​មន្ត្រីនគរបាល​ម្នាក់​ស្លាប់​ដោយ​គ្រោះថ្នាក់​ចរាចរណ៍​ទទួល​បាន​ថវិកា​ពី​សមាគម​មិត្ត​នគរបាល​

283

(​បាត់ដំបង​)​កាលពី​ថ្ងៃទី​២៣​ខែវិច្ឆិកា​ឆ្នាំ​២០១៧​លោក​វរសេនីយ៍ឯក​អៀ​.​វុត្ថា​ស្នងការរង​នៃ​ស្នងការដ្ឋាន​នគរបាល​ខេត្ត​លោក​វរសេនីយ៍​ឯករស់​.​រិ​ទ្ធិ​នាយការិយាល័យ​រដ្ឋបាល​នៃ​ស្នងការដ្ឋាន​នគរបាល​ខេត្ត​តំណាង​ឳ្យ​លោក​ឧ​ត្ត​ម​សេនីយ៍​ទោ​អ៊ុច​.​សុខុន​ស្នងការ​នគរបាល​ខេត្ត ។
លោក​វរសេនីយ៍ទោ​យឹម​.​វិចិត្រ​មេបញ្ជាការ​វរៈ​ការពារ​ព្រំដែន​គោក​លេខ​៨២៣​និង​លោក​មេបញ្ជាការរង​បាន​នាំយក​ថវិកា​សមាគម​មិត្ត​នគរបាល​ចំនួន​៤​លាន​រៀល​ទៅជូន​ក្រុមគ្រួសារ​សព​លោក​ព្រិន្ទបាលឯក​ឈឹម​.​ផន​មន្ត្រី​ប៉ុស្តិ៍​ថ្ម​គរ​ដែល​បានទទួល​មរណភាព​ដោយ​គ្រោះថ្នាក់​ចរាចរណ៍​។​

ក្នុងឱកាស​នោះដែរ​តំណាង​លោកស្នងការ​បាន​នាំយក​ថវិកា​ផ្ទាល់ខ្លួន​និង​គ្រឿង​ឧបភោគបរិភោគ​មួយចំនួន​ជូន​ដល់​ក្រុមគ្រួសារ​សព​ក្នុងនោះ​លោក​វរសេនីយ៍ឯក​អៀ​.​វុត្ថា​ស្នងការរង​ឧបត្ថម្ភ​ថវិកា​ចំនួន​១០​ម៉ឺន​រៀល​លោក​វរសេនីយ៍​ឯករស់​.​រិ​ទ្ធិ​នាយការិយាល័យ​រដ្ឋបាល​ឧបត្ថម្ភ​ថវិកា​ចំនួន​១០​ម៉ឺន​រៀល

​លោក​វរសេនីយ៍ទោ​យឹម​.​វិចិត្រ​មេបញ្ជាការ​រួម​អង្គភាព​វរៈ​៨២៣​ឧបត្ថម្ភ​ថវិកា​ចំនួន​១​លាន​រៀល អង្ករ​ចំនួន​៥០​គីឡូក្រាម និង​ទឹក​សុទ្ធ​ចំនួន​២០​យួរ​។​ក្រុមគ្រួសារ​សព​បាន​លើកដៃ​សំពះ​និង​ថ្លែងអំណរគុណ​យ៉ាង​ជ្រាលជ្រៅ​ចំពោះ​សន្តាន​ចិត្ត​ជ្រះថ្លា​របស់​

​លោកស្នងការ​នគរបាល​ខេត្ត​ព្រមទាំង​លោក​ស្នងការរង​ខេត្ត​និង​លោក​មេបញ្ជាការ​រួម​អង្គភាព​វរៈ​៨២៣​ដែល​បាន​​ជួយ​ជា​ថវិកា​និង​គ្រឿងឧបភោគ បរិភោគ​មួយចំនួន​ជូន​ដល់​ក្រុមគ្រួសារ​សព​៕S/​ដោយៈ​គ្រញូង​