​រថយន្ដ​បើក​បុក​ក្បាល​ថ្ម​ចែកផ្លូវ​ស្ពាន​អាកាស​ក្រឡាប់​ផ្ងា​ជើងទ្រ​មេឃ​

933
ចែករម្លែក

ដោយៈ​ចាន់តូ​/​ភ្នំពេញៈ​បុរស​ម្នាក់​បើករថយន្ដ​ទាំង​ស្ថានភាព​ស្រវឹង និង​ក្នុង​ល្បឿន​លឿន ក៏​រេ​ចង្កូត​ទៅបុក​ជាមួយ​ក្បាល​នាគ​ពុះ​ទ្រូងផ្លូវ​បណ្ដាល​ឲ្យ​ក្រឡាប់​ផ្ងា​ជើង​ច្រ​ង៉ាង​។ បង្ក​ការភ្ញាក់ផ្អើល នៅតាម​បណ្ដោយ​ផ្លូវ​ព្រះ​មុនី​រ៉េត (២១៧)​ក្បែរ​ស្ពាន​អាកាស ស្ទឹងមានជ័យ​ក្នុង​សង្កាត់​ស្ទឹងមានជ័យ​ទី​១ ខណ្ឌមានជ័យ​កាលពី​រំលងអធ្រាត្រ​ចូល​ថ្ងៃទី​១៦ ខែកញ្ញា ឆ្នាំ​២០១៨ ។​

​តាម​ប្រភពព័ត៌មាន​ពី​ប្រជាពលរដ្ឋ​ដែល​នៅ​កន្លែងកើតហេតុ បាន​ប្រាប់​ឲ្យ​ដឹងថា មុនពេល​កើតហេតុ​គេ​ឃើញ​បុរស​ម្នាក់ បើករថយន្ត​បង្ក​ម៉ាក​លុច​ស៊ី​ល ពណ៌​ស NX200t ពាក់​ស្លាក​លេខ​ភ្នំពេញ 2BB-0088​។

បានធ្វើ​ដំណើរ​តាម​បណ្ដោយ​ផ្លូវ​ព្រះ​មុនី​រ៉េត (២១៧)​ទិសដៅ​ពី​ត្បូង​ទៅ​ជើង​ក្នុង​ល្បឿន​លឿង ព្រមទាំង​អ្នកបើកបរ​ស្ថិតក្នុង​ស្ថានភាព​ស្រវឹង​ផង ក៏បាន​រេ​ង្កូ​ច​ទៅបុក​ជាមួយ​ក្បាល​នាគ​ពុះ​ចែក​ទ្រូងផ្លូវ​បណ្ដាល​ឲ្យ​រថយន្ដ​ក្រឡាប​ផ្ងា​ជើង​ច្រ​ង៉ាង រង​ការខូចខាត​យ៉ាងដំណំ ចំណែកឯ​អ្នកបើក​រងរបួស​ស្រាល និង​ត្រូវ​សាច់ញាតិ​ដឹក​ចេញពី​កន្លែងកើតហេតុ​បាត់ស្រមោល​។​

​ក្រោយពេល​កើតហេតុ សមត្ថកិច្ច​មូលដ្ឋាន​បាន​ចុះ​ទៅដល់​កន្លែង​ហេតុ និង​ទាក់ទង​ទៅ​ជំនាញ​ចរាចរណ៍​ឲ្យ​មក​ធ្វើការ​វាស់វែង​យក​រថយន្ដ​បង្ក​ទៅ​រក្សាទុក​ខាង​ការិយាល័យ​ចរាចរណ៍​ជើងគោក នៃ​ស្នងការ​នគរបាល​រាជធានី​ភ្នំពេញ ដើម្បី​រង់ចាំ​ដោះស្រាយ​ទៅតាម​ផ្លូវច្បាប់​៕S/​