Home កីឡា ឆេ​ល​ស៊ី​ត្រៀ...

ឆេ​ល​ស៊ី​ត្រៀម​ប្រជែង​ជាមួយ​ក្លិប​ម៉េ​ន​ឆេ​ស្ទ័​រ ស៊ី​ធី ដើម្បី​ផ្ទេរ បេន ឈី​វ៉េ​ល ក្នុងតម្លៃ​៦០​លាន​ផោន​

តាម​ព័ត​មាន​ថា ក្លិប​ឆេ​ល​ស៊ី​និង​ក្លិប​ម៉េ​ន​ឆេ​ស្ទ័​រ ស៊ី​ធី​ប្រជែង​គ្នា ដើម្បី​ផ្ទេរ​ខ្សែការពារ បេន ឈី​វ៉េ​ល (Ben Chilwell) របស់​ក្លិប លៃ​សេ​ស្ទ​រ័​(Leicester) ។​
​ ​
ខ្សែការពារ​វ័យ​២៣​ឆ្នាំ​រូបនេះ​មាន​ទម្រង់​លេង​ល្អ​នៅ​រដូវ​កាល​នេះ ហើយ​បាន​ក្លាយជា​កីឡាករ សំខាន់​ក្នុង​ក្រុម​លៃ​សេ​ស្ទ័​រ របស់លោក ប្រ៊ែ​ន​ឌិន រ៉ា​ជើ (Brendan Rodgers) ។​
​ ​
ខ្សែការពារ​សញ្ជាតិ​អង់គ្លេស​រូបនេះ​ត្រូវបាន​គេ​ភ្ជាប់​ទំនាក់ទំនង​ទៅ​ក្លិប​ជើងឯក​ម៉េ​ន​ឆេ​ស្ទ័​រ ស៊ី​ធី​យូរ​មកហើយ ប៉ុន្តែ​ក្លឹប​ឆេ​ល​ស៊ី​ក៏​ចាប់អារម្មណ៍​ក្នុងការ​ប្រជែង​ផ្ទេរ​យក​កីឡាករ​រូបនេះ ផងដែរ​។​
​ ​
ក្លិប Leicester គ្មាន​បំណង​លក់ ឈី​វ៉េ​ល នៅ​ខែម​ករានេះ​ទេ​ប៉ុន្តែ​នឹង​ប្រឈមមុខ​ក្នុងការ​ទប់ស្កាត់ មិន​ឲ្យ​កីឡាករ​រូបនេះ​ចាកចេញ​នៅ​រដូវក្តៅ​នេះ​។​
​ ​
ឈី​វ៉េ​ល ដែល​ទើបនឹង​ចុះ​កិច្ចព្រមព្រៀង​ថ្មី​យូរអង្វែង​ជាមួយ​ក្លឹប Leicester កាលពី​ខែតុលា​នោះ អាច​នឹង​មានតម្លៃ​ច្រើនជាង​៦០​លាន​ផោន​។​
​ ​
​លោក ហ្វ្រែ​ង ឡាំ​ផាត (Frank Lampard) បាន​ងាក​ទៅរក​កីឡាករ​យុវជន​អង់គ្លេស​ចាប់​តាំងពី​ចូលដឹកនាំ​ក្លឹប​ឆេ​ល​ស៊ី​កាលពី​រដូវក្តៅ​។​
​ ​
ឈី​វ៉េ​ល ត្រូវចិត្ត​លោក ឡាំ​ផាត ជាមួយនឹង​ក្លិប​ឆេ​ល​ស៊ី ប៉ុន្តែ​មាន​សេចក្តីរាយការណ៍​ថា ខ្សែការពារ​រូបនេះ​ចង់​រង់ចាំ​មើលថា តើ​លោក ប៉េ​ប ហ្គា​ឌី​អូ​ឡា (Pep Guardiola) នៅ​បន្ត​ដឹកនាំ ស៊ី​ធី​ក្រោយ​រដូវ​កាល​នេះ​ទៀត​ឬ​យ៉ាងណា មុនពេល​ធ្វើការ​សម្រេច​ចិត្ត​អំពី​អនាគត​របស់ខ្លួន​។​
​ ​
​លោក ហ្គា​ឌី​អូ​ឡា នៅសល់​កិច្ចសន្យា​ជាមួយ​ស៊ី​ធី​ដល់​ឆ្នាំ​២០២១ ប៉ុន្តែ​លោក​កំពុងស្ថិត​ក្រោមសម្ពាធដោយសារ​តែមាន​គម្លាត​១៤​ពិន្ទុ​ពី​ក្រុម Liverpool ៕ ប្រែ​សម្រួល​: ពិសិដ្ឋ​

ខ្សែការពារ បេន ឈី​វ៉េ​ល (Ben Chilwell)

ទីតាំងផ្សាយពាណិជ្ជកម្ម

- Advertisment -

Most Popular