Home កីឡា អៀន រ៉ា​យ ទទូ...

អៀន រ៉ា​យ ទទូច​ឲ្យ​លោក មី​គែល អា​តេ​តា ជម្រុះ​កីឡាករ ស្កូ​ដ្រា​ន មូ​ស្តា​ហ្វី​

លោក អៀន រ៉ា​យ (Ian Wright) អតីត​វីរបុរស​ក្លឹប Arsenal បាន​ទទូច​ឲ្យ​លោក មី​គែល អា​តេ​តា (Mikel Arteta) លក់​ខ្សែការពារ ស្កូ​ដ្រា​ន មូ​ស្តា​ហ្វី (Shkodran Mustafi) ចេញ​។​
​ ​
​លោក អា​តេ​តា ដែល​ត្រូវ​តែងតាំង​ជំនួស​លោក អ៊ូ​ណៃ អេ​មឺ​រី (Unai Emery)​ត្រៀម​ចូលប្រឡូក​ក្នុង​ទីផ្សារ​ទិញដូរ កីឡាករ​ខែមករា​នេះ​។​
​ ​
គ្រូបង្វឹក​សញ្ជាតិ​អេ​ស្ប៉ា​ញ​រូបនេះ​ដែលជា​អតីត​ប្រធាន​ក្រុម​កាំភ្លើង​ធំ​បានបញ្ជាក់​យ៉ាងច្បាស់​ពី​ចេតនា​ក្នុងការ​ពង្រឹង ឋានៈ​របស់ខ្លួន បន្ទាប់ពី​ប្រកួត​ស្មើ​ជាមួយ​ក្រុម Bournemouth និង​ចាញ់​ក្រុម​ឆេ​ល​ស៊ីក្នុង​ពីរ​ប្រកួត​ដំបូង ដែល​លោក​បាន​ដឹកនាំ​។​
​ ​
ប៉ុន្តែ​លោក អៀន រ៉ា​យ បាន​ទទួលស្គាល់ថា លោក អា​តេ​តា គួរ​លក់​កីឡាករ មូ​ស្តា​ហ្វី​ចេញទៅ​បន្ទាប់ពី​តាម មើល​ការបង្ហាញ​ទម្រង់​លេង​ដ៏​ខកចិត្ត​ជាថ្មីទៀត អំឡុងពេល​ប្រកួត​ចាញ់​ក្រុម​ឆេ​ល​ស៊ី​កាលពី​ថ្ងៃអាទិត្យ​។​
​ ​
រ៉ា​យ បាន​និយាយថា “​មូ​ស្តា​ហ្វី ហាក់ដូចជា​បណ្តោយ​ខ្សែប្រយុទ្ធ ថ​មមី អា​ប្រា​ហ៊ីម (Tammy Abraham) ពេក​ហើយ​។ យើង​មាន​គ្រូបង្វឹក​ដូចជា​លោក អា​តេ​តា​ចូលមក​ដឹកនាំ ប៉ុន្តែ​អត់​មាន​អ្វីដែល​យើង​អាច​ធ្វើទៅ បាន​ក្នុង​ការណែនាំ​ខ្សែការពារ​ដែលមាន​បទ​ពិសោធ​ម្នាក់​។ កីឡាករ​ប្រភេទ​នេះ​ត្រូវតែ​ជម្រុះ​ចោល​”​។​
​ ​
ទោះបីជា​បរាជ័យ​បែបនេះ​ក៏ដោយ ក៏​លោក រ៉ា​យ មាន​ទំនុកចិត្ត​លើ​អ្វីដែល​លោក អា​តេ​តា ធ្វើបាន​។ លោក រ៉ា​យ បាន​និយាយថា “​នៅពេល​យើង​ពិនិត្យមើល​ពីរ​ប្រកួត​ដំបូង វា​ពិតជា​មានការ​រីកចម្រើន​ច្រើន​ក្នុង​ក្រុម Arsenal ។ អ្នក​ត្រូវតែ​គិតពី​អ្វីដែល​អ្នក​អាចធ្វើ​បាន​”​។​
​ ​
ខ្សែប្រយុទ្ធ​អង់គ្លេស អា​ប្រា​ហាំ រកបាន​គ្រាប់​ទី​១២​របស់ខ្លួន​នៅ​រដូវ​កាល​នេះ ហើយ​ធ្វើ​ឲ្យ​ក្រុម​របស់លោក អា​តេ​តា បាត់បង់​ឱកាស​រក​ពិន្ទុ​សម្រាប់​ការប្រកួត​លើកដំបូង​ក្នុង​ទឹកដី​៕ ប្រែ​សម្រួល​: ពិសិដ្ឋ​

ខ្សែការពារ ស្កូ​ដ្រា​ន មូ​ស្តា​ហ្វី (Shkodran Mustafi)

ទីតាំងផ្សាយពាណិជ្ជកម្ម

- Advertisment -

Most Popular

ក្រសួង​អប់រំ​ប្រកាស​ផ្អាក...

​ដោយ​: គូលែន / សៀមរាប​: ក...

សាលា​រាជធានី​ភ្នំពេញ ចេញ​...

ដោយ​៖​រ៉ា​ម៉ន​/​ភ្នំពេញ​៖...

លទ្ធផល​ពិសោធន៍ លើ​វត្ថុ​ស...

​ដោយៈ ភ្នំ​ស្វាយ​-​ទេព មង...

សាលា​រាជធានី​ភ្នំពេញ ចេញ​...

​ដោយៈ​រ៉ា​ម៉ន​/​ភ្នំពេញៈ ...