​អាជ្ញាធរខេត្ត​ព្រះវិហារ​អំពាវនាវ​ឲ្យ​ពលរដ្ឋ​បើកបរ​ម៉ូតូ​ត្រូវ​ពាក់មួក​សុវត្ថិភាព​ឱ្យបាន​ត្រឹមត្រូវ​

351

(​ព្រះវិហារ​)៖​លោក អ៊ុន ចាន់​ដា អភិបាលខេត្ត និង​ជា​ប្រធាន​អនុ​គណៈកម្មាការ​សុ​វត្តិភាព​ច​រា​រណ៍​ផ្លូវគោក ខេត្តព្រះវិហារ បាន​អំពាវនាវ​ឲ្យ​ប្រជាពលរដ្ឋ​ពេល​បើកបរ​ម៉ូតូ ត្រូវ​ពាក់មួក​សុវត្ថិភាព​ឲ្យ​បាន​ត្រឹមត្រូវ និង​គ្រប់ពេលវេលា មិន​ថា ផ្លូវ​ជិត ឬ​ឆ្ងាយ​ឡើយ​។​
​នៅក្នុង​ពិធី​សំនួរចម្លើយ​ចែក​មួកសុវត្ថិភាព ជូន​ប្រជាពលរដ្ឋ​ចំនួន​ជាង​២០០​នាក់​កាលពី​ថ្ងៃទី​១២ ខែកុម្ភៈ ឆ្នាំ​២០១៨​លោក អ៊ុន ចាន់​ដា បាន​ឲ្យ​ដឹងថា មួកសុវត្ថិភាព​ស្តង់ដារ​ជួយ​ដល់​អ្នកបើកបរ​ម៉ូតូ​យ៉ាងច្រើន ជាពិសេស​ជួយ​ការពារ និង​សង្គ្រោះ​ជិវិត និង​ពិការភាព​របស់​អ្នកធ្វើដំណើរ​ដោយ​ម៉ូតូ​។​

​លោក​បន្ដថា គ្រោះថ្នាក​ចរាចរណ៍ ជា​ឃាតក​លាក់​មុខ​ដែល​បានសម្លាប់​ពលរដ្ឋ​ធ្វើដំណើរ​តាម​ដងផ្លូវ​ជា​រៀងរាល់ថ្ងៃ គ្រោះថ្នាក់​ចរាចរណ៍​បណ្តា​ល​ឲ្យ​ស្លាប់ និង​រងរបួស​ជា​រៀងរាល់ថ្ងៃ កើតឡើង​ដោយសារ​ការបើកបរ​ម៉ូតូ​មិន​ពាក់មួក​សុវត្ថិភាព​។ លោក​ថា មហន្តរាយ​ដ៏​ធំធេង​នេះ ធ្វើ​ឲ្យ​ប៉ះពាល់​ដល់​សុខដុមរមនា ជីវភាព​រស់នៅ​របស់​ពលរដ្ឋ និង​សេដ្ឋកិច្ច​សង្គមជាតិ​ទាំងមូល ដែលមាន​តម្លៃ​មិនអាច​កាត់ថ្លៃ​បាន​។​

​លោក អ៊ុន ចាន់​ដា បាន​ថ្លែងថា “​ខ្ញុំ​អំពាវនាវ​ឲ្យ​ប្រជាពលរដ្ឋ​ទាំងអស់ បើកបរ​ម៉ូតូ​ដោយ​ពាក់មួក​សុវត្ថិភាព​ឲ្យ​បាន​ត្រឹមត្រូវ និង​គ្រប់ពេលវេលា មិន​ថា ផ្លូវ​ជិត ឬ​ឆ្ងាយ​ឡើយ ព្រោះ​គ្រោះថ្នាក់​ចរាចរណ៍​អាច​កើតឡើង​គ្រប់ពេលវេលា​។ វា​មិនដែល​ប្រកាន់​ថា ទាល់តែ​ផ្លូវ​ឆ្ងាយ ទើប​មាន​គ្រោះថ្នាក់​នោះទេ​”​។​

ជាមួយនឹង​ការយកចិត្តទុកដាក់​ខ្ពស់​ពី​សុវត្ថិភាព​របស់​ពលរ​ដ្ឋ ធ្វើដំណើរ​តាម​ដងផ្លូវ ដោយ​ពាក់​ម៉ូតូ​សុវត្ថិភាព ក៏ដូចជា​ការយកចិត្ត​ទុកដាក់​ចំពោះ​ការរីកចម្រើន​សេដ្ឋកិច្ច​គ្រួសារ សេដ្ឋកិច្ច​សង្គមជាតិ​ទាំងមូល និង​ការរស់នៅ​ជួបជុំ​គ្រួសារ​ប្រកបដោយ​សុខដុមរមនា​។​

​រដ្ឋមន្ត្រី​ក្រ​សួ​សាធារណការ​បាន​រិះរក​គ្រប់​មធ្យោបាយ​ដើម្បី​បាន​មួកសុវត្ថិភាព​សម្រាប់​ចែកជូន​ប្រជាពលរដ្ឋ​ឲ្យ​បាន​កាន់តែច្រើន​តាម​ដែល​អាច​ធ្វើបាន​។​ក្នុងនោះដែរ​លោក​សំលាង​ទ្រី​ប្រធាន​មន្ទីរ​សាធារណៈការ​និង​ដឹកជញ្ជូន​ខេត្តព្រះវិហារ​បានធ្វើការ​សាកសួ​អំពី​សំនួរចម្លើយ​ដល់​ប្រជាពលរដ្ឋ និង​ចែក​មួក​សុ​វត្តិភាព​ជូន​ដល់​ពលរដ្ឋ បើកបរ​ម៉ូតូ​ពុំ​ពាក់មួក​ចំនួន​៧២​មួក​ផងដែរ​៕S/​ដោយ​៖​សៅ​វ៉ាន់ឌី​

​អាជ្ញាធរខេត្ត​ព្រះវិហារ​អំពាវនាវ​ឲ្យ​ពលរដ្ឋ​បើកបរ​ម៉ូតូ​ត្រូវ​ពាក់មួក​សុវត្ថិភាព​ឱ្យបាន​ត្រឹមត្រូវ​