​រថយន្តបុក​ជាមួយ​រថយន្ត​បន្ត​ទៅបុក​ដើមឈើ​បណ្ដាល​ឲ្យ​រង​ការខូចខាត​ទាំងស្រុង​

356

(​ព្រៃវែង​)៖​រថយន្ត​ស៊េរី​ទំនើប​មួយគ្រឿង​បាន​រង​ការខូចខាត​ទាំងស្រុង​បន្ទាប់ពី​បើក​បុក​ជាមួយ​រថយន្ត​ធុន​ធំ​មួយគ្រឿង​រួច​បាន​ជ្រុល​ចង្កូត​ទៅបុក​ដើមឈើ​ពេញទំហឹង​តែ​សំណាង​អត់​មាន​អ្នករងរបួស​ធ្ងន់​និង​បាត់​បង់ជីវិត​ទេ​។

​ហេតុការណ៍​នេះ​បានកើត​ឡើង​នៅលើ​ផ្លូវជាតិ​លេខ​៨ ចន្លោះ​គីឡូម៉ែត្រ​លេខ​៩៩,១០០​ស្ថិតនៅ​ចំណុច​ភូមិ​ដូន​កឹង​ឃុំ​ដូន​កឹង​ស្រុក​កំចាយមារ​ខេត្តព្រៃវែង​កាលពី​វេលា​ម៉ោង​៥​និង​៤០​នាទី​ទាបភ្លឺ ថ្ងៃទី​២​ខែមករា​ឆ្នាំ​២០១៨​។​

ប្រជាពលរដ្ឋ​ដែល​នៅ​កន្លែងកើតហេតុ​បាន​និយាយ​ឱ្យដឹងថា នៅ​មុនពេល​កើតហេតុ​មាន​រថយន្ត​មួយគ្រឿង​ម៉ាក​ឡង់​គ្រី​ស៊័​រ ពណ៌​ខ្មៅ ពាក់​ស្លាក​លេខ​ភ្នំពេញ 2I 0168​បើកបរ​ដោយ​ឈ្មោះ ទូច សូ​នី​ភេទ​ប្រុស​អាយុ​៣៧​ឆ្នាំ នៅ​ភូមិ​តា​ក្ត​ល់ ឃុំ​តា​ក្ត​ល់​ស្រុក​តាខ្មៅ ខេត្តកណ្តាល​ដោយ​បើក​ក្នុងទិសដៅ​ពី​លិចទៅ​កើត​។​

លុះ​មកដល់​កន្លែងកើតហេតុ​បាន​ប៉ះ​ជាមួយ​រថយន្ត​ធុន​ធំ​ប្រភេទ​ភ្លៅ​៥​ហើយ​បាន​រេ​ចង្កូត​ទៅបុក​ដើមឈើ​ពេញទំហឹង​បណ្តាល​ឲ្យ​ខូច​រថយន្ត​ទាំងស្រុង​អ្នកបើកបរ​រងរបួស​ស្រាល​។​ក្រោយពេល​កើតហេតុ​រថយន្ត​ភ្លៅ​៥​បាន​បន្ត​បើក​គេច​ទៅ​បាត់​ចំពោះ​ជនរងគ្រោះ​បាន​បញ្ជូនទៅ​មន្ទីរពេទ្យ​រីឯ​រថយន្ត​បាន​យកមក​រក្សា​ទុក្ខ​នៅ​ប៉ុស្តិ៍​ដូន​កឹង​៕S/​ដោយ​៖​ចាន់ ថន​

​រថយន្តបុក​ជាមួយ​រថយន្ត​បន្ត​ទៅបុក​ដើមឈើ​បណ្ដាល​ឲ្យ​រង​ការខូចខាត​ទាំងស្រុង​