​សម្តេច​តេ​ជោ ហ៊ុន សែន បាន​អញ្ជើញ​បោះឆ្នោត​រួចហើយ​នៅ​មណ្ឌល​ខេត្តកណ្តាល​

632
ចែករម្លែក

កណ្តាល​៖ សម្តេច​អគ្គមហាសេនាបតី​តេ​ជោ ហ៊ុន សែន ប្រមុខ​គណបក្ស​ប្រជាជន​កម្ពុជា​បាន​អញ្ជើញ​បោះឆ្នោត​នៅ​មណ្ឌល​ខេត្តកណ្ដាល កា​រិ​ល័យ លេខ ១៦៩៧ ក្នុង​សាលា​គរុកោសល្យ​វិ​ក្រិ​ត្យ​ការ​ក្រ‌ុ​ង​តាខ្មៅ សង្កាត់​តាខ្មៅ ក្រុង​តាខ្មៅ នា​វេលា​ម៉ោង ៧៖១០ នាទី​ព្រឹក​ថ្ងៃទី ២៩ ខែ កក្កដា នេះ​។
​ ​
​សម្តេច​តេ​ជោ ហ៊ុន សែន នាយករដ្ឋមន្ត្រី​កម្ពុជា​ពុំបាន​ឆ្លើយតប​ទៅ​សំណួរ​អ្នកសារព័ត៌មាន​ដែល​បាន​សួរ​នោះទេ ។​ នៅក្នុងការិយាល័យបោះឆ្នោតសាលា​គរុកោសល្យ​វិ​ក្រិ​ត្យ​ការ​ក្រ‌ុ​ង​តាខ្មៅគេសង្កេតឃើញវត្តមានអ្នកសង្កេតការណ៍ជាតិ និង អន្តរជាតិយ៉ាងច្រើនកុះករ ដែលក្នុងនោះរួមមាន ក្រុមសង្កេតការមកពីប្រទេសចិន ប្រទេសថៃ និង អង្គការអន្តរ ជាតិ មួួយចំនួនរួមមាន CDI, ICAPP, CAPDI និង អ្នកការសែតជាតិ និង អ្នកសង្កេតការណ៍អន្តរជាតិជាច្រើន ។

ខេត្តកណ្តាល​មានស្រុក​ចំនួន ១០ និង មាន​ការិយាល័យ​បោះឆ្នោត ចំនួន ១៧៣៤ ការិយាល័យ និង អ្នកបោះឆ្នោត ៧៣២.៥៧២ នាក់ ។ មាន អាសនៈ ចំនួន ១១ ។
​ ​
​គណបក្សនយោបាយ​ដែល​ចូលរួម​បោះឆ្នោត​នៅ​ខេត្តកណ្តាល​រួមមាន​ចំនួន ១៧ គណបក្ស ក្នុងនោះ​រួមមាន​៖​ទី​១.​គណបក្ស​ខ្មែរ​រួបរួម​ជាតិ​,​ទី​២.​គណ បក្ស​មាតុភូមិ​យើង​, ទី​៣.​គណបក្ស​ពន្លឺ​ថ្មី ,​ទី​៤.​គណបក្ស​សញ្ជាតិ​កម្ពុជា ,​ទី​៥.​គណបក្ស​ខ្មែរ​ក្រោក​, ទី​៦.​គណបក្ស​សំបុក​ឃ្មុំ​សង្គម​ប្រជា ធិបតេយ្យ ,​ទី​៧.​គណបក្ស​ប្រជាធិបតេយ្យ​មូលដ្ឋាន​,​ទី​៨.​គណ បក្ស​រស្មី​ខេមរា ,​ទី​៩.​គណបក្ស​សម្ព័ន្ធ​ដើម្បី​ប្រជាធិបតេយ្យ​,​ទី​១០.​គណបក្ស​ខ្មែរ​ឈប់​ក្រ​, ទី​១១. គណបក្ស​ហ្វ៊ុនស៊ីនប៉ិច ,​ទី​១២.​គណបក្ស​ខ្មែរ​អភិវឌ្ឍ​សេដ្ឋកិច្ច ,​ទី​១៣.​គណ បក្ស​យុវជន​កម្ពុជា​, ទី​១៤.​គណបក្ស​ធម្មាធិបតេយ្យ​, ទី​១៥.​គណ បក្ស​ឆន្ទៈ​ខ្មែរ ,​ទី​១៦.​គណបក្ស​ខ្មែរ​តែមួយ និង ទី ១៧.​កណ​បក្ស​ប្រជាជន​កម្ពុជា ។​

​ក្នុង​ឆ្នាំ ២០១៨ នេះ​អាសនៈ​តំណាងរាស្ត្រ មាន ១២៥ អាសនៈ ប្រជាជន​មានឈ្មោះ​ក្នុង​បញ្ជី​បោះឆ្នោត​មាន​ចំនួន ៨.៣៨០ ២១៧ នាក់ មាន​ការិយាល័យ​បោះឆ្នោត​ចំនួន ២២.៩៦៧ ការី​យា​ល័យ ៕​ BR