​ភាគី​កម្ពុជា​-​ថៃ​ប្រជុំ​ម្តងទៀត​ដើម្បី​ឈានទៅដល់​ការបើក​ជា​ច្រកទ្វារ​អន្តរជាតិ​

393
ចែករម្លែក
  • 23
    Shares

ដោយ​៖​សៅ​វ៉ាន់ឌី​/​ព្រះវិហារ​៖​មន្ត្រី​កម្ពុជា​-​ថៃ​កាលពី​ព្រឹក​ថ្ងៃទី​៨​ខែមីនា​ឆ្នាំ​២០១៩​នេះ​បាន​ជួបប្រជុំគ្នា​ម្តងទៀត នៅ​ច្រកទ្វារ​អានសេះ ដើម្បី​ពិភាក្សា​បញ្ហា​ពី​ដំណើរការ​ឈានទៅដល់​ការបើក​ច្រកទ្វារ​មួយ​នេះ ឱ្យ​ក្លាយជា​ច្រកទ្វារ​អន្តរជាតិ នាពេលខាងមុខ​។​

លោក ជា គឹម​សេង​អភិបាលស្រុក​ជាំ​ក្សាន្ត ខេត្តព្រះវិហារ បានឱ្យដឹងថា កិច្ចប្រជុំ​នេះ​បានធ្វើ​ឡើង ក្រោម​ការចូលរួម​ពី​អភិបាលរង​ខេត្ត​ទាំង​២ អភិបាលស្រុក​ទាំង​២ និង​ខាង​កម្លាំងយោធា នៃ​ប្រទេស​ទាំង​២​។​
​យ៉ាងណាក៏ដោយ​លោក ជា គឹម​សេង បាន​បញ្ជាក់ថា ចំពោះ​លទ្ធផល នៃ​កិច្ចពិភាក្សា​ខាងលើនេះ មិនទាន់​បានទទួល​នោះទេ ដោយ​ភាគី​ទាំង​២ នឹងដាក់​ឆ្លងទៅ​ថ្នាក់ដឹកនាំ​ខេត្ត និង​រាជរដ្ឋាភិបាល ដើម្បី​សុំ​គោលការណ៍​សម្រេច​នៅពេល​ក្រោយ​ទៀត​។​

​គួរ​បញ្ជាក់ថា​អាជ្ញាធរ​កម្ពុជា​-​កម្ពុជា បាននិងកំពុង​ពិភាក្សាគ្នា​ដើម្បី​ដោះស្រាយ​បញ្ហា​រួមគ្នា នៅ​ច្រក​អានសេះ​នេះ​ឱ្យបាន​ល្អ ដើម្បី​ឈានដល់​ការបើក​ច្រក​នេះ ទៅជា​ច្រកទ្វារ​អន្តរជាតិ នៅក្នុង​ឆ្នាំ​២០១៩​នេះ​។​

កាលពីពេល​កន្លងទៅ អភិបាលខេត្ត​ព្រះវិហារ​របស់​កម្ពុជា លោក អ៊ុន ចាន់​ដា និង​អភិបាលខេត្ត​អ៊ូ​ប៊ុន​របស់​ថៃ លោក សា​រិ​ទ្ធិ វិ​ធូ​ន បាន​ប្តេជ្ញា​ថា និង​ដោះស្រាយ​បញ្ហា​រួមគ្នា នៅ​ច្រក​អានសេះ​នេះ​ឱ្យបាន​ល្អ ដើម្បី​ឈានដល់​ការបើក​ច្រក​នេះ ជា​ច្រក​អន្តរជាតិ​ក្នុងពេល​ឆាប់ៗ​នេះ​៕S/​

#