​ភ្ញៀវទេសចរ​មក​កម្សាន្ត​នៅ​ខេត្តមណ្ឌលគិរី​ថ្ងៃបុណ្យ​អុំទូក​កើន​ជាង​១​ម៉ឺន​នាក់​

1060
ចែករម្លែក

​ដោយៈ​សាត​ចាន់​បុត្រ​/​មណ្ឌលគិរីៈ​មន្ទីរ​ទេសចរណ៍​ខេត្តមណ្ឌលគិរី​បានបង្ហាញ​ថា ភ្ញៀវទេសចរ បាន​កើនឡើង​មួយ​ជា​ពីរ​សម្រាប់​ការ​មក​ដើរ​កម្សាន្ត​ក្នុង​ទឹកដី​ខេត្តមណ្ឌលគិរី​នា​ថ្ងៃ​នៃ​ព្រះ​រាជពិធី​បុណ្យអុំទូក បណ្តែតប្រទីប សំពះ​ព្រះ​ខែ​និង​អកអំបុក​កាលពី​ថ្ងៃទី​២១,២២​និង​២៣​ខែវិច្ឆិកា​ឆ្នាំ​២០១៨​កន្លងទៅ​។​

​លោក​ងិន សុ​វិមាន​ប្រធាន​មន្ទីរ​ទេសចរណ៍​ខេត្តមណ្ឌលគិរី បាន​ថ្លែងថា អ្នកទេសចរ​មាន​ចំនួន​សរុប ២២. ៦៤១​នាក់​។ ក្នុងនោះ ទេសចរ​ជាតិ​ចំនួន ២២. ២៣៣​នាក់ ទេសចរ​អន្តរជាតិ​ចំនួន ៤០៨​នាក់ ធៀប​ទៅនឹង​ព្រះរាជ​ពិធីបុណ្យ​អុំទូក បណ្តែតប្រទីប និង​សំពះ​ព្រះ​ខែ អកអំបុក ឆ្នាំ​២០១៧ កន្លងមក សរុប​ចំនួន ១៣. ៧៧២​នាក់​។​ជាមួយ​នោះទេ​សចរ​ជាតិ ១៣. ៤៧៦​នាក់ ទេសចរ​អន្តរជាតិ ២៩៦​នាក់ កើន​សរុប ៦៤,៣៩​ភាគរយ​ទេសចរ​អន្តរជាតិ​កើន ៣៧,៨៣​ភាគរយ​។​

​លោក​ប្រធាន​មន្ទីរ​ទេសចរណ៍​បាន​បន្តថា​ចំនួន​អ្នកទេសចរ​ខាងលើ​ជា​មោទនភាព​មួយ​ដែល​ខេត្ត​ទទួលបាន​ខណៈ​វា​បាន​កើនឡើង​លើសពី​ក្តី​រំពឹងទុក​។​គ្រា​ដែល​ខេត្តមណ្ឌលគិរី​ពុំទាន់​មាន​បន្ទប់​ស្នាក់នៅ​គ្រប់​តាម​តម្រូវការ​ភ្ញៀវទេសចរ​នៅឡើយ​។​ថ្នាក់ដឹកនាំ​នៃ​កងកម្លាំងប្រដាប់អាវុធ​ទាំងបី​ប្រភេទ​បញ្ជាក់ថា​ចំពោះ​ការងារ​សន្តិសុខ​សណ្តាប់ធ្នាប់​នៅ​ទូទាំង​ខេត្តមណ្ឌលគិរី​នេះ​មាន​ភាពល្អប្រសើរ ៕S/​