Home ព័ត៌មានអន្តរជាតិ ពួក​ជីវពល​អ៊ី...

ពួក​ជីវពល​អ៊ីរ៉ាក់ សំរុកចូល​ស្ថានទូត​អាម៉េរិក ដោយសារ​តែ​ផ្ទុះ​កំហឹង​រឿង​អាម៉េរិក​វាយប្រហារ​អ៊ីរ៉ាក់​

​អាម៉េរិក​បាន​ដាក់ពង្រាយ​ទាហាន​ម៉ា​រី​ន​បន្ថែម​នៅ​ស្ថានទូត​របស់ខ្លួន​ប្រចាំ​ក្រុង​បា​ដា​ត​កាលពី​ថ្ងៃ​អង្គារ​ទី​៣១​ធ្នូ ដើម្បី​ពង្រឹងកម្លាំង​ការពារ​ស្ថាន​បេសកកម្ម​ការ​​ទូត​របស់ខ្លួន ក្រោយ​ពី​ហ្វូង​បាតុករ​គាំទ្រ​អ៊ីរ៉ង់​សំរុកចូល​វាយបំផ្លាញ​ ដុត​និង​ស្រែក​«​ងាប់​ទៅ​អាម៉េរិក​»​នៅក្នុង​បរិវេណ​ស្ថានទូត​។​

ទាហានអាម៉េរិកការពារស្ថានទូតក្នុងអំឡុងពេលមានការប្រឆាំងតវ៉ា

​បុរស​និង​ស្ត្រី​រាប់រយ​នាក់​ក្នុង​ឯកសណ្ឋាន​យោធា​និង​គ្រវី​ទង់​កងកម្លាំង​កង​ជីវ​ពលនិកាយ​ស៊ី​អា​យ​គាំទ្រ​ដោយ​អ៊ីរ៉ង់ បាន​ដើរ​ដង្ហែ​កាត់​ចំណុច​ឆែកឆេរ​នៅ​​តំបន់​បៃតង​និង​បាន​សំរុកចូល​ក្នុង​អាគារ​ទទួលភ្ញៀវ​របស់​ស្ថានទូត ជាហេតុ​នាំ​អោយ​ប្រធានាធិបតី​អាម៉េរិក​និង​មន្ត្រី​កំពូលៗ​របស់​អាម៉េរិក​ផ្ទុះ​កំហឹង​។​

​ពួក​បាតុករ​កាន់​បដា​ដែល​សរសេរ​ថា​«​សភា​គួរ​បណ្តេញ​ទាហាន​អាម៉េរិក​ចេញ បើ​មិន​ដូច្នេះ​ទេ ពួក​យើង​នឹង​»​និង​គូស​អក្ស​រថា​«​បដិសេធ​អាម៉េរិក​!»​និង​«​សូ​ឡេ​ម៉ានី​ជា​មេ​បញ្ជាកា​ររបស់​យើង​»​នៅលើ​ជញ្ជាំង​ស្ថានទូត​។​

​សូ​ឡេ​ម៉ានី ចង់​និយាយ​សំដៅ​ទៅ​កាន់ ឧត្តម​នេស​នី​យ៍ កា​សេម សូ​ឡេ​ម៉ានី នៃ​កង​ឆ្មាំ​បដិវត្តន៍​អ៊ីរ៉ង់​។​

បុរស​និង​ស្ត្រី​រាប់រយ​នាក់​ក្នុង​ឯកសណ្ឋាន​យោធា​និង​គ្រវី​ទង់​កងកម្លាំង​កង​ជីវ​ពលនិកាយ​ស៊ី​អា​យ ដែល​គាំទ្រ​ដោយ​អ៊ីរ៉ង់ បាន​ដើរ​ដង្ហែ​កាត់​ចំណុច​ឆែកឆេរ​នៅ​​តំបន់​បៃតង​និង​បាន​សំរុកចូល​ក្នុង​ស្ថានទូត​អាម៉េរិក​

​លោក​ប្រធានាធិបតី ត្រាំ បាន​បន្ទោស​លើ​អ៊ីរ៉ង់ និង​ទាមទារ​អោយ​រដ្ឋាភិបាល​អ៊ីរ៉ាក់​ការពារ​បរិវេណ​ស្ថានទូត​។​

​ភ្លាមនោះ ក្រសួងការបរទេស​អ៊ីរ៉ង់ បាន​បដិសេធ​ថា​រដ្ឋាភិបាល​ក្រុងតេអេ​រ៉ង់​មិន​បាន​នៅ​ពីក្រោយ​ការប្រឆាំង​តវ៉ា​ហិង្សា​នៅ​ស្ថានទូត​អាម៉េរិក​ក្នុង​ទីក្រុង​បា​ដា​ត​​កាលពី​ថ្ងៃ​អង្គារ​ទេ​។​

​បង្ហាញ​អំពី​វិបត្តិ​កាន់តែ​កើន​ឡើង​នៅក្នុង​ទំនាក់ទំនង​របស់​រដ្ឋាភិបាល​ក្រុង​វ៉ាស៊ីនតោ​ននិង​បាដា​ត រដ្ឋមន្ត្រីការបរទេស​អាម៉េរិក​លោក​ម៉ៃ ផ​ម​ផេវ បានដាក់​​សម្ពាធ​លើ​នាយករដ្ឋមន្ត្រី​ចាំផ្ទះអ៊ីរ៉ាក់ លោក​អា​ដែល អាប់​ដែល ម៉ា​ឌី និង​ប្រធានាធិបតី បា​ហាម សា​ឡេ ក្នុងការ​និយាយ​គ្នា​តាម​ទូរស័ព្ទ ដើម្បី​សុំ​អោយ​បង្កើន​សន្តិសុខ​​នៅ​ស្ថានទូត​។​

​ផ​ម​ផេវ បានបញ្ជាក់​ច្បាស់​ថា អាម៉េរិក​នឹង​ការពារ​និង​គាំពារ​ប្រជាជន​របស់​ខ្លួន ដែល​ស្ថិតនៅ​អ៊ីរ៉ាក់​ដើម្បី​ជួយ​គាំទ្រ​អ៊ីរ៉ាក់​អោយមាន​អធិបតេយ្យភាព​និង​ឯករាជ្យភាព​​។​

​ការវាយប្រហារ​លើ​ស្ថានទូត​អាម៉េរិក​បាន​កើតឡើង​២​ថ្ងៃ បន្ទាប់​ពី​អាម៉េរិក​ធ្វើ​ការវាយប្រហារ​តាម​ផ្លូវអាកាស​សម្លាប់​យុទ្ធជន​ក្រុម​កាតា​អេប ហេស​បូ​ឡា យ៉ាង​​តិច​២៥​នាក់​។​ក្រុម​នេះ​ជា​ផ្នែក​មួយ​នៃ អង្គការ​ជីវពល ហា​សេត អាល់​-​សា​អាប៊ី​ ដែលគាំទ្រដោយអ៊ីរ៉ង់។​

​ក្រសួង​ការពារជាតិ​អាម៉េរិក​បាន​និយាយថា ការវាយប្រហារ​នេះ​ជាការ​សងសឹក​ចំពោះ​ការសម្លាប់​ជនជាតិ​អាម៉េរិក​ម្នាក់​នៅ​ក្រុង​គៀ​គូ​ក ពី​សំណាក់​សមាជិក្រុ​ម​​ជីវពល​នេះ​។​ជា​លទ្ធផល សមាជិកសភា​អ៊ីរ៉ាក់​រាប់សិប​នាក់​បាន​អំពាវនាវ​អោយ​រដ្ឋាភិបាល​ពិនិត្យ​សើរើ​ឡើងវិញ​កិច្ចព្រមព្រៀង​អនុញ្ញាតអោយ​ដាក់​ទាហាន​​អាម៉េរិក​នៅ​អ៊ីរ៉ាក់​៕​ប្រែ​សម្រួល​៖​វាសនា​

ទីតាំងផ្សាយពាណិជ្ជកម្ម

- Advertisment -

Most Popular

ក្រសួងសុខាភិបាល​ប្រកាស​ពី...

ដោយៈ​មុនី​រ័ត្ន​/​ភ្នំពេញ...

រថយន្ត​វ៉ា​ជែង​ទាំង​កម្រោ...

ដោយ​៖ ប​.​ជ័យ / បន្ទាយមាន...

ក្រសួង​ប្រកាសៈ​ប្រភពដើម​ន...

ដោយៈ​មុនីរ័ត្ន​/​ភ្នំពេញៈ...

អភិបាល​រាជធានី​៖ មិន​ឱ្យម...

​ដោយ​: រ៉ា​ម៉ន / ភ្នំពេញ​...