​វិស័យ​ចិញ្ចឹមសត្វ​និង​ជលផល​កម្ពុជា​បានបង្ហាញ​ពី​ការរីកចម្រើន​តាមរយៈ​ពិ​ព័ណ៌​នៅ​កោះ​ពេជ្រ​

1545
ចែករម្លែក
  • 5
    Shares

​ដោយ​មូល​សម្បត្តិ​/​ភ្នំ​ពេញៈការ​សម្ភោ​ធ​ពិ​ព័ណ៌​ស្តីអំពី​ផលិតផល​ចិញ្ចឹមសត្វ​និង​ជលផល​សម្រាប់​ឆ្នាំ​២០១៨​របស់​កម្ពុជា​នៅ​ថ្ងៃទី​៥​ដល់​ថ្ងៃទី​៧​ខែកញ្ញា​ឆ្នាំ​២០១៨​នេះ​គឺ​បានបង្ហាញ​អោយឃើញថា​វិស័យ​កសិកម្ម​បាន​ដើរតួនាទី​ក្នុង​សេដ្ឋកិច្ច​នៅ​កម្ពុ​ជាមាន​២៥​ភាគរយ​នៃ​ផលិតកម្ម​ក្នុងស្រុក​សរុប​របស់​ក​ម្ពុ​ជា​ហើយ​ទទួលបាន​ការយកចិត្ត​ទុកដាក់​ពី​រាជរដ្ឋាភិបាល​។​

​ផ្អែក​តាម​សេចក្តីប្រកាស​ព័ត៌មាន​នៃ​ការតាំង​ពិ​ព័ណ៌​បាន​បញ្ជាក់ថា​ការនាំចេញ​ផល​កសិកម្ម​បាន​កើនឡើង​ដល់​៥,១៣​លាន​តោន​នៅ​ឆ្នាំ​២០១៧​គឺ​កើន​បាន​៤,៧​លាន​តោន​បើ​ធៀប​ទៅនឹង​ឆ្នាំ​២០១៦​ដែលជា​សញ្ញា​មួយ​បង្ហាញថា​វិស័យ​នៃ​ស្ថិតនៅលើ​ផ្លូវត្រូវ​ស្របតាម​ក្រសួងកសិកម្ម​រុក្ខា​ប្រ​ម៉ាញ់​និង​នេសាទ​បានកំណត់​។​

​កម្ពុជា​ជាទី​ផ្សារ​ជោគជ័យ​សម្រាប់​ក្រុមហ៊ុន​បរទេស​ដែល​បាន​វិនិយោគ​លើ​ការដាំដុះ​និង​កែច្នៃ​ជា​ផ្លែឈើ ដំឡូង​មី​សណ្តែក​និង​គ្រាប់ពូជ​ផលិត​ចំណី​សត្វ​ផលិត​ទឹកដោះ​និង​ជលផល​។​ក្នុងនោះ​ផលិតកម្ម​បសុសត្វ​និង​ជលផល​នៅតែ​ជា​វិស័យ​សំខាន់​របស់​សេដ្ឋកិច្ចជាតិ​។​ពិ​ព័ណ៌​នេះ​បង្ហាញឱ្យឃើញ​គ្រប់​បណ្តា​មុខ​ផលិតផល​កសិកម្ម​ប្រមាណ​៦០​មុខ​ដែលមាន​១០០​ម៉ាក​បានដាក់​តាំង​នាឱកាស​នោះ​។​

​លោក​គិត​ហេង​អនុរដ្ឋលេខាធិការ​ក្រសួងកសិកម្ម​រុក្ខា​ប្រ​ម៉ាញ់​និង​នេសាទ​បានលើកឡើង​ក្នុង​ពិ​ព័ណ៌​នេះ​ថា​ជា​ឱកាស​មួយ​សម្រាប់​ឱ្យ​សហគ្រិន​ទាំងអស់​ដើម្បី​ពង្រីក​ទីផ្សារ​អាជីវកម្ម​របស់​ខ្លួន​អោយទាន់​សម័យ​នូវ​ការច្នៃប្រឌិត​បច្ចេកវិទ្យា​ចុងក្រោយ​ផ្សារភ្ជាប់​ជាមួយ​អតិថិជន​ដ៏​មាន​សក្តានុពល​ប្រកបដោយ​ប្រសិទ្ធិភាព​និង​មាន​ទស្សនាទាន​អំពី​ទីផ្សារ​អាស៊ីអាគ្នេយ៍​៕S/​