​សមត្ថកិច្ច​បង្ក្រាប​កន្លែង​ជល់​មាន់​រឹបអូស​បាន​វត្ថុតាង​ជាច្រើន​នៅ​ស្រុក​ចិត្រ​បុរី​

214
ចែករម្លែក

ដោយ​៖​សេង​ឃួន​/​ក្រចេះ​៖​កម្លាំង​អាវុធហត្ថ​ខេត្តក្រចេះ​សហការ​ជាមួយ​កម្លាំង​អាវុធហត្ថ​ស្រុក​ចិត្រ​បុរី គ​ក្រោម​បញ្ជា លោក​សាន្ត ប៊ុន​ថា​ន មេបញ្ជាការ​អាវុធហត្ថ​ខេត្តក្រចេះ ដឹកនាំ​ដោយ​លោក ឡុង យឹ​ង មេបញ្ជាការរង​អាវុធហត្ថ​ខេត្ត​។​សមត្ថកិច្ច​បាន​បង្ក្រាប​ទីតាំង​ជល់​មាន់​និង​អាប៉ោង​១​កន្លែង​រឹបអូស​បាន​វត្ថុតាង​ជាច្រើន ស្ថិតនៅ​ភូមិ​កន្ទួត ឃុំ​កន្ទួត ស្រុក​ចិត្រ​បុរី​ខេត្តក្រចេះ​កាលពី​ថ្ងៃទី​២៧ ខែមករា​ឆ្នាំ​២០១៩​។​

​លោក អ៊ឹម ចិ​ត្រា មេបញ្ជាការ​អាវុធហត្ថ ស្រុក​ចិត្រ​បុរី បានឱ្យដឹងថា ប្រតិបត្តិការ​នេះ កម្លាំង​អាវុធហត្ថ រឹប​អុស​បាន​វត្ថុតាង​រួមមាន​៖ មាន់​ចំនួន​២​ក្បាល អង្រុត​ដែក​១០ ក​ន្ទ្រ​ក់ដា​ក់មាន​ចំនួន​៩ កៅអី​ជ័រ​ចំនួន​២១ របាំង​សង្វៀន​ជល់​មាន់​១​ស្កុ​តរុំ​ជើងមាន់​១៥​ដុំ​ហាន់​តោ​អាប៉ោង​១​រថយន្ដ​ចំនួន​២​គ្រឿង​ម៉ូតូ​ចំនួន​៣​គ្រឿង​។​

​លោក​មេបញ្ជាការ​ស្រុក​រូបនោះ​បន្ដទៀតថា​កាលពី​ប៉ុន្មាន​ថ្ងៃមុន​កម្លាំង​អាវុធហត្ថ​បាន​ចុះទៅ​បង្ក្រាប​ទីតាំង​ជល់​មាន់​មួយកន្លែង​ដែរ​ស្ថិតនៅ​ភូមិ​រលោច​ឃុំ​កន្ទួតស្រុក​ចិត្រ​បុរី​ខេត្តក្រចេះ​។​ប៉ុន្តែ​ត្រូវបាន​អ្នកលេង​ដឹងខ្លួន​មុន​រត់​បាត់អស់​នៅសល់តែ​សង្វៀន​ជល់​មាន់​ហើយ​កម្លាំង​អាវុធហត្ថ​បាន​រុះរើ​បំផ្លាញចោល​។​ថ្ងៃនេះ​កម្លាំង​អាវុធហត្ថ​ចុះបង្ក្រាប​ទីតាំង​នេះ​ដោយ​រឹប​អុស​បាន​វត្ថុ​តាំង​ជា​ច្រើនតែ​មិនបាន​ឃាត់ខ្លួន​អ្នកលេង​ទាំង​នោះទេ​ព្រោះ​ពេល​កម្លាំង​ទៅដល់​ពួកគេ​បាន​រត់គេចខ្លួន​អស់​។​

​បច្ចុប្បន្ន​វត្ថុ​តាំង​ទាំងនោះ​ត្រូវ​កម្លាំង​អាវុធហត្ថ​នាំយកមក​រក្សា​ទុក្ខ​បណ្ដោះអាសន្ន​នៅ​មូលដ្ឋាន​អាវុធហត្ថ​ស្រុក​ចិត្រ​បុរី​ដើម្បី​ចាត់ការ​វិធានការ​តាម​នីតិវិធី​ច្បាប់​បន្ត​៕S