Home ព័ត៌មានជាតិ វប្បធម៌ ទេសចរ​ជាតិ​-​...

ទេសចរ​ជាតិ​-​អន្តរជាតិ​វិល​ទៅ​ជំនួស​ទេសចរ​ចិន​នៅ​ក្រុងព្រះសីហនុ​ក្នុង​ថ្ងៃ​ឆ្លង​ឆ្នាំ​

ដោយ​: មូល​សម្បត្តិ / ភ្នំពេញ​: ល្អ​ខ្លាំងណាស់​! ភ្ញៀវទេសចរ​ជាតិ និង​អន្តរជាតិ​ជាច្រើន​កុះករ បាន​វិល​មកលេង​កំសាន្ត ក្នុង​ខេត្ត​ព្រះសីហនុ​វិញ​ហើយ នៅ​ព្រឹក​ថ្ងៃទី​១ ខែមករា ឆ្នាំ​២០២០​នេះ​។ តាមរយៈ​ហ្វេ​ស​ប៊ុ​ក​ស៊ែរ​ចែករំលែក​តៗ​គ្នា បានបង្ហាញ​ឲ្យ​ដឹង​នូវ​ដំណឹង​ល្អ​មួយ​ថា​៖ “​ភ្ញៀវទេសចរ​ជាតិ និង​អន្តរជាតិ​ជាច្រើន​កុះករ បាន​វិល​មកលេង​កំសាន្ត​ក្នុង​ខេត្ត​ព្រះសីហនុ​វិញ​ហើយ​។ នៅ​ល្ងាច​ថ្ងៃទី​៣១ ខែធ្នូ ឆ្នាំ​២០១៩​នេះ ភ្ញៀវទេសចរ​ជាតិ និង​អន្តរជាតិ​ជាច្រើន​កុះករ​បានមក​ចូលរួម​លេង​កំសាន្ត​ក្នុង​ខេត្ត ក៏ដូចជា​តាម​បណ្តា​ឆ្នេរ​នានា ដោយ​ពួកគាត់​បាន​សម្តែង​ការសប្បាយ​រីក​ក្នុងឱកាស​បុណ្យចូលឆ្នាំ​សកល​ឆ្នាំ​ថ្មី​ឆ្នាំ​២០២០ ថ្ងៃស្អែក​នេះ ។

​យោងតាម​ប្រភពពី​មន្ត្រី​សាលាខេត្ត​ព្រះសីហនុ​បានអោយដឹងថា​ក្នុង​ពិធីបុណ្យ​ចូលឆ្នាំ​សកល​នេះ​រដ្ឋបាល​ព្រះសីហនុ​ពុំមាន​ការរៀបចំ​តុបតែង​ឫ​លំអរ​អ្វី​ទេ ដោយសារ​ខេត្ត​កំពុង​មមារ​ញឹក​ក្នុងការ​ស្ថាបនា​ផ្លូវ​ទាំង​៣៤​ខ្សែរ​ក្នុង​គម្រោង​។ ដោយឡែក​លោក​តាំង​សុ​ចិត្ត​គ្រឹះ​ស្នា​ប្រធាន​មន្ទីរ​ទេសចរណ៍​ខេត្ត​ព្រះសីហនុ​បាន​បញ្ជាក់ថា​ស្ថានភាព​ភ្ញៀវទេសចរ ដែល​មក​កម្សាន្ដ​នៅ​ខេត្ត​ព្រះសីហនុ ក្នុង​ពិធី​ឆ្លង​ឆ្នាំ ថ្ងៃ ៣១ ខែធ្នូ ឆ្នាំ​២០១៩ មាន​ដូចខាងក្រោម​៖

  • ភ្ញៀវ​សរុប​ចំនួន ៣៥,០២៧​នាក់ ថយចុះ ២៧.៦៣% ភ្ញៀវ​ជាតិ ២៩.៤៤៥៧​នាក់​។ ថយចុះ​២៨.១៥% និង​ភ្ញៀវ​អន្តរជាតិ ៥.៥៧០​នាក់​ថយចុះ​២៤.៧៩%
  • ភ្ញៀវ​ចូល​តាម​ព្រលានយន្តហោះ​អន្តរជាតិ​ក្រុងព្រះសីហនុ ១៨​ជើង មាន​ភ្ញៀវ ១,៨០០​នាក់ ក្នុងនោះ​ភ្ញៀវ​ជាតិ ៥០​នាក់​ស្មើនឹង ២.៧៧% និង​ភ្ញៀវ​អន្តរជាតិ ១,៧៥០​នាក់ ស្មើនឹង​៩៧.២៧% ។​
  • ភ្ញៀវទេសចរ​ទៅ​កម្សាន្ត​តាម​កោះ​នានា​សរុប ២,៦៩១​នាក់ ភ្ញៀវ​ជាតិ​១.៧៥០​នាក់​ស្មើនឹង​៦៥.០៣% និង​អន្តរជាតិ ៩៤១​នាក់​ស្មើនឹង​៣៤.៩៧%​។​
  • ភ្ញៀវ​ទៅ​កម្សាន្ត​តាម​រមណីយដ្ឋាន​នានា​សរុប​រួម​៖ ២.២២៦​នាក់ ជាតិ ២.១៩៧​នាក់ ស្មើនឹង​៩៨.៦៩% អន្តរជាតិ ២៩​នាក់​ស្មើនឹង​១.៣១%​។​
  • ភ្ញៀវ​ក​ម្សា​ន្ន​ម​តាម​បណ្តា​ឆ្នេរ​នានា​ក្នុង​ខេត្ត សរុប​រួម ១៣.២៦៥​នាក់ ជាតិ ១២.៨១៥​នាក់ ស្មើនឹង ៩៦.៦០ និង​អន្តរជាតិ ៤៥០​នាក់ ស្មើនឹង ៣.៤០%​។​

​មន្ត្រី​ជំនាញ​បាន​ណែនាំ​ដល់​អាជីវករ​លក់ដូរ ឫ​ម្ចាស់​សណ្ឋាគារ ផ្ទះសំណាក់​ទាំងឡាយ​សូមមេត្តា កុំ​ឡើងថ្លៃ និង​បញ្ជារ​អោយ​សមត្ថ​កិច្ចធានា​អោយបាន​ពី​សុខ​សុវត្ថិភាព​ជូន​ប្រជាពលរដ្ឋ ក្នុងឱកាស​បុណ្យចូលឆ្នាំ​សកល​នេះ​៕ ល​

ទីតាំងផ្សាយពាណិជ្ជកម្ម

- Advertisment -

Most Popular

ក្រសួងសុខាភិបាល​ចុះ​ស្រាវ...

ដោយៈ​មុនី​រ័ត្ន​/​ភ្នំពេញ...

យប់​នេះ​ខ្យល់មូសុង​ឦសាន​ថ...

ដោយៈ​ប​.​ខុន​/​ភ្នំពេញៈ​ខ...

ក្រសួងបង្ហា​ញ​មុខ​បុគ្គល​...

ដោយៈ មុនី​រ័ត្ន​/​ភ្ន...

គិត​មកដល់​ថ្ងៃទី​៥ ខែធ្នូ...

​ដោយៈ​ញ៉ែម សុផល​/​ភ្នំពេញ...