Nokia 3310 ដាក់​រូប​ត្រាំ​និង​ពូ​ទីន តំលៃ​ជាង​២​ពាន់​ដុល្លារ​

660

​នៅ​ឆ្នាំ​២០១៥ ទូរស័ព្ទ​Nokia 3310 បាន​ឈប់​ផលិត​ក្រោយ​លក់បាន​១២៦​លាន​គ្រឿង តែ​វា​នៅតែ​ត្រូវបាន​ចាត់ទុកជា​ជោគជ័យ​ធំ​បំផុត​របស់​ក្រុមហ៊ុនទូរស័ព្ទ​ចល័ត​​ហ្វាំ​ង​ឡង់​។​អ្នក​ប្រើ​អោយ​តំលៃ​លើ​ភាព​ធន់​មាំ​របស់​វា​ជាមួយនឹង​ថ្ម​ប្រើ​បានយូរ​។​

​ក្រុមហ៊ុន​រុស្ស៊ី​មួយ​ខាង​ផលិត​ស្មា​ត​ហ្វូ​ន​ប្រណិត​Caviar​បានប្រកាស​ផលិត​ចេញ​Nokia 3310​ប៊ូ​តុង​ចុច​តែមាន​ការ​រចនា​ថ្មី ដោយ​រំលេច​រូប​ជំនួប​កំពូល​រវាង​ប្រធានាធិបតី​​ដូ​ណា​ល់ ត្រាំ និង​លោក​វ្ល៉ា​ឌី​មៀ ពូ​ទីន ប្រធានាធិបតី​រុស្ស៊ី ។​

​គេហទំព័រ​របស់ Caviar​បាន​និយាយថា​” យើង​សង្ឃឹមថា ជំនួប​កំពូល​រវាង​ពូ​ទីន​និង​ត្រាំ​នឹង​ក្លាយជា​ការចាប់ផ្តើម​ប្រវត្តិសាស្ត្រ​និង​ទំនាក់ទំនង​ថ្មី​មួយ​រវាង​រុស្ស៊ី​និង​អាមេរិក​”​។​

​ម៉ូ​ដែល​បង្កើត​សន្តិភាព​នេះ​មាន​រូប​ពាក់កណ្តាល​ខ្លួន​ពណ៌​មាស​របស់​ពូ​ទីន​និង​ត្រាំ​ជាមួយនឹង​បន្ទះ​ខាងក្រោយ​ធ្វើ​ពី​ទី​តា​ញ៉ូ​ម​។​បើតាម​ប្រភពព័ត៌មាន​ទូរស័ព្ទ​បុរាណ​​លាយ​សម័យនេះ​អាច​លក់​ក្នុង​តំលៃ​១៦២.០០០​រូ​ប្លិ៍​(២.៦០០​ដុល្លារ​) និង​អាចមាន​លក់​ចាប់ពី​ថ្ងៃ​២៧​កក្កដា​ខាងមុខនេះ​។​

​សូមបញ្ជាក់ថា ជំនួប​កំពូល​រវាង​ត្រាំ​និង​ពូ​ទីន​ត្រូវបានធ្វើ​រួចហើយ​នៅ​ក្រុង​ហែល​ស៊ីន​គី ប្រទេស​ហ្វាំ​ង​ឡង់​កាលពី​ថ្ងៃ​១៦​កក្កដា ឆ្នាំ​២០១៨៕​ដោយ​៖​វាសនា​