​សង្គ្រោះ​សត្វ​ស្វា​៣២​ក្បាល​ពី​កណ្តាប់ដៃ​ឈ្មួញ​អ​កុស​ល្យ​ងាប់​អស់​៨​ក្បាល​

1515
ចែករម្លែក

​ដោយៈ​សាត​ចាន់​បុត្រ​/​មណ្ឌលគិរីៈ​សត្វ​ស្វា​ស្រូវ​ប្រមាណ​៣២​ក្បាល​ត្រូវបាន​គេ​ជួយសង្គ្រោះ​ទាន់ពេលវេលា​ខណៈ​សត្វ​ស្វា​ទាំងនោះ​ត្រូវបាន​ឈ្មួញ​ទុច្ចរិត​ដឹក​យកទៅ​បម្រុង​លក់​ក្នុង​ទីផ្សារងងឹត​។​ការសង្គ្រោះ​សត្វ​ស្វា​ខាងលើ​ធ្វើឡើង​ពី​សំណាក់​នគរបាល​ប៉ុស្តិ៍​រដ្ឋបាល​មេ​ម៉​ង់​សហការ​ជាមួយ​ស្នាក់ការ​បរិស្ថាន​ប្រចាំ​ឃុំ​មេ​ម៉​ង់​និង​កងរាជអាវុធហត្ថ​ស្នាក់ការ​សន្តិសុខ​៧៦៤​កាលពី​ម៉ោង​៤​ទាបភ្លឺ​ថ្ងៃទី​១៦​ខែមីនា​ឆ្នាំ​២០១៨ ។

​លោក​ស៊ុន​ប៊ុនធឿន​អធិការនគរបាល​ស្រុក​កែវ​សីមា​បានឱ្យដឹងថា​កម្លាំង​ប៉ុស្តិ៍​មេ​ម៉​ង់​បាន​សហការ​ជាមួយ​ស្នាក់ការ​បរិស្ថាន​ប្រចាំ​ឃុំ​មេ​ម៉​ង់​និង​កងរាជអាវុធហត្ថ​ស្នាក់​សន្តិសុខ ៧៦៤ បាន​ឃាត់​ម៉ូតូ​សង្ស័យ​ចំនួន​២​គ្រឿង ម៉ូតូ​ទី​១:​ម៉ាក Exciter(​ពណ៌​ក្រហម​) ម៉ូតូ​ទី​២ ឆ្លាម​កែច្នៃ ដោយ​ម្ចាស់​ម៉ូតូ​រត់​គេចខ្លួនបាត់​។ ក្រោយ​ការ​ឆេ​ក​ឆេរ​សមត្ថកិច្ច​បាន​រក​ឃើញ​នូវ​សត្វ​ស្វា​ចំនួន​៣២​ក្បាល ក្នុងនោះ​វា​បាន​ងាប់​៨​ក្បាល​ទៅហើយ​។

​លោ​កថា​សត្វ​ស្វា​នោះ​ជា​អំបូរ​ស្វា​ស្រូវ ហើយ​យើង​បាន​រំដោះ​ពី​ដៃ​ឈ្មួញ​នៅត្រង់ចំណុច​ក្រោម​ភ្នំ​កាច់ករ ភូមិសាស្ត្រ ឃុំ​មេ​ម៉​ង ស្រុក​កែវ​សីមា​ខេត្តមណ្ឌលគិរី​។​លោក​អធិការ​បាន​បញ្ជាក់ថា​ម៉ូតូ​ជា​មធ្យោបាយ​របស់​ឈ្មួញ​ត្រូវ​យកមក​រក្សាទុក​នៅ​ស្នាក់ការ​បរិស្ថាន​។​ឯ​សត្វ​ស្វា​ដែល​នៅរស់​បាន​យកទៅ​ដោះលែង​ឱ្យមាន​សេរីភាព​ក្នុង​ជម្រក​របស់​វា​ដដែល​។​ដោយឡែក​ស្វា​ដែល​ងាប់​តម្រូវឱ្យ​យកទៅ​ដុត​បំផ្លាញចោល ។

​ពាក់ព័ន្ធ​និង​ព័ត៌មាន​លម្អិត​នោះ​លោក​កែវ​សុភ​គ៌​ប្រធាន​មន្ទីរ​បរិស្ថាន​ខេត្តមណ្ឌលគិរី​មិនបាន​ទទួល​ទូរស័ព្ទ​នោះទេ​នា​ម៉ោង​៤​និង​១៥​នាទី​ល្ងាច​ថ្ងៃ​ដដែល​នេះ​៕S/