​មន្ត្រី​!​នឹង​កែសម្រួល​ចំណុច​ខ្វះខាត​នៅ​តំបន់​រមណីយដ្ឋាន​ភ្នំ​គូលែន​ឱ្យ​ប្រសើរ​ជាង​មុន​

1825
ចែករម្លែក

​ដោយ​:​អង្គរតូច​/​សៀមរាបៈ​រមណីយដ្ឋាន​ភ្នំ​គូលែន ជា​តំបន់​ទេសចរណ៍វប្បធម៌​ប្រវត្តិសាស្ត្រ​ដ៏​ទាក់ទាញ ក្នុងចំណោម​តំបន់​ទេសចរណ៍​សំខាន់ៗ​ផ្សេងទៀត ក្នុង​ខេត្តសៀមរាប​។ លើសពីនេះ​ទៀត​គឺ​រិត​តែ​កំពុង​ទទួល​ការចាប់អារម្មណ៍​ជាខ្លាំង​ពី​សំណាក់​ភ្ញៀវ​ជាតិ​និង​អន្តរជាតិ ដែល​បាន​ទៅ​ទស្សនា​ជា​រៀងរាល់ថ្ងៃ​។

​ព្រោះ​តំបន់ភ្នំ​គូលែន​នេះ ត្រូវបាន​អ្នក​ទេសចរណ៍ ទៅ​សិក្សា​ស្វែងយល់​អំពី​អ​រី​យ​ធម៌​វប្បធម៌ ទំនៀមទម្លាប់ ប្រពៃណី និង ជីវភាព​រស់នៅ​ប្រចាំថ្ងៃ​របស់​ពលរដ្ឋ​ខ្មែរ​យើង​នៅ​ទីនោះ​។ ពិសេស ភ្នំ​គូលែន​គឺជា​តំបន់​ផ្តល់នូវ ប្រភពទឹក​ដែល​មិនចេះ​រីងស្ងួត មិន​ថា​រដូវប្រាំង​ឬ​រដូវវស្សា ដោយ​នាំយកទៅ​ស្រោចស្រព ដំណាំ​ផ្នែក​ខាងក្រោម តាមរយៈ​ហូរ​ធ្លាក់​ឆ្ពោះ​ទៅតាម​ដងស្ទឹង​សៀមរាប សម្រាប់​បម្រើ​សេចក្ដីត្រូវការ​ដល់​មនុ​ស្ស សត្វ រុក្ខជាតិ និង​លើ​ការងារ​កសិកម្ម​ទៀតផង​។​

​ថ្វី​ត្បិត​តំបន់​ទេសចរណ៍ ប្រវត្តិសាស្ត្រ​មួយ​នេះ មាន​ភាពល្អ​ឥតខ្ចោះ ទាំង​ប្រភពទឹក ទាំង​ព្រៃឈើ ទាំង​ការសិក្សា​ស្រាវជ្រាវ​របស់​អ្នក​ទេសចរណ៍​តែ​ក៍​នៅមាន​ការខ្វះខាត​ខ្លះៗ​លើ​សេវាកម្ម​បំរើឱ្យ​វិស័យ​ទេសចរណ៍ នៅ​ភ្នំ​គូលែន​នេះ​។​

ក្នុងករណីនេះ មន្ត្រី​នៃ​មន្ទី​ទេសចរណ៍​ខេត្ត បាន​ថ្លែងឱ្យដឹងថា ជាការ​ពិតណាស់ គឺ​នៅមាន​ចំណុច​ជាច្រើន ដែល​ទាមទារ​ឱ្យ​ប្រតិបត្តិ​ករ​សេវាកម្ម​ទេសចរណ៍ និង​អង្គភាព​ស្ថាប័ន​ពាក់​ព័​ន្ឋ រួមគ្នា​ពិនិត្យ​និង​ដោះស្រាយ​ជាបន្ទាន់​។ ជាពិសេស​លើ​បញ្ហា​តូប​អង្គុយ ដែល​គេ​មិនទាន់​ឃើញ​មាន​ការបិទ​កំណត់​តម្លៃ និង​មិនមាន​សញ្ញា​ណា​បញ្ជាក់ថា តូប​មួយណា​ត្រូវបាន​គេ​កក់​ទុក​រួចហើយ​នោះទេ​។

​ចំណែក​បញ្ហា​បង្គន់​អនាម័យ​នៅទីនេះ ក៏​មិនទាន់មាន​ភាពសមរម្យ​នៅឡើយ​ដែរ ។​ខណៈដែល​បញ្ហា​សំរាម យើង​បានរៀបចំ​បានល្អ​ប្រសើរ​ហើយ ដោយ​បានដាក់​ធុងសំរាម ទៅតាម​គោលដៅ​សំខាន់ៗ​មួយ ចំនួន​។ មន្ត្រី​បន្តថា ផ្នែក​បរិស្ថាន​មាន​ភាព​ស្រស់បស់​ហើយ ចំពោះ​ការលក់ដូរ​ម្ហូបអាហារ​នៅ​ទីនោះ ថ្ងៃ​ធម្មតា​មិនជា​ថ្លៃ​ណាស់ណា​នោះទេ តែ​ថ្ងៃបុណ្យ​ហាក់​ថ្លៃ​ខ្ពស់​បន្តិច​។​

​ប្រភព​បញ្ជាក់ទៀតថា ដើម្បីឱ្យ​ចរន្ត​ទេសចរ​របស់​យើង ប្រព្រឹត្តទៅ​បានល្អ​ពុំមាន​ការរាំងស្ទះ យើង​នឹងធ្វើ​ការអប់រំ​បន្ថែមទៀត​ដល់​អាជីវករ​នៅ​ភ្នំ​គូលែន​។ ឱ្យមាន​ការព្រមព្រៀង និង​កែលំអ​នូវ​ចំណុច​ខ្វះខាត ដើម្បី​ចៀសវាង​ការ​ថ្នាំងថ្នាក់​ពី​អ្នកទេសចរ ចំពោះ​តម្លៃ​ម្ហូបអាហារ​និង​កន្លែង​អង្គុយ​។

ក្នុងនោះ​តម្រូវអោយ​ពួកគាត់​សហការ​ជាមួយ​អាជ្ញាធរ​មូលដ្ឋាន និង​អង្គភាព​ស្ថាប័ន​ពាក់​ព័​ន្ឋ ដើម្បី​រួមគ្នា​ថែទាំ​បរិស្ថាន និង​រៀបចំ​សណ្តាប់ធ្នាប់​នៅ​ទីនោះ ឱ្យ​កាន់​តែមាន​សណ្តាប់ធ្នាប់ អនាម័យ​ល្អ និង​តម្លៃ​សមរម្យ ៕S/​

នឹង​កែសម្រួល​ចំណុច​ខ្វះខាត​នៅ​តំបន់​រមណីយដ្ឋាន​ភ្នំ​គូលែន​ឱ្យ​ប្រសើរ​ជាង​មុន​