គណៈបញ្ជាការ​កងឯកភាព​រដ្ឋបាលខេត្ត​បន្ទាយមានជ័យ​អះអាង​ពី​ការ​ទ្រោល​សភាពការណ៍​សំខាន់ៗ​

ដោយ​: ភ្នំ​ស្វាយ / បន្ទាយមានជ័យ​: គណៈបញ្ជាការ​កងឯកភាព​រដ្ឋបាលខេត្ត​បន្ទាយមានជ័យ អះអាង​ពី​ការ​ទ្រោល​សភាពការណ៍​សំខាន់ៗ មួយចំនួន ក្នុង​ឆ្នាំ​២០១៩​កន្លងមក​។​

​លោក អ៊ុ រាត្រី អភិបាលខេត្ត​និង​ជា​ប្រធាន​គណៈបញ្ជាការ​កងឯកភាព​រដ្ឋបាលខេត្ត​បន្ទាយមានជ័យ ថ្លែង​ដូច្នេះ​កាលពី​រាត្រី​ថ្ងៃទី​៣១​ខែធ្នូ​ឆ្នាំ​២០១៩ ក្នុងឱកាស​ប្រារព្ធ​ពី​ធី​បុ​ណ្ស​ឆ្លង​ឆ្នាំ​សាកល​២០១៩ ឈានចូល​ឆ្នាំ​២០២០ នៅ​វេទិកា​ខេត្ត​ឬ​សួន​មានជ័យ​នា​ប្រជុំជន​ខេត្តបន្ទាយមានជ័យ​។​

​ចំពោះមុខ​មន្ត្រី កងកម្លាំង​និង​ប្រជាពលរដ្ឋ​ជាច្រើន​នាក់​ដែល​បានមក​ចូលរួម​អបអរ ពិសារ​នំ​បញ្ចុក​សាមគ្គី ដើរ​និង​រាំ​កំសាន្ត​នោះ លោក​អភិបាលខេត្ត​បាន​រំលឹក​ពី​កត្តា​សុខសន្តិភាព​ស្ថេរភាព​សុវត្ថិភាព និង​កំណើន​សេដ្ឋកិច្ចជាតិ​និង​ជីវភាព​ប្រជាពលរដ្ឋ​ក្រោម​ការដឹកនាំ​របស់​រាជ​រដ្ឋាភិបាល ដែលមាន​សម្តេច​អគ្គមហាសេនាបតី​តេ​ជោ ហ៊ុន សែន ជា​ប្រមុខ​និង​ការចូលរួម​របស់​កង​កម្លាំង មន្ត្រីរាជការ ប្រជាពលរដ្ឋ​និង​មិត្ត​បរទេស​ក្នុងនាម​ជា​ដៃគូ​អភិវឌ្ឍន៍​។​

​ដោយឡែក​សម្រាប់​ខេត្តបន្ទាយមានជ័យ គណៈបញ្ជាការ​ឯកភាព​រដ្ឋបាលខេត្ត​បាន​ទ្រោល​បាន​នូវ​ស្ថានភាព​សេដ្ឋកិច្ច សង្គមកិច្ច ពោលគឺ​រដ្ឋបាលខេត្ត​និង​ក្រសួង​ស្ថាប័ន​ពាក់ព័ន្ធ​បាន​ជ្រោមជ្រែង​និង​បង្កលក្ខណៈ​ងាយស្រួល​ដល់​ប្រជាពលរដ្ឋ​ក្នុងការ​បង្កបង្កើនផល ប្រកប​របរ​រកស៊ី​ធ្វើ​អាជីវកម្ម​។​

​ជាងនេះទៅទៀត ខេត្ត​ក៏​ពង្រឹង​បាន​នូវ​ស្ថានភាព​សន្តិសុខ​សណ្តាប់ធ្នាប់​ទាំង​ក្នុងភូមិ​សាស្ត្រ​និង​តាម​បណ្តោយ​ព្រំដែន​កម្ពុជា ថៃ​។ ក្នុងនោះដែរ ក្នុងការ​អនុវត្ត​អនុសាសន៍​និង​ការណែនាំ​របស់​ថ្នាកលើ ខេត្ត​បាន​សហការ​នឹង​កងកម្លាំង​ពាក់ព័ន្ធ​ទ្រោល​បាន​សភាពការណ៍​ថ្ងៃទី​៩​ខែវិច្ឆិកា​ឆ្នាំ​២០១៩ ហើយ​ធ្វើអោយ​បរាជ័យ​ទាំងស្រុង​ផែនការ​ប៉ុនប៉ង​ធ្វើ​រដ្ឋប្រហារ​ប្រជាជន​នៃ​ក្រុម​ឧទ្ទាម​ក្បត់ជាតិ​មាន​ទណ្ឌិត​សម រង្សី​ជា​មេខ្លោង​និង​បក្ខពួក​នៃ​អតីត​គណបក្ស​សង្គ្រោះ​ជាតិ​ដែល​ចង់​ផ្តួលរំលំ​រាជរដ្ឋាភិបាល​ស្របច្បាប់​កើត​ពី​ការបោះឆ្នោត​តាមរយៈ​ការ​ប្រកាសថា​ធ្វើ​មាតុភូមិនិវត្តន៍​ថ្មើរជើង​ឆ្លងកាត់​ព្រំដែន​ពី​ប្រទេស​ថៃ​មក​ប្រទេស​កម្ពុជា​តាម​ច្រកទ្វារព្រំដែន​អន្តរជាតិ​ប៉ោយប៉ែត​ខេត្តបន្ទាយមានជ័យ ។​

​ជា​សារ​គោរព​ជួន​ពរ ប្រសិទ្ធិ​ពរជ័យ​សិរី​សួស្តី ជោគជ័យ​ដល់​ក្រុមគ្រួសារ​ប្រជាពលរដ្ឋ មន្ត្រីរាជការ កងកម្លាំង​និង​ប្រិយមិត្ត​បរទេស​នាឱកាស​បុណ្យចូលឆ្នាំ​សាកល​២០២០ និង​ដើម្បីអោយ​ក្រុមគ្រួសារ ខេត្ត សង្គម និង​ប្រទេសជាតិ​កម្ពុជា បន្ត​រីកចម្រើន សម្បូរ​សប្បាយ លោក​អ៊ុ រាត្រី ក៏​អំពាវនាវ​ដល់​មន្ត្រីរាជកា​រ កងកម្លាំង ប្រជាពលរដ្ឋ សូម​បន្ត​ខិតខំ​អនុវត្ត​ការងារ​របស់ខ្លួន​ឲ្យ​កាន់តែ​ល្អប្រសើរ​ថែមទៀត ជាពិសេស​ត្រូវ​ថែរក្សា​សុខសន្តិភាព ស្ថេរភាព សុវត្ថិភាព​និង​កំណើនសេដ្ឋកិច្ច ៕

ទីតាំងផ្សាយពាណិជ្ជកម្ម

- Advertisment -

Most Popular

សម្តេចនាយក​រដ្ឋមន្ត្រី​នឹ...

សម្តេចនាយក​រដ្ឋមន្ត្រី​នឹ...

អភិបាល​ខេត្តកំពត រក​ដំណោះ...

​ដោយៈ បូកគោ / កំ​ពតៈ នា​អ...

​ការិយាល័យ​ឥណទាន​កម្ពុជា​...

​ដោយៈ​សុផល​/​ភ្នំពេញ​៖​ជា...

មន្ត្រី​នាំពាក្យ​ក្រសួង​អ...

ដោយ​: ដេប៉ូ / ភ្នំពេញ​: ល...