តើ​គួរប្រើ​ប្រេងឆា ឬ ខ្លាញ់ជ្រូក ដើម្បី​ចៀន​បំពង​?

1760
ចែករម្លែក

​បច្ចុប្បន្នមនុស្ស​សឹងតែ​គ្រប់គ្នា សុទ្ធតែ​ចាត់ទុកថា ការប្រើ​កម្តៅ​ខ្ពស់​ពេល​ចៀន​បំពង​អាហារ​ក្នុង​ប្រេង នឹង​ជួយ​ឲ្យ​អាហារ​ប្រែជា​ស្រួយ និង​ឆ្ងាញ់ ប៉ុន្តែ តាម​ការស្រាវជ្រាវ​រប​ស់​អ្នកជំនាញការ​អង់គ្លេស​បាន​អះអាងថា ទម្លាប់​ចៀន​បំពង​ដោយ​ប្រេង​រុក្ខជាតិ​មិន​សុវត្ថិភាព​ដូច​មនុស្ស​ជាច្រើន​បានគិត​នោះទេ ។​

​សាស្ត្រាចារ្យ ម៉ា​ទីន ហ្គ្រូ​ត​វែ​ល ( Martin Grootveld) នៅ​សកល​វិទ្យាល័យ មួយ​នៅ​អង់គ្លេស បានធ្វើការ​ពិសោធន៍​ការប្រើ​ប្រេង​រុក្ខជាតិ​ចម្អិន​អាហារ និង​ឈានដល់​ការ​សន្និដ្ឋានថា ពេល​ចំអិន​ដោយ​កម្តៅ​ប្រេងឆា និង ជាតិ​ឆ្ងាញ់​ត្រូវ​ប្តូរ​រចនាសម្ព័ន្ធ​ម៉ូលេគុល​, បង្កើតជា​សារជាតិ​គីមី​ហៅថា aldehyde អាច​បង្ក​ជំងឺ​បេះដូង និង​មហារីក​, ទឹកនោមផ្អែម​ប្រភេទ​២ ។​

​ក្នុងការ​ស្រាវជ្រាវ​, លោក សាស្ត្រាចារ្យ បាន រកឃើញថា ប្រេង​ឈូករ័ត្ន និង​ប្រេង​ពោត បង្កើត​បរិមាណ aldehyde នៅ​កម្រិត​ខ្ពស់ជាង ២០ ដង ប្រៀប​នឹង​ដំបូន្មាន​របស់​អង្គការ​សុខភាព​ពិភពលោក ។ ប្រេង​អូ​លីវ និង​ប្រេង​គ្រាប់​ស្ពៃ​, ប្រេងដូង​, ប៊័រ និង​ខ្លាញ់​សុទ្ធ បែរជា​បង្កើត aldehyde តិចជាង ។

​លោក​សាស្ត្រាចារ្យ​បាន​ឲ្យ​ដឹងថា ត្រី និង​ដំឡូងបារាំង ពេល​ចៀន​ដោយ​ប្រេង​រុក្ខជាតិ​មាន​ផ្ទុក aldehyde ពុល​ច្រើនជាង ១០០ ទៅ ២០០ ដង ប្រៀប​នឹង​ព្រំដែន​សុវត្ថិភាព​របស់ អង្គការ​សុខភាព​ពិភពលោក​។ ផ្ទុយ​មកវិញ ប្រសិន​ចៀន​ដោយ​ប៊័រ​, ប្រេង​អូ​លីវ និង​ខ្លាញ់ជ្រូក​, នោះ​បរិមាណ aldehyde ត្រូវបាន​រំដោះ​ចេញ​ទាប​ជាង​ច្រើន ។​

​ពពួក aldehyde នេះ​ពេល​ចូលក្នុង​សរីរាង្គ នឹង​បំផ្លាញ​យន្តការ​ស្វ័យការពារ​របស់​កោសិកា​, បន្ថយ​លទ្ធភាព​ជួសជុល​ការខូចខាត DNA ធ្វើ​ឲ្យ​កោសិកា​ទាំងនេះ​ងាយ​ត្រូវ​ប្រែប្រួល​បង្កើតជា​កោសិកា​កំណាច​នាំ​ដល់​ជំងឺមហារីក ៕ ប្រែ​សម្រួល​: រតនៈ​

អាជ្ញាប័ណ្ណចែកចាយផ្តាច់មុខ