេតុ​ជនសង្ស័យ​ត្រូវបាន​សមត្ថកិច្ច​ឃាត់ខ្លួន​បាន​ភ្លាមៗ​ហើយ​សមត្ថកិច្ច​កងរាជអាវុធហត្ថ​ស្រុក​ស្រីស្នំ​សហ​ការណ៍​ជាមួយ​កម្លាំង​នគរបាល​ស្រុក​ស្រីស្នំ និង​កម្លាំង​នគរបាល​ប៉ុស្តិ៍​រដ្ឋបាល​មោង បាន​ជួយ​ពន្លត់​ករណី​អគ្គី​ភ​យ័​ដោយ​អំពើ​ហឹ​ង្សា​ក្នុង​គ្រួសារ​។

​ការខូចខាត​និង​បាត់បង់​ឆេះ​ផ្ទះ​អស់​១​ខ្នង​ទំហំ​៩​ម៉ែត្រ​គុណ​៧​ម​ម៉ែត្រ អំពី​ឈើ​ប្រក់ស​ង្ក័​សី​ជញ្ជាំង​ក្តា​អស់​៥០​ភាគរយ​និង​ស​ម្ភ​រៈ​មួយចំនួនធំ​។ ជ​នស​ង្ស​យ័​ជា​កូន​ត្រូវបាន​ឃាត់ខ្លួន​បញ្ជូនមក​កន្លែង​អធិការនគរបាល​ស្រុក​ស្រីស្នំ​និង​កសាង​សំនុំរឿង​ចាត់ការ​តាម​និតិ​វិធី​៕S/

​បុរស​ម្នាក់​ស្រវឹងស្រា​ដុត​ផ្ទះ​ចោល​ឆេះ​ខ្ទេច​នៅ​ស្រុក​ស្រីស្នំ​