​បេក្ខជន​ប្រឡង​បាក់​ឌុប​ខ្លះ​ព្យួរ​សេ្ស​រ៉ូម​និង​វិលមុខ​តែ​នៅ​មិន​បោះបង់​ការប្រឡង​

219
ចែករម្លែក

ដោយ​៖​ដេប៉ូ​/​ភ្នំពេញ​៖​គិត​រហូតមកដល់រ​សៀ​ល​ថ្ងៃទី​១៩​ខែសីហា​ឆ្នាំ​២០១៩​នេះ​បេក្ខជន​ប្រឡង​បាក់​ឌុប នៅតាម​មណ្ឌល​មួយចំនួន​បាន​ជួប​នូវ​បញ្ហា​សុខភាព​ដូចជា​ខ្យល់ចាប់​ក្អួតចង្អោរ​។​ប៉ុន្តែ​មិន​បោះបង់​ការប្រឡង​ឡើយ​ដោយ​បន្តធ្វើ​វិញ្ញាសា​រទាំង​ដៃ​ជាប់​សា​រ៉ូម​។

តាម​មន្ត្រី​ក្រសួង​អប់រំ​យុវជន​និង​កីឡា​បានឱ្យដឹងថា​បេក្ខជន​ដែលមាន​បញ្ហា​សុខភាព​មួយចំនួន​បាន​ធូរស្រាល​ដោយ​ទទួល​ជំនួយ​សង្គ្រោះ​បឋម​ពី​ក្រុមគ្រូពេទ្យ​ប្រចាំការ​នៅតាម​មណ្ឌល​នោះ​មួយចំនួន​នៅ​អាច​ប្រឡង​បាន​បន្តទៀត​។​

​គួរ​បញ្ជាក់ថា​ការប្រឡង​សញ្ញាបត្រ​មធ្យមសិក្សា​ទុតិយភូមិ នឹង​ប្រព្រឹត្តទៅ​នៅ​ថ្ងៃទី​១៩-២០​ខែសីហា​នេះ មាន​សិស្ស​ប្រឡង​សរុប​ចំនួន​១១៧.០២៤​នាក់​ស្រី​៦០.៤២១​នាក់​។​ក្នុងនេះ​បេក្ខជន​ប្រឡង​ថ្នាក់​វិទ្យាសាស្ត្រ​មាន​៤៤.៦៨៣​នាក់​ស្រី​២៥.២៨៥​នាក់​។​

ថ្នាក់​វិទ្យាសាស្ត្រ​សង្គម​មាន​ចំនួន​៧២.៣៤១​នាក់​ស្រី​៣៥.១៣៦​នាក់​។​មណ្ឌល​ប្រឡង​មាន​ចំនួន​២០២​មណ្ឌល​ថ្នាក់​វិទ្យាសាស្ត្រ​មាន​៧៥​មណ្ឌល​និង​ថ្នាក់​វិទ្យាសាស្ត្រ​សង្គម​មាន​១២៧​មណ្ឌល​ចែកចេញជា​បន្ទប់​សរុប​មាន​៤.៧២៥​បន្ទប់​៕S/

​បេក្ខជន​ប្រឡង​បាក់​ឌុប​នៅ​ថ្ងៃទី​១​នេះ​ខ្លះ​ព្យួ​រស្សេ​រ៉ូម​និង​វិលមុខ​ប៉ុន្តែ​នៅតែ​ស៊ូ​មិន​បោះបង់​ការប្រឡង​

#