​ប្រធានសភា​វៀត​ណា​មានជំនឿថា​ប្រទេស​កម្ពុជា​ក្រោម​ការដឹកនាំ​របស់​សម្តេច​តេ​ជោ​ហ៊ុនសែន​នឹងមាន​ការរីកចំរើន​យ៉ាង​ឆាប់រហ័ស

513
ចែករម្លែក

​ដោយ​៖​តារា​រិ​ទ្ធ​\​សៀមរាប​៖​សម្តេច​អគ្គមហាសេនាបតី​តេ​ជោ ហ៊ុន សែន​នាយករដ្ឋមន្ត្រី​នៃ​ព្រះរាជានាចក្រ​កម្ពុជា​បាន​អញ្ជើញ​ជួបពិភាក្សា​ការងារ​ជាមួយ លោកស្រី ង្វៀន ធី គីម ង៉ាន(Nguyen Thi Kim Ngan )​ប្រធានរដ្ឋសភា​វៀតណាម នា​ព្រឹក​ថ្ងៃទី ១៥ ខែ មករា នេះ​នៅ​សណ្ឋាគារ​សុខា​សៀមរាប ។​

​លោក អ៊ាង សុផល្លែត ជំនួយការ​ផ្ទាល់​សម្តេច​តេ​ជោ​ហ៊ុនសែន​បាន​មានប្រសាសន៍​ឲ្យ​ដឹង​បន្ទាប់ពី​ជំនួប​នោះ​ថា​៖​លោក ង្វៀន ធី គីម ង៉ាន បាន​សំដែង នូវ​ការអបអរសាទរ​ជូន​ចំពោះ​សម្តេច​តេ​ជោ ហ៊ុន សែន នូវ​លទ្ធផល​នៃ​សន្និបាត​គណៈកម្មាធិការ​កណ្តាល​គណបក្ ស​ប្រជាជន​កម្ពុជា​កន្លងមក​ក៏ដូចជាខួប៤០ឆ្នាំនៃ​ការផ្តួលរំលំ​របប​ខ្មែរក្រហម​ប្រល័យពូជសាសន៍ ដែល​បាន​ប្រព្រឹត្ត​ទៅដោយ​ជោគជ័យ ។ លោកស្រី​ប្រធានសភា​វៀតណាម​ក៏បាន​អបអរសាទរ​ចំពោះ​ជោគជ័យ​នៃ​ការអភិវឌ្ឍ​ប្រទេស​កម្ពុជាដោយ​លោកស្រី​បាន​មានប្រសា សន៍ថា​លោកស្រី​បានមក​កាន់​ប្រទេស​កម្ពុជា​កាលពី ២ ឆ្នាំមុនហើយ​កាល​មកកាន់​កម្ពុជា​នៅពេលនេះ​ទៀតបានបង្ហាញ​ឲ្យ​ឃើញថា​ទីក្រុង​ភ្នំពេញ​មានការ​រីកចំរើន​គួរ​ឲ្យ​កត់សំគាល់ ​បំផុត ។ លោកស្រី​មានជំនឿថា ក្រោម​ការដឹកនាំ​របស់​សម្តេច​តេ​ជោ ហ៊ុន សែន ប្រទេស​កម្ពុជា​និង​ទទួលបាន​ការអភិវឌ្ឍ​កាន់តែ​ចំរើន​ថែមទៀត ។

​លោកស្រី ង្វៀន ធី គីម ង៉ាន បាន​ជម្រាបជូន​សម្តេច​តេ​ជោ ហ៊ុន សែន ថា​លោកស្រី​មកកាន់​កម្ពុជា​នៅពេលនេះ​គឺ​ដើម្បី​ដឹកនាំ​គណៈប្រតិភូ​ចូលរួម​កិច្ច ប្រជុំ​ប្រចាំឆ្នាំ​លើក​ទី ២៧ នៃ​វេទិកាសភា​អាស៊ី​-​ប៉ាស៊ីហ្វិក ។ លោកស្រី​បាន​សំដែង​ការគាំទ្រ​កិច្ចប្រជុំសភា​អាស៊ី​-​ប៉ាស៊ីហ្វិក នៅ​កម្ពុជា និង​ជូនពរ​ឲ្យ​កិច្ច ប្រជុំ​នេះ​ដំណើរការ​ទៅដោយ​ជោគជ័យ ។​

​ជាការ​ឆ្លើយតប​សម្តេច​តេ​ជោ​នាយករដ្ឋមន្ត្រី ហ៊ុន សែន បាន​ថ្លែងអំណរគុណ​ចំពោះ​លោកស្រី ង្វៀន ចំពោះ​ពាក្យ​ពេជ្រ​ដ៏​ល្អ​របស់​លោកស្រី និង​បាន ជម្រាបជូន​លោកស្រី​ថា​ការអភិវឌ្ឍ​របស់​ប្រទេស​កម្ពុជា​មកដល់​ពេល​ប​ច្ច​ប្បន្ន​មិនអាច​កាត់ផ្តាច់​ពី​ការចូលរួមចំណែក​រប​ស់​ប្រទេស​វៀតណាម​បានឡើយ ។ សម្តេច​តេ​ជោ​នាយករដ្ឋមន្ត្រី​ជា​ចុងក្រោយ​បាន​ជូន​ពេគ​ណ​ប្រតិភូ​សភា​វៀតណាម​ដែល​បាន​អញ្ជើញ​មក​ចូលរួម​កិច្ចប្រជុំ​នេះ​សូម​ទទួលបាន​នូវ​ជោគ ជ័យ ៕BR

អាជ្ញាប័ណ្ណចែកចាយផ្តាច់មុខ