Real Madrid សម្លឹងមើល​លទ្ធភាព​ផ្ទេរ អឹ​ន​ហ្គោ​ឡូ កាន​តេ

283
ចែករម្លែក

កីឡាករ​ឆេ​ល​ស៊ី​ម្នាក់ទៀត​អាចជា​គោលដៅ​ដែល​ក្លឹប Real Madrid ត្រូវ​ផ្ទេរ ស្របពេល​ក្លឹប​យក្ស​អេ​ស្ប៉ា​ញ​មួយ​នេះ​ចង់បាន​ខ្សែបម្រើ អឹ​ន​ហ្គោ​ឡូ កាន​តេ (N`Golo Kante) ក្នុង​កិច្ចព្រមព្រៀង​ដោះដូរ​ដែលមាន​ការពាក់​ព័ន្ធ​នឹង​កីឡាករ ជែ​ម​ស៍ រ៉ូ​ឌ្រី​ហ្គេ​ស (James Rodriguez) ផងដែរ​។

ក្លឹប Real Madrid បាន​ផ្ទេរ​កីឡាករ អេ​ឌី​ន ហា​ហ្សា​ដ (Eden Hazard) ពី​ពហុកីឡាដ្ឋាន Stamford Bridge កាលពី​រដូវក្តៅ​ក្នុង​កិច្ចព្រមព្រៀង​ផ្ទេរ​១៥០​លាន​ផោន ហើយ​នៅពេលនេះ ពួកគេ​អន្ទះសា​ចង់បាន កាន​តេ ក្នុងតម្លៃ​៨៦​លាន​ផោន ដែល​នឹងមាន​ការពាក់ព័ន្ធ​នឹង រ៉ូ​ឌ្រី​ហ្គេ​ស ផងដែរ​។​
​ ​
​ក្លឹប Real Madrid បាន​បំភ្លេចចោល រ៉ូ​ឌ្រី​ហ្គេ​ស បន្ទាប់ពី​កីឡាករ​រូបនេះ​បាន​លេង​ខ្ចី​ជើង​ពីរ​រដូវ​កាល​នៅ​ក្លឹប Bayern Munich ប៉ុន្តែ​តម្លៃ​ខ្លួន​កីឡាករ​រូបនេះ​កើនឡើង​វិញ បន្ទាប់ពី​វិលត្រឡប់​មកកាន់​ក្រុម​ជម្រើស​ដំ​បុ​ង​របស់លោក ហ្ស៊ី​ណេ​ឌី​ន ហ្ស៊ី​ដាន (Zinedine Zidane) ។

ឆេ​ល​ស៊ី​បានបង្ហាញ​ចំណាប់អារម្មណ៍​លើ​កីឡាករ​សញ្ជាតិ​កូ​ឡុំ​ប៊ី​រូបនេះ ន្ទា​ប់​ពី​ក្លឹប​នេះ​ធ្លាប់​តាម​ប្រមាញ់​កីឡាករ​រូបនេះ​កន្លងមក មុនពេល​ទៅ​ចូលរួម​ជាមួយ​ក្លឹប Bayern Munich ។​
​ ​
​កាន​តេ គឺជា​កីឡាករ​ម្នាក់​ក្នុងចំណោម​កីឡាករ​ដែល​លោក ហ្ស៊ី​ដាន ចង់បាន ហើយ​គ្រូបង្វឹក​រូបនេះ​ចង់​បំពេញ​ចន្លោះប្រហោង​នៅ​តំបន់​បម្រើ​។ ក្លឹប Madrid ធ្លាប់​ព្យាយាម​ជម្រុះ​ចេញ រ៉ូ​ឌ្រី​ហ្គេ​ស កាលពី​រដូវក្តៅ​ប៉ុន្តែ​បើទោះបីជា​កីឡាករ​រូបនេះ​ឡើង​ជើង បន្តិច​វិញ​ក៏ដោយ ក៏​ក្លឹប​នេះ​នៅតែ​មានបំណង​ទទួលយក​សំណើ​ផ្ទេរ​សម្រាប់​កីឡាករ​វ័យ​២៨​ឆ្នាំ​រូបនេះ​៕ ប្រែ​សម្រួល​: ពិសិដ្ឋ​

ខ្សែបម្រើ អឹ​ន​ហ្គោ​ឡូ កាន​តេ (N`Golo Kante)