​រដ្ឋាករទឹក​ភ្នំពេញ​ប្រកាស​ផ្អាក​ការទទួលប្រាក់​ថ្លៃ​ទឹក​រហូតដល់ថ្ងៃទី៤កញ្ញា

665

ភ្នំពេញៈ​រដ្ឋាករ​ទឹកភ្នំពេញបាន​ប្រកាស​ផ្អាក​ការទទួលប្រាក់​ថ្លៃ​ទឹក​រហូតដល់​ថ្ងៃទី​៤​ខែកញ្ញា​ទើប​ចាប់ផ្តើម​ទទួល​ឡើងវិញ​។​​លោកស្រី​ងិន ចន្ទ្រា អគ្គនាយិកា​រង​នៃ​រដ្ឋាករទឹក​ស្វយ័ត​ក្រុងភ្នំពេញ​បាន​ប្រាប់​រស្មី​កម្ពុជា​កាលពី​រសៀល​ថ្ងៃទី​២៩​ខែសីហា​ថា ការទទួលប្រាក់​ថ្លៃ​ប្រើប្រាស់​ទឹកស្អាត​នៅ​រាជធានី​ភ្នំពេញ​និង​ទីក្រុង​តាខ្មៅ​ត្រូវបាន​ផ្អាក​ពីពេលនេះ​(២៩​ខែសីហា​)​រហូតដល់​ថ្ងៃទី​៤​ខែកញ្ញា​ទើប​បើកទទួល​ឡើងវិញ​។​ពេលនេះ​រដ្ឋាករទឹក​កំពុងតែ​រៀបចំ​វិក្កយបត្រ​ថ្មី​តាមរបៀប​ចាស់ ដោយមាន​បន្ថែម​ប្រភេទ​៤០០​រៀល​និង​៥០០​រៀល​ហើយ​រៀបចំ​បែបបទ​បង្វិលប្រាក់​លម្អៀង​សង​អតិថិជន​វិញ​។​

​ ​នៅ​ថ្ងៃទី​២៩​ខែសីហា​រដ្ឋាករទឹក​ស្វយ័ត​ក្រុងភ្នំពេញ បានចេញ​សេចក្តីជូនដំណឹង ស្តីពី​ការផ្អាក​ការទទួលប្រាក់​ថ្លៃ​ទឹក​ពី​អតិថិជន​ជា​បណ្តោះអាសន្ន​ថា ក្នុង​គោលបំណង​ធ្វើការ​ទូទាត់​សង​ជា​សាច់ប្រាក់​លម្អៀង​លើស​ជូន​អ​ថិ​តិ​ជន​វិញ​នា​ថ្ងៃទី​៤​ខែកញ្ញា​រដ្ឋាករទឹក​ស្វយ័ត​ក្រុងភ្នំពេញ​កែសម្រួល​ប្រព​ន្ធ័​ចេញ​វិក្កយបត្រ (Software)​ដែល​តម្រូវ​ឲ្យ​រដ្ឋាករទឹក​ស្វយ័ត​ក្រុងភ្នំពេញ​ផ្អាក​ការទទួលប្រាក់​ថ្លៃ​ទឹក​ពី​អ​ថិ​តិ​ជន​ជា​បណ្តោះអាសន្ន​ចាប់ពី​ថ្ងៃ​ជូនដំណឹង​នេះ​រហូតដល់​ថ្ងៃទី​៤​ខែកញ្ញា ទើប​អាច​ដំណើរ​ការទទួលប្រាក់​ថ្លៃ​ទឹកជា​ធម្មតា​វិញ​បាន​។​

​ ​នៅ​ថ្ងៃទី​២៩​ខែសីហា​ដដែល​នេះ​រដ្ឋាករទឹក​ក្រុងភ្នំពេញ​ក៏បាន​ជូនដំណឹង​មួយ​ទៀតថា​រដ្ឋាករទឹក​ក្រុង​ភ្នំ​ពេ​ញឹ​ង​ធ្វើការ​ទូទាត់​សង​ជា​សាច់ប្រាក់​លម្អៀង​លើស​ជូន​អតិថិជន​វិញ​ចាប់ពី​ថ្ងៃទី​៤​ខែកញ្ញា​នៅតាម​បញ្ជរបេឡា​ទាំងអស់​របស់​រដ្ឋាករ​ទឹក​ស្វយ័ត​ក្រុងភ្នំពេញ​រៀងរាល់​ម៉ោង​ធ្វើការ ចាប់ពី​ម៉ោង​៦​ព្រឹក​ដល់​ម៉ោង​៤​ល្ងាច ដោយ​មិន​មានការ​សម្រាក​ពេល​ថ្ងៃត្រង់​ឡើយ ដោយ​គ្រាន់តែ​យកមក​ជាមួយ​នូវ វិក្កយបត្រ​បង់ប្រាក់​ថ្លៃ​ទឹក​ថ្មី​
(​ក្រោយពី​ការកែសម្រួល​តាម​កា​រគ​ណ​នា​ចាស់​)​និង​សក្ខី​ប​ត្រ​ដែល​នឹង​ចែកជូន ដោយ​ភ្នាក់ងារ​របស់​រដ្ឋាករ​ទឹក​ក្នុងពេល​ឆាប់ៗ​នេះ​។​
​គួរ​បញ្ជាក់ថា​បន្ទាប់ពី​មានប្រតិកម្ម​ពី​ប្រមុខ​រាជរដ្ឋាភិបាល​សម្តេច​តេ​ជោ​ហ៊ុនសែន​នោះ កាលពី​ថ្ងៃទី​២៨​ខែសីហា​ក្រសួង​ឧស្សាហកម្ម​និង​សិប្បកម្ម​ក៏បាន​ចេញ​សេចក្តីជូនដំណឹង​មួយ​អតិថិជន​ប្រើប្រាស់​ទឹក​របស់​រដ្ឋាករទឹក​ស្វយ័ត​ក្រុងភ្នំពេញ​ទូទាំង​រាជធានី​ភ្នំពេញ និង ក្រុង​តាខ្មៅ​ថា ដោយ​អនុវត្ត​នយោបាយ​បញ្ចុះ​ថ្លៃ​លក់​ទឹក​របស់​សម្តេច​តេ​ជោ​នាយករដ្ឋមន្ត្រី ក្រសួង​ឧស្សាហកម្ម​និង​សិប្បកម្ម បានចេញ​សេចក្តីសម្រេច​ស្តីពី​ការកែសម្រួល​ថ្លៃ​លក់​ទឹកស្អាត ដែល​ផលិត​និង​ផ្គត់ផ្គង់​ដោយ រដ្ឋាករទឹក​ស្វ​យ​ត្ន័​ក្រុងភ្នំពេញ​លេខ​១៤៩MIH២០១៧​ចុះ​ថ្ងៃទី​១៥​ខែឧសភា​ដោយបាន​បន្ថែម​កម្រិត​ប្រើប្រាស់​ពី​០​ទៅ​៣​ម៉ែត្រ​គីប ថ្លៃ​ត្រឹម​៤០០​រៀល​ក្នុង​មួយ​ម៉ែត្រគូប​តែប៉ុណ្ណោះ ដែល​ពីមុន​មានតម្លៃ ៥៥០​រៀល ក្នុង​មួយ​ម៉ែត្រគូប​។​
​ក្នុង​សេចក្តីជូនដំណឹង​ដដែល​បាន​បញ្ជាក់ថា​អនុវត្តតាម​សេចក្តីសម្រេច​នេះ ដោយមាន​កំហុស​បច្ចេក​ទេស រដ្ឋាករទឹកស្វ​យ័តក្រុងភ្នំពេញ បានធ្វើការ​គណនា និង ចេញ​វិក្កយបត្រ​ពុំ​ត្រឹមត្រូវ បណ្តាល​ឲ្យ​មានការ​កើន​តម្លៃ​ទឹក​ប្រើប្រាស់​របស់​ប្រជាជន នៅ​រាជធានី​ភ្នំពេញ​និង​ក្រុង​តាខ្មៅ​។​
​ចំពោះ​ការខុសឆ្គង​នេះ ក្រសួង​ឧស្សាហកម្ម​និង​សិប្បកម្ម សូម​អ​ភ​យ័​ទោស​ពី​សំណាក់ អតិថិជន​ទាំងអស់ ដែលមាន​ផលប៉ះពាល់​ពី​ការខុសឆ្គង​នេះហើយ​សន្យាថា​នឹងមិន​ឲ្យ​មានការ​ខុសឆ្គង​ជា​លើក​ទី​ពីរ​ឡើយ ។
ទន្ទឹមនេះ​ក្រសួង បាន​បញ្ជា​ឲ្យ​រដ្ឋាករទឹក​ស្វយ័ត​ក្រុងភ្នំពេញ អនុវត្ត​គណនា​តម្លៃ​ទឹក​តាមរបៀប​គណនា​ចាស់ និង សង​ជូន​អតិថិជន​ដែលមាន​ផលប៉ះពាល់​ទាំងអស់​នូវ​ទឹកប្រាក់​លម្អៀង​លើស​ជាបន្ទាន់​៕MN
ដោយៈ​ប​.​ខុន​

​រដ្ឋាករទឹក​ស្វយ័ត​ក្រុងភ្នំពេញ​ផ្អាក​ទទួល​ប្រាក់​ថ្លៃ​ទឹក​មួយរយៈ​