​ផ្លូវ​បេតុង​ចំនួន​២​ខ្សែ​បាន​កើតឡើង​ក្នុង​សង្កាត់​ស្លក្រាម

608
ចែករម្លែក

​ដោយ​បាយ័ន​/​សៀមរាបៈ​គម្រោង​សាងសង់​ផ្លូវ​បេតុង​ចំនួន​២​ខ្សែ​ដែលមាន​ប្រវែង​សរុប​១.២៨៦​ម៉ែត្រ ស្ថិតក្នុង​សង្កាត់​ស្លក្រាម ក្រុង​សៀមរាប​។ ក្នុងនោះ ផ្លូវ​បេ​តុ​ខ្សែ​ទី​១ នៅក្នុង​ភូមិ​បឹង​ដូន​ប៉ា ប្រវែង ៦០០ ម៉ែត្រ មាន​ទទឹង​៦​ម៉ែត្រ និង ផ្លូវ​បេតុង​ខ្សែ​ទី​២ ត​ភ្ជាប់​ពី​ផ្លូវ​ក្រាល​កៅស៊ូ​ចូល​វត្ត​ត្រាំ​នាគ​ទៅខាង​កើត ក្នុងភូមិ​ធ្លក​អណ្តូង​ប្រវែង​៦៨៦​ម៉ែត្រ​មាន​ទទឹង​៧​ម៉ែត្រ​។​

​ផ្លូវ​នេះ​ក្រោម​ការប្រើប្រាស់​ដោយ​ថវិកា​របស់​រដ្ឋបាលខេត្ត​សៀមរាប​ត្រូវបាន​ប្រកាស​ជា​សាធារណៈ​បើក​ដំណើរការ​ការដ្ឋាន​សាងសង់​កាលពី​ថ្ងៃទី​៩​ខែមិថុនា​ឆ្នាំ​២០១៩​។​ការសាងសង់​កែលម្អ​ពី​ផ្លូវ​ក្រាល​ដី​គ្រួស​ក្រហម​ទៅជា​ផ្លូវ​ក្រាល​បេតុង​នេះ​គឺជា​ការបោះ​ជំ​ហ៊ាន​ទៅមុខ​បន្ថែមទៀត​ក្នុង​គោលដៅ​លុបបំបាត់​ផ្លូវដី​គ្រួស​ក្រហម​នៅក្នុង​ក្រុង​ទេសចរណ៍​សៀមរាប​-​អង្គរ​។​

​លោក​ទៀ​សីហា​អភិបាលខេត្ត​សៀម​រា​បាន​បញ្ជាក់ថា​ក្រោម​កិច្ចដឹកនាំ​ប្រកបដោយ​គតិបណ្ឌិត​រប​ស់ស​ម្តេច​តេ​ជោ​ហ៊ុនសែន​ក្នុង​រយៈពេល​មួយ​ទស្សវត្សរ៍​ចុងក្រោយ​នេះ​រាជរដ្ឋាភិបាល​កម្ពុ​ជាស​ម្រេច​បាន​នូវ​ជោគជ័យ​ធំៗ​ជាច្រើន​ជា​ប្រវត្តិសាស្ត្រ​ជាពិសេស​ការសម្រេចបាន​នូវ​កំណើនសេដ្ឋកិច្ច​ខ្ពស់​។​ព្រមទាំង​ការធ្លាក់ចុះ​អត្រា​នៃ​ភាពក្រីក្រ​របស់​ប្រជាជន​តាមរយៈ​ការលើកកម្ពស់​ផលិតភាព​និង​ការរក្សា​កំណើនសេដ្ឋកិច្ច​ប្រកបដោយ​ចីរភាព​។
​ដូច្នេះ​តាមរយៈ​ការសាងសង់​ផ្លូវ​បេតុង​ចំនួន​២​ខ្សែ​នាពេលនេះ​នឹង​រួមចំណែក​លើកកម្ពស់​ជីវ​ភាព​រស់នៅ​ជូន​បងប្អូន​ប្រជាពលរដ្ឋ​បាន​មួយកម្រិត​ថែមទៀត​ដើម្បី​រួមចំណែក​ក្នុងការ​អភិវឌ្ឍ​ខេត្តសៀមរាប​របស់​យើង​ឱ្យ​កាន់តែ​មានការ​រីកលូតលាស់ សក្តិសម​ជាទី​ក្រុង​ស្អាត រមណីយដ្ឋាន​ស្អាត សេវា​ល្អ និង​បដិសណ្ឋារកិច្ច​ល្អ ៕S/​