​សមត្ថកិច្ច​អាវុធហត្ថ​ឃាត់​ជនសង្ស័យ​ម្នាក់​ពាក់ព័ន្ធ​គ្រឿងញៀន​នៅ​ស្រុក​ជាំ​ក្សាន្ត​

745
ចែករម្លែក

ដោយៈ​សៅ​វ៉ាន់ឌី​/​ព្រះ​វិហារៈ​កម្លាំង​កងរាជអាវុធហត្ថ​ស្រុក​ជាំ​ក្សាន្ត​បាន​សហការ​ជាមួយ​កម្លាំង​ស្នាក់ការ​សន្តិសុខ​បាន​ចុះបង្ក្រាប​ករណី​រក្សាទុក​ជួញដូរ​និង​ប្រើប្រាស់​នូវ​សារធាតុ​ញៀន​និង​បាន​ឃាត់ខ្លួន​ជនសង្ស័យ​ម្នាក់​រួមទាំង​វត្ថុតាង​មួយចំនួនទៀត​។​ការឃាត់ខ្លួន​បានធ្វើ​ឡើង​នៅ​ចំណុច​ភូមិ​អន្លង់វែង ឃុំ​កន្ទួត ស្រុក​ជាំ​ក្សាន្ត ខេត្តព្រះវិហារ កាលពី​ថ្ងៃទី​៩​ខែមេសា ឆ្នាំ​២០១៨ ។​

​ប្រតិបត្តិ​ការដឹកនាំ​ដោយ​វរសេនីយ៍ត្រី​ពេជ្រ​សុ​ភី​មេបញ្ជាការ​កងរាជអាវុធហត្ថ​ស្រុក​ដោយ​ជនសង្ស័យ​ដែល​ឃាត់ខ្លួន ឈ្មោះ ម៉ី ប្រុស អាយុ​២៦​ឆ្នាំ មុខរបរ​មិន​ពិតប្រាកដ រស់នៅ​ភូមិ​ឃុំ​ខាងលើ​។​ជាមួយគ្នា​នោះ សមត្ថកិច្ច​បាន​ដកហូត​ថ្នាំញៀន​ប្រភេទ​ម្សៅ​ក្រាម​ពណ៌​ស​ថ្លា ហៅ​ម៉ា​ទឹកកក ១​កញ្ចប់ ទម្ងន់​២,៣៩​ក្រាម​, ម៉ូតូ​១​គ្រឿង ម៉ាក​ហុងដា​អឹម​អេស​អ៊ិ​ច ពណ៌​ក្រហម​លា​យស ពាក់​ស្លាក​លេខ ភ្នំពេញ 1U-6813 និង​ទូរស័ព្ទដៃ​១​គ្រឿង រួមទាំង​សម្ភារ​សម្រាប់​ប្រើប្រាស់​គ្រឿងញៀន​មួយចំនួនទៀត​។​

​ក្រោយ​ចាប់ខ្លួន ជនសង្ស័យ និង​វត្ថុតាង ត្រូវបាន​កម្លាំង​ជំនាញ​កងរាជអាវុធហត្ថ​កសាង​សំណុំរឿង បញ្ជូនទៅ​សាលាដំបូង​ខេត្តព្រះវិហារ ដើម្បី​ចាត់ការ​បន្ត​តាម​នីតិវិធី​៕S/​

​សមត្ថកិច្ច​អាវុធហត្ថ​ឃាត់​ជនសង្ស័យ​ម្នាក់​ពាក់ព័ន្ធ​គ្រឿងញៀន​នៅ​ស្រុក​ជាំ​ក្សាន្ត​

#