​សមត្ថកិច្ច​ឃាត់ខ្លួន​គ្រូពេទ្យ​បើក​កន្លែង​ព្យាបាល​ជំងឺ​ធ្វើឱ្យ​ជនជាតិ​ចិន​ម្នាក់​ស្លាប់​

748
ចែករម្លែក
  • 152
    Shares

​ដោយៈ​ចាន់តូ​/​ភ្នំពេញ​:​គ្រូពេទ្យ​ជនជាតិ​ចិន​ប្តី​ប្រពន្ធ​បើក​កន្លែង​ព្យាបាល​ជំងឺ​ខ្វះ​បច្ចេកទេស​បណ្តាលឱ្យ​បុរស​ជនជាតិ​ចិន​ម្នាក់​ស្លាប់​នៅក្នុង​មន្ទីរពេទ្យ​របស់ខ្លួន​ត្រូវបាន​សមត្ថកិច្ច​ឃាត់ខ្លួន​ជា​បណ្តោះអាសន្ន​រង់ចាំ​ការដោះស្រាយ​ជាមួយ​ក្រុមគ្រួសារ​សព​។

ការបង្ក​ឱ្យមាន​ការភ្ញាក់ផ្អើល​កាល​វេលា​ម៉ោង ៥​នឹង​៣០​នាទី​ល្ងាច ថ្ងៃទី ១៥​ខែតុលា​ឆ្នាំ​២០១៨​នៅ មន្ទីរ​សម្រាក​ព្យាបាល​និង សម្ភព ផេង វុទ្ធី ដែល​ស្ថិតនៅ ផ្ទះ​លេខ DD.១០ ភូមិ​ក្បាលដំរី ២​សង្កាត់​កា​កាប​ទី​២​ខណ្ឌ​ពោធិ៍​សែន​ជ័យ​។

​សព​ឈ្មោះ​WANG ZHIQIANG អាយុ ៤៩​ឆ្នាំ​មុខរបរ លក់​គ្រឿងខ្លែម នៅ​កំបូល ជា​ជនជាតិ ចិន ស្នាក់នៅ​ផ្ទះសំណាក់​មិត្តភាព​ភូមិ​កើតហេតុ​ខាងលើ​។​គ្រូពេទ្យ​ជនជាតិ​ចិន​ជា​ម្ចាស់​កន្លែង​ឈ្មោះ LI XIA OYONG ភេទ​ប្រុស​អាយុ​៣៩​ឆ្នាំ​ជា វេជ្ជបណ្ឌិត មាន​សញ្ញាប័ត្រ​ត្រឹមត្រូវ​នៅ​ប្រទេស​ចិន ។

​តាម​ប្រភពព័ត៌មាន​ពី​គ្រូពេទ្យ​បាន​និយាយ​ប្រាប់ថា​នៅ​មុនពេល​កើតហេតុ​ដោយ​ឃើញ​ជនរងគ្រោះ​(​សព​) បាន​ជិះ​រ៉ឺម៉ក​កង់​បី​មក មន្ទីរពេទ្យ​របស់គាត់​។​ដោយ​ជនរងគ្រោះ​មាន​អាកា​រៈ​ក្តៅខ្លួន​ខ្លាំង ឈឺ សន្លាក់ដៃ សន្លាក់ជើង​ដោយ​ភ្លាមៗ​នោះ​គ្រូពេទ្យ​បាន​ពិនិត្យ​ជនរងគ្រោះ ដោយមាន​កំដៅ​ក្តៅខ្លួន​ខ្លាំង​។​គាត់​បាន​ពិនិត្យ​ទៅ ដោយ ដឹងថា ជនរងគ្រោះ​មាន​ជំងឺ គ្រុនឈាម បន្ទាប់មក គ្រូពេទ្យ​ខាងលើ បានដាក់ សឺ​រ៉ូម​បាន​មួយ​ប្លោក​។​

ជនរងគ្រោះ​មាន​អា​ការៈធម្មតា​ហើយ​បានដាក់​សឺ​រ៉ូម​មួយទៀត​ជា​ប្រភេទ​ថ្នាំ​ផ្សេង​។​ដាក់​សឺ​រ៉ូម​បាន​ពាក់កណ្តាល ជនរងគ្រោះ​ស្រាប់​តែមាន មុខ​អា​ការៈខុសប្លែក​ពី ធម្មតា ស្លេកស្លាំង​។​គ្រូពេទ្យ​និង​ប្រពន្ធ បានគាស់​មាត់​ជនរងគ្រោះ​ដើម្បី​ប​ញ្ជូ​ល​ខ្យល់​អុក​ស៊ី​ហ្ស៊ែ​ន​ហើយ​ធ្វើ​ចលនា ដើមទ្រូង​។ លុះ​មួយ សន្ទុះ​ក្រោយមក ជនរងគ្រោះ​បាន​ដាច់ខ្យល់​ស្លាប់បាត់​ទៅហើយ​។

​សមត្ថកិច្ច​នឹង​មន្ត្រី​យ​សុខាភិបាល​បានឱ្យដឹងថា សម្ភព នឹង​សំរាក​ព្យាបាល ផេង វុទ្ធី​នេះ​ដោយ​មិនមាន​ផាសុកភាព​និង​ខ្វះ អនាម័យ​យ៉ាងខ្លាំង ព្រោះ​នៅក្នុង បន្ទប់​ពិនិត្យ​និង​ពិសោធន៍ សំបូរ​ទៅដោយ កន្ទុយបារី​មិនមាន​អនាម័យ​ទេ​។

​ក្រោយមក​សមត្ថកិច្ច​បា​ន​នាំខ្លួន​លោកគ្រូ​ពេទ្យ​និង​ប្រពន្ធ​យកទៅ​ឃុំខ្លួន​បណ្តោះអាសន្ន​នៅ​អធិការ​ខណ្ឌ​ពោ​ធិ៏​រង់ចាំ​បញ្ជូនបន្ត​ទៅតាម​និតិ​វិធី​នៃ​ច្បាប់​។​ចំណែក​សាកសព​ខាង​កុសល​វិ​ច្ឆ័​យ​បាន​យកទៅ​ក្លាស្សេ​ទុក​នៅ​វត្ត​ស្ទឹងមានជ័យ​រង់ចាំ​សាច់ញាតិ​មក​យកទៅ​ធ្វើបុណ្យ​តាម​ប្រពៃណី​៕S/​

​សមត្ថកិច្ច​ឃាត់ខ្លួន​គ្រូពេទ្យ​បើក​កន្លែង​ព្យាបាល​ជំងឺ​ធ្វើឱ្យ​ជនជាតិ​ចិន​ម្នាក់​ស្លាប់​