​លាប រដ្ឋា និង តា​ញ់ មករា អាច​រកបាន ៣ ពិន្ទុ​ឬទេ ?

441
ចែករម្លែក

ដោយ​: រ៉ូ​ហ្សា /
​ភ្នំពេញ​: ការប្រកួត​វិលជុំ​សន្សំ​ពិន្ទុ សម្រាប់​ខ្សែក្រវាត់​ខា​រ៉ា​បាវ ទម្ងន់ ៥៧ គីឡូក្រាម លើស​ង្វៀន​អាស៊ីអាគ្នេយ៍ នា​រសៀល​ថ្ងៃទី​១៩ មករា អ្នក​ប្រដាល់​កម្ពុជា លាប រដ្ឋា​ក្លិប​ដី​ឡូ​តិ៍​មាន​រិ​ទ្ធ ខេត្តបន្ទាយមានជ័យ ត្រូវ​ជួប​ជាមួយ​អ្នក​ប្រដាល់​ថៃ ដែក ឌឿ (Dek Deour) ។​

​រដ្ឋា គេ​ទើបតែ​ដណ្ដើមបាន ពានរង្វាន់​មួយ កាលពី​ប៉ុន្មាន​ខែ​មុន ហើយ​ពេលនេះ គេហ​ក់មក​ចូលរួម ប្រកួតប្រជែង ដណ្ដើម​ខ្សែក្រវាត់ ខា​រ៉ា​បាវ ដែលមាន​ប្រាក់រង្វាន់ ៥.០០០ ដុល្លារ ។

​ជា​អ្នក​ប្រដាល់ មាន​កណ្ដាប់ដៃ​ល្អ​រហ័ស ធ្ងន់ ឯ​ស្នៀត​ជង្គង់ ទាត់ និង កែង ដែល​មិនមាន​នរណា ហ៊ាន​មើលរំលង​នោះ រដ្ឋា មាន​កម្លាំង​គ្រប់គ្រាន់ ដើម្បី​តស៊ូ​ជាមួយ គូប្រកួត ៥ ទឹក​ពេញ ។ អ្នក​ប្រដាល់​រូបនេះ ស្ទើរ​កំពស់​បន្តិច​តែប៉ុណ្ណោះ ។ រដ្ឋា មាន​ចិត្តធំ​មហិមា ។ គេ​មាន​ប្រវត្តិ​ប្រកួត ចំនួន​៥៣​ដង ឈ្នះ​៣៩​ដង ចាញ់​ចាញ់​១២​ដង និង​ស្មើ​ពិន្ទុ​២ ដង​។​

លាប រដ្ឋា និង ដែក ឌឿ​

​ចំពោះ​អ្នក​ប្រដាល់ ថៃ​ដែក ឌឿ វិញ គេ​ក៏​មិន​ខ្សោយ​ដែរ ។​អ្នក​ប្រដាល់​រូបនេះ​មាន​ប្រវត្តិ​ប្រកួត​ចំនួន​៥៤​ដង ឈ្នះ​៤៨​ដង ចាញ់​៦​ដង ។ នេះ​ជាការ​ប្រកួត​លើក​ទី​១ របស់​ពួកគេ ក្នុង​ព្រឹត្តិការណ៍​នេះ ។ ជ័យជំនះ​ជា​របស់ លាប រដ្ឋា ឬ ជា​របស់​អ្នក​ប្រដាល់​ថៃ ដែក ឌឿ ? ។​

​ប្រកួត​ក្នុង​ព្រឹត្តិការណ៍​នេះដែរ តា​ញ់ មករា ដែល​គេ​ស្គាល់​ជាទូទៅ​ថា ធន មករា នោះ ជួប​ប្រកួត​ជាមួយ អ្នក​ប្រដាល់​ថៃ បណ្ដា សាក់ (Banda Sak) ។​

​មករា ជា​អ្នក​ប្រដាល់​ស្រករ​ក្រោយ ដ៏​ខ្លាំង​មួយរូប ដែល​មួយរយៈ​នេះ គេ​ផ្ដួល​អ្នក​ប្រដាល់​ជើងចាស់ បាន​មិនតិច​នាក់​នោះទេ ។ ជាមួយនឹង​កំពស់​ល្អ​នោះ ជ​ង្ក​ង់ កែង កណ្ដាប់ដៃ របស់គេ លំបាក​ទប់ទល់​ណាស់ ។ អ្នក​ប្រដាល់​កម្ពុជា​រូបនេះ មាន​ប្រវត្តិ​ប្រកួត ចំនួន​៥៥​ដង ឈ្នះ​៤៩​ដង ចាញ់​៥​ដង និង​ស្មើ​ពិន្ទុ​១​ដង ។​

​ចំពោះ បណ្ដា សាក់ វិញ គេ​ធ្លាប់​មក​ប្រកួត នៅ​ស្រុក​ខ្មែរ​មួយ​លើក ពីរលើក​ដែរ គេ​មិនមែន ជា​អ្នក​ប្រដាល់ ដែល​ខ្លាំង​ណាស់ណា​នោះទេ​។ គេ​មាន​ប្រវត្តិ​ប្រកួត ចំនួន​៥៧​ដង ឈ្នះ​៥០​ដង និង​ចាញ់​៧​ដង ។​តា​ញ់ មករា និង បណ្ដា​សាក់ នរណា​ជា​អ្នក​រកបាន​៣​ពិន្ទុ ៕v

តា​ញ់ មករា និង បណ្ដា សាក់​