Home ព័ត៌មានអន្តរជាតិ ១៣​នាក់​រួម​ម...

១៣​នាក់​រួម​មាន​ជនកម្ពុជា​២​នាក់​រងរបួស​ក្នុង​គ្រោះថ្នាក់​ចរាចរណ៍​នៅ​ថៃ​ (វីដេអូ)

​មនុស្ស​១៣​នាក់ រួម​មាន​ជនជាតិ​កម្ពុជា​២​នាក់ បាន​រងរបួស​នៅ​ពេល​រថយន្ត​វែន​ដឹក​អ្នកដំណើរ​ទៅកាន់​ក្រុង​បាងកក បាន​បុក​សាលាសំណាក់​តាម​ចិញ្ចើម​ផ្លូវ​​មួយ​នៅ​ស្រុក​ឆុក​ឆៃ​ក្នុង​ខេត្ត​នគរ រ៉ា​ចា​សី​ម៉ា កាលពី​យប់​ថ្ងៃ​ចន្ទ​ទី​៣០​ធ្នូ​។​

​របាយការណ៍​បានអោយដឹងថា រថយន្ត​បាន​ដឹក​មនុស្ស​ពី​ខេត្ត​ស៊ីសាកេត​ជាប់​កម្ពុជា​ទៅកាន់​ក្រុង​បាងកក ហើយ​ពេល​វា​ទៅដល់​កន្លែងកើតហេតុ អ្នក​បើក​បាន​​បាត់បង់​ម្ចាស់ការ​នៅ​ត្រង់​ផ្លូវ​កោង​ហើយ​រថយន្ត​បាន​ហួស​ទៅបុក​សាលាសំណាក់មួយ​។​អ្នកបើក​និង​អ្នកដំណើរ​១២​នាក់​ទៀត​រងរបួស ដោយ​២​នាក់​របួសធ្ងន់​។​

​ប៉ូលិស​បាន​និយាយថា ក្នុង​រថយន្ត​មាន​ស្ត្រី​៩​នាក់ ក្មេងស្រី​អាយុ​៤​ឆ្នាំ​ម្នាក់ និង​បុរស​៣​នាក់ ។​ពួកគេ​រងរបួស​ទាំង​អស់​គ្នា ហើយ​មាន​ជនជាតិ​កម្ពុជា​២​នាក់​។​

​សូមបញ្ជាក់​ថា​ចរាចរណ៍​ផ្លូវគោ​ក​ថៃ​ជាប់​ចំណាត់ថ្នាក់​ខាងកើត​មាន​គ្រោះថ្នាក់​សម្លាប់​មនុស្ស​ច្រើន​បំផុត​នៅក្នុង​លោក​។​គ្រាន់តែ​ការធ្វើដំណើរ​ពេល​៤​ថ្ងៃ​(​សុក្រ​ដល់​ចន្ទ​ទី​៣០​ធ្នូ​)​ក្នុងអំឡុងពេល​ឈប់សម្រាក​ចូល់​ឆ្នាំ​ថ្មី​មាន​គ្រោះថ្នាក់​ចរាចរណ៍​១.៩៨៨​លើក សម្លាប់​មនុស្ស​២០៨​នាក់ និង​របួស​២.០៣១​នាក់​។​

​ថ្ងៃ​ចន្ទ​តែមួយ មាន​គ្រោះថ្នាក់​ចរាចរណ៍​៤៨៥​លើក សម្លាប់​មនុស្ស​៤៨​នាក់​និង​របួស​៤៨៤​នាក់​៕​ប្រែ​សម្រួល​៖​វាសនា​

បុគ្គលិក​សង្គ្រោះ​ជួយ​អ្នរងរបួស​ចេញពី​រថយន្ត​ដែល​បុ​ក​ផ្ទះសំណាក់​តាមផ្លូវ​នៅ​ស្រុក​ឆុក​ឆៃ កាលពី​យប់​ថ្ងៃ​ចន្ទ​នៅ​នគរ រ៉ា​ចា​សីមា​

ទីតាំងផ្សាយពាណិជ្ជកម្ម

- Advertisment -

Most Popular

ប្រជាពលរដ្ឋ​ងាយ​រងគ្រោះ​ច...

ដោយ​: ទេ​ពក​ង្រី / កំពង់ឆ...

រដ្ឋបាល​ខណ្ឌ​ពោធិ៍​សែន​ជ័...

ដោយ​៖ រ៉ា​ម៉ន / ភ្នំពេញ​៖...

បុរស​ម្នាក់​ចាប់រំលោភ​កូន...

​ដោយ​: សម្បត្តិ / ភ្នំពេញ...

ប៉ូលិស​បង្ក្រាប​ក្រុម​ជួញ...

​ដោយ​: មុនី​រ័ត្ន / ភ្នំព...