​រំលោភ​សម្លាប់​កុមារី​អាយុ​៥​ឆ្នាំ​ម្នាក់​យក​សព​បោះចោល​ក្នុង​ស្រះ​ទឹក​នៅ​ស្រុក​ព្រះស្ដេច​

1591
ចែករម្លែក

​ដោយៈ​ចាន់ ថន​/​ព្រៃវែងៈ​សព​កុមារី​ម្នាក់​ត្រូវបាន​គេ​ប្រទះឃើញ​ដេកស្លាប់​ក្នុង​ស្រះ​ទឹក​ក្នុង​វត្ត​មួយកន្លែង​នៅ​ស្រុក​ព្រះស្ដេច សមត្ថ​សន្និដ្ឋានថា​ជា​ករណី​រំលោភ​សម្លាប់​។​ហេតុការណ៍​នេះ​បាន​បង្ក​ការភ្ញាក់ផ្អើល នៅ​ចំណុច​មាត់​ស្រះ​ទឹក​ខាងត្បូង ឈៀង​ខាងកើត​ក្នុង​វត្ត​សទ្ធា​ភូមិ​សទ្ធា ឃុំ​រំចេក ស្រុក​ព្រះស្ដេច​ខេត្តព្រៃវែង កាលពី​វេលា​ម៉ោង​២​រសៀល​ថ្ងៃទី​១៧​ខែមេសា​ឆ្នាំ​២០១៨​។​

​លោក ពៅ ជីវី ស្នងការរង​នគរបាល​ខេត្តព្រៃវែង​បាន​ឲ្យ​ដឹងថា​នៅពេល​ដែលមាន​ប្រជាពលរដ្ឋ ប្តឹង​រាយការណ៍ ថា​មាន​សាកសព​ក្មេង​ដេកស្លាប់​។ ​ក្រោយពី​ទទួល​ព័ត៌មាន​សមត្ថកិច្ច​ជំនាញ​បាន​ចុះ​ត្រួតពិនិត្យ ធ្វើ​កោសល្យវិច័យ​លើ​ខ្លួន​សាកសព​ឈ្មោះ ចាន់ ស្រី​ជេ​ត ភេទ​ស្រី​អាយុ​
៥​ឆ្នាំ​នៅ​ភូមិ​សទ្ធា​ឃុំ​រំចេក ស្រុក​ព្រះស្តេច​។​ឪពុក​ឈ្មោះ ពុត ចាន់ អាយុ​៤៨​ឆ្នាំ​ម្តាយ​ឈ្មោះ រស់ ហេន​អាយុ​៣២​ឆ្នាំ នៅ​ភូមិ​​សទ្ធា​ឃុំ​រំចេក​ស្រុក​ព្រះស្ដេច​។​សមត្ថកិច្ច​ស​ន្និ​ដ្ឋា​ថា​ស្លាប់​ដោយ​ការរំលោភ​សម្លាប់​។​បច្ចុប្បន្ន​សមត្ថកិច្ច​យើង​កំពុង​ស្រាវជ្រាវ​កសាង​រកមុខ​សញ្ញា​ដើម្បី​ចាត់ការ​តាម​នីតិវិធី​៕S/

​រំលោភ​សម្លាប់​កុមារី​អាយុ​៥​ឆ្នាំ​ម្នាក់​យក​សព​បោះចោល​ក្នុង​ស្រះ​ទឹក​នៅ​ស្រុក​ព្រះស្ដេច​