ចម្លាក់ឈើនៅក្រុងភូអឺនៃខេត្តយូនណានជាសិប្បកម្មពិសេសម្យ៉ាងដែលមានស្នាមចម្លាក់ដូចគំនូរឆ្លាក់និងប្រកបដោយសម្រស់ស្អាតនៃស្នាមឆ្លាក់ហើយក៏មានលក្ខណៈពិសេសនៃគំនូរដែរ។ សិប្បកម្មដ៏លំបាកលំប៉ិននេះបាន ទទួលការពេញនិយមពីសំណាក់ប្រជាជនគ្រប់ៗគ្នា។ ប៉ុន្មានឆ្នាំនេះវិទ្យាស្ថានភូអឺខិតខំជំរុញការទទួលបន្ត និងផ្សព្វផ្សាយពីសិប្បកម្មប្រពៃណីនេះហើយបានបណ្តុះបណ្តាលសិក្ខាកាមរាប់រយនាក់ហើយ។
ចម្លាក់ឈើក្រុងភូអឺជាសិប្បកម្មឆ្លាក់លេចធ្លោមួយប្រភេទដែលវិវត្តពីសិប្បកម្មចម្លាក់ឈើដែលមានលក្ខណៈប្រពៃណី។ សិប្បកម្មនេះប្រភពដើមពីក្រុងភូអឺខេត្តយូនណាននៅទសវត្សរ៍ឆ្នាំ ៨០ នៃសតវត្សរ៍មុន។ ក្រោយពីបាន អភិវឌ្ឍន៍ជាង ៣០ឆ្នាំសិប្បកម្មចម្លាក់ឈើនេះបានក្លាយទៅជាផ្នែកសំខាន់មួយក្នុងចំណោមគំនូរចម្លាក់ល្បីទាំង៤ នៃប្រទេសចិន ៕ ដោយហ៊ូ ឆាវ(ស៊ីនហួចិន)
