ចែករម្លែក

ដោយ​៖​តារា​រិ​ទ្ធ​(​ភ្នំពេញ​)៖​ព្រះករុណា​ព្រះបាទ​សម្តេច​ព្រះបរមនាថ នរោត្តម សីហមុនី ព្រះ មហាក្សត្រ​នៃ​ព្រះរាជាណាចក្រ​កម្ពុជា​នៅ​រសៀលថ្ងៃទី​១៦​ឧសភា​នេះ​បាន​យាង​និវត្តន៍​វិល ត្រឡប់​មកដល់​មាតុប្រទេស​វិញ​ហើយ​បន្ទាប់ពី​បាន​យាង​អ​ញ្ចើ​ញ​ចូលរួម​វេទិកា​ស្តីពី​អរិយ​ធ៌​ម​អាស៊ី លើក​ទី​១ នៅ​ទីក្រុង​ប៉េកាំង​ប្រទេស​ចិន ។​

​អញ្ជើញ​ទទួល​ព្រះរាជដំណើរ​របស់​ព្រះមហាក្សត្រ​ដល់​អាកាសយានដ្ឋាន​អន្តរជាតិ​ភ្នំពេញ​រួមមាន​វ​សម្ដេច​វិបុល​សេនា​ភក្ដី​សាយ ឈុំ ប្រធានព្រឹទ្ធសភា​,​សម្ដេច​អគ្គ​មហា​ពញា​ចក្រីហេង សំរិន ប្រធានរដ្ឋសភា​,​សម្ដេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជា ណា​ចក្រ​កម្ពុជា​,​សម្ដេច​ក្រឡាហោម ស ខេង ឧបនាយករដ្ឋមន្ត្រីរ​ដ្ឋ​មន្ត្រី​ក្រសួងមហាផ្ទៃ​,​សម្ដេច​ពិជ័យ​សេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រី​ក្រសួងការពារជាតិ​ព្រមទាំង​ឥស្សរជន​ជាន់ខ្ពស់​មួយចំនួនទៀត​។​ដោយឡែក​ឯកអគ្គរដ្ឋទូត​ចិន​ប្រចាំ​កម្ពុជា​ក៏មាន​វត្តមាន​ក្នុងឱកាស​នោះ​ផងដែរ ។

​ព្រះករុណា ព្រះបាទ​សម្តេច ព្រះបរមនាថ នរោត្តម សីហមុនី បាន​យាង​ចាក​ចេញពី​កម្ពុ ជា​កាលពី​ព្រឹក​ថ្ងៃទី ១៣ ខែឧសភា ឆ្នាំ​២០១៩ ទៅ ចូលរួម​វេទិកា​អរិយធម៌​អាស៊ី​លើក​ទី​១ នៅ​ទីក្រុង​ប៉េកាំង​ប្រទេស​ចិន​។​

​ក្នុងការ​គង់ប្រថាប់​នៅ​ទីក្រុង​ប៉េកាំង​នា​ព្រឹក​ថ្ងៃទី១៤ ខែឧសភាឆ្នាំ​២០១៩ ព្រះមហាក្សត្រ​នៃ​ព្រះរាជាណាចក្រ​កម្ពុជា​ជាទីគោរព​សក្ការៈ​ដ៏ខ្ពង់ខ្ពស់​បំផុត​សព្វព្រះរាជហឫទ័យ​យាង​ជួ ប​សវនាការ​ជាមួយ​លោក ស៊ី ជិន​ភីង ប្រធានាធិបតី​នៃ​សាធារណរដ្ឋ​ប្រជាមានិត​ចិន​នា​វិមាន មហា​ប្រជាជន​ចិន​រដ្ឋធានី​ប៉េកាំង​។​
​ ​
​នា​វេលា​ល្ងាច​ថ្ងៃទី ១៤ ខែ ឧសភា ព្រះករុណា​ជា​អ​ម្ចាស់ជីវិតលើត្បូង​សព្វព្រះរាជហឫទ័យ ស្តេចយាង​ចូលរួម​ក្នុង​ពិធី​លៀង​សាយភោជន៍ ទទួល​ស្វាគមន៍​ដ៏​កក់ក្តៅ​រៀបចំឡើង​ដោយ​លោក ស៊ី ជិន​ភីង ប្រធានាធិបតី​ចិន​នា​វិមាន​សភា​ប្រជាជន​ចិន​រដ្ឋធានី​ប៉េកាំង​ដោយមាន​ការ អញ្ជើញ​ចូលរួម​ពី​បណ្តា​មេដឹកនាំ​នៃ​ប្រ​ទស​នានា​ជាច្រើន​ផងដែរ ។​

​ជាការ​គួរអោយភ្ញាក់ផ្អើល​នៅក្នុង​ពិធី​នោះ​លោក​ប្រធានាធិបតី​ចិន ស៊ី ជីន​ពីង និង​ភរិ យា​បាន​ថ្វាយ​នូវ​មហា​ក​ត្តិ​យស​ដ៏​ឧត្តុង្គឧត្តម​ប្រកប​ដោ យ​ភាពកក់ក្តៅ​និង​ជ្រាលជ្រៅ​ជាទីបំផុត​ថ្វាយ​ព្រះករុណា​ជា​អ​ម្ចាស់ជីវិតលើត្បូង​ជាទីគោរព​សក្ការៈ​ដ៏​ខ្ពង់ខ្ពស់​បំផុត​ដោយបាន​រៀបចំ​ថ្វាយ​នូវ ពិធី​អបអរសាទរ​ខួប​ចម្រើន​ព្រះជន្ម​គម្រប់ ៦៦ យាង​ចូល៦៧ ព្រះវស្សា​នៃ​ ព្រះករុណា​ជា​អ​ម្ចាស់ជីវិតលើត្បូង​ព្រះបាទ​សម្តេច​ព្រះបរមនាថ នរោត្តម សីហមុនព្រះម ហាក្សត្រ​នៃ​ព្រះរាជាណាចក្រ​កម្ពុជា​នាម​ហា​វិមាន​សភា​ប្រជាជន​ចិន​ក្នុងឱកាស​ដ៏​មហា​នក្ខត្តឫក្ស​នៃ​ពិធី​លៀង​សា យ​ភោជន៍​ទទួល​បណ្តា​មេដឹកនាំ​និង​ឥស្សរជន​ជាច្រើន​មកពី​បណ្តា​ប្រទេស​នានា ។​

​ព្រះមហាក្សត្រ​នៃ​ព្រះរាជាណាចក្រ​កម្ពុ​ជារួម​ជាមួយ​បណ្តា​មេដឹកនាំ​នៃ​បណ្តា​ប្រទេស​នានា​ដែល​បាន​ចូលរួម​ក្នុង​វេទិកា​អរិយ​ធ​ម៏​អាស៊ី​លើក​ទី​១​វេលា​ព្រឹក​ថ្ងៃទី​១៥ ខែឧសភាឆ្នាំ​២០១៩ ។ នៅក្នុង​វេទិកា​នោះ​ព្រះមហាក្សត្រ​កម្ពុជា​ត្រូវបាន​ផ្តល់​ព្រះ​កិត្តិយស​ដ៏​ខ្ពង់ខ្ពស់​បំផុត​ថ្លែង​សុន្ទរ​ក ថា​គន្លឹះ​ដំបូង​គេ​បន្ទាប់ពី​វេទិកា​បើក​វេទិកា​ដោយ លោក ប្រធានាធិបតី​ចិន ស៊ី ជីន​ពីង ។​
​ ​
​នា​វេលា​រសៀល​ថ្ងៃទី​១៥ ខែឧសភាឆ្នាំ​២០១៩ ព្រះករុណា​សព្វព្រះរាជហឫទ័យ​ទទួល​ចូលជួប​សវនាការ​ជាមួយ​លោក វ៉ាង ឈឺ​សាន អនុ ប្រធានាធិបតី​នៃ​សាធារណរដ្ឋ​ប្រជាមានិត​ចិន នា​រដ្ឋធានី​ប៉េកាំង ។

​នា​ល្ងាច​ថ្ងៃទី​១៥​ខែឧសភា ឆ្នាំ​២០១៩ ព្រះករុណា​សព្វព្រះរាជហឫទ័យ​ស្តេចយាង​ចូលរួម​ទស្សនាការ​សម្តែង​សិល្បៈ​ដើម្បី​អបអរសាទរ​វេទិកា អរិយ​ធ​ម៏​អាស៊ី​លើក​ទី ១ នា​ពហុកីឡាដ្ឋាន​ជាតិ រដ្ឋធានី​ប៉េកាំ ។​

​នា​ព្រឹក​ថ្ងៃទី​១៦​ខែឧសភា ឆ្នាំ​២០១៩ ព្រះមហាក្សត្រ​នៃ​ព្រះរាជាណាចក្រ​កម្ពុជា​ព្រះអង្គ​សព្វព្រះរាជហឫទ័យ​ស្តេចយាង​មាតុភូមិនិវត្តន៍​តាម ព្រះរាជ​ទីនាំង​យន្តហោះ​ពិសេស​មកកាន់​ព្រះរាជាណាចក្រ​កម្ពុជា​បន្ទា​ប់​ពី​បានបញ្ចប់​ព្រះរាជកិច្ច​ដ៏​ឧត្តុង្គឧត្តម​ក្នុង​ការយាង​ចូលរួម​វេទិកា​អរិយ​ធ​ម៏​អាស៊ី​លើក​ទី​១ ដែល​ប្រារព្ធ​ឡើង​នៅ​រដ្ឋធានី​ប៉េកាំង ។​
​ ​
សូមបញ្ជាក់ថា​វេទិកា​ស្តីពី​អរិយធម៌​អាស៊ី​ត្រូវបាន​ផ្តួចផ្តើម​រៀបចំឡើង​ដោយ​លោក​ប្រធា នាធិបតី ស៊ី ជីន​ពីង ដើម្បី​ពង្រឹង​ការផ្លាស់ប្តូរ​រវាង​យុវ ជន​វ័យក្មេង សង្គម​ស៊ីវិល​តំបន់ និង​ប្រព័ន្ធ​ផ្សព្វផ្សាយ​នានា​ហើយ​បង្កើត​បណ្តាញ​នៃ​ការផ្លាស់ប្តូរ​ការគិត​និង​កិច្ចសហប្រតិ បត្តិការ​។ ជា​ពិ​សេ សលោក​ប្រធានាធិបតី​ចិន​ចង់​ឲ្យ​វេទិកា​អរិយធម៌​អាស៊ី​ធ្វើឱ្យ​ប្រជាជន​អាស៊ី​អាច​សប្បាយរីករាយ​នឹងមាន​ស្មារតី​កាន់តែ​រឹងមាំ​ខ្លាំងក្លា​បន្ថែម ទៀត​ព្រមទាំង​ធ្វើឱ្យ​កិច្ចសហប្រតិបត្តិការ​អភិវឌ្ឍ​ក្នុង​តំបន់​កាន់​តែមាន​ថាមពល​ខ្លាំង​ឡើង​។​
​ ​
​កិច្ចប្រជុំ​សន្ទនា​អរិយធម៌​អាស៊ី​នេះ​ផ្តោតលើ​ប្រធានបទ​នៃ​ការផ្លាស់ប្តូរ​អរិយធម៌​អាស៊ី ការយល់ដឹង​ពីគ្នា​ទៅវិញទៅមក​និង​សហគមន៍​រួម​វាសនា​។ គោលបំណង​សំខាន់​គឺ​ឆ្ពោះទៅមុខ​ដើម្បី​ទទួលបាន​នូវ​សមិទ្ធផល​ដ៏​អស្ចារ្យ​នៃ​អរិយធម៌​នៅ​អាស៊ី​និង​ពិភពលោក​បង្កើ តជា​វេទិកា​សម្រាប់ ការរៀនសូត្រ​ពីគ្នា​ទៅវិញទៅមក​និង​ការអភិវឌ្ឍ​ទៅវិញទៅមក​បង្កើន​ទំនុកចិត្ត​លើ​វប្បធម៌​អាស៊ី​លើកកម្ពស់​កិច្ចសហប្រតិបត្តិការ​នៅក្នុង​តំបន់អាស៊ីនិង​ការ ជឿទុកចិត្ត​គ្នា​ទៅវិញទៅមក រួម​កម្លាំង​គ្នា​ដោយមាន​ការយោគយល់​គ្នា​ក្នុងការ​អភិវឌ្ឍ​តំបន់​អាស៊ី​ជំរុញឱ្យមាន​ភាពរឹងមាំ​នៃ​ការ បង្កើត​ថ្មី​នៅ​អាស៊ី​ផ្ដល់​ការគាំទ្រ​ខាង​ស្មារតី​ដល់​សហគមន៍​រួម​វាសនា​នៅ​អាស៊ី​និង​សហគមន៍​រួម​វាសនា​របស់​មនុស្សជាតិ​៕