​បើករថយន្ត​បុក​បង្គោល​ភ្លើង​បាក់​មួយ​ដើម ​​រេ​ចង្កូត​ធ្លាក់ចូល​ប្រឡាយទឹក​ស្អុយ​

620
ចែករម្លែក

ដោយៈ​ចាន់តូ​/​ភ្នំពេញៈ​បុរស​ម្នាក់​រួម​ដំណើរ​និង​បុរស​ពីរ​នាក់​ទៀត​បាន​បើករថយន្ត​លុច​ស៊ី​ស​RX330​ពាក់​ស្លាក​លេខ​ភ្នំពេញ​2AW6780​ចេញពី​ផឹកស៊ី​ត្រឡប់ទៅផ្ទះ​វិញ ​ក៏​ជ្រុល​ទៅបុក​បង្គោល​ភ្លើង​បំភ្លឺ​ផ្លូវ​បាក់​អស់​មួយ​ដើម ​រថយន្ត​បាន​ធ្លាក់ចូល​ប្រឡាយទឹក​ស្អុយ ​តែ​អត់​មាន​អ្នករងរបួស​។​ហេតុការណ៍​បានកើត​ឡើង​នៅតាម​បណ្តោយ​ផ្លូវជាតិ​លេខ​៤ ​ខណ្ឌ​ពោធិ​សែន​ជ័យ​ កាលពី​យប់​ថ្ងៃទី​១០​ ខែឧសភា​ឆ្នាំ​២០១៩​។​

​ក្នុងករណី​ខាងលើ​ក៏មាន​បុរស​ពីរ​នាក់​ស្លៀកពាក់​ស៊ីវិល​សៀត​ID​នឹង​ចង្កេះ​បានមក​ធ្វើការ​ចរ​ចាជាមួយ​ម្ចាស់​រថយន្ត​ដោយ​ជួយ​ហៅ​រថយន្តស្ទូច​ជួយ​ស្ទូច​យកទៅ​ផ្ទះ​ឱ្យ​ដោយ​ទារ​ជា​លុយ​ចំនួន​៣០០​ដុល្លារ​។​

តែ​ម្ចាស់​រថយន្ត​មិន​ព្រម ​ធ្វើឱ្យ​ផ្អើល​ដល់​សមត្ថកិច្ច​មូលដ្ឋាន​និង​អ្នកសារព័ត៌មាន​ចុះមក​ផ្តិត​យក​រូបភាព​។​ស្រាប់តែ​បុរស​ទាំងពី​នាក់​នោះបាន​រករឿង​សមត្ថកិច្ច​និង​អ្នកសារព័ត៌មាន​មិនឱ្យ​ថត​យក​រូបភាព​ថែមទៀត​។​​បន្ទាប់មក​សមត្ថកិច្ច​មូលដ្ឋាន​បាន​ចុះទៅ​សួរនាំ​បុរស​ទាំងពីរ​នាក់​នោះដែរ ​តែ​ពួកគេ​មើល​សភាព​មិន​ស្រួល​បាននាំគ្នា​ចេញពី​កន្លែង​កើត​បាត់ស្រមោល​៕S/​Ha