ក្លិបអ៊ីនធ័រ មីលេន( Inter Milan )ត្រៀមប្រជែងជាមួយក្លិបបាសេឡូណា (Barcelona) ដើម្បី ប្រជែងយកខ្សែប្រយុទ្ធ ព្យែរ អេមឺរិក អូបាម៉េយ៉ាំង (Pierre Emerick Aubameyang) ។
ក្លឹបយក្សអ៊ីតាលីមួយនេះបានតាមមើលការវិវឌ្ឍយ៉ាងដិតដល់ ស្របពេលក្លិបអាសេណល( Arsenal) អាចបង្ខំចិត្តលក់កីឡាករកំពូលរបស់ខ្លួននៅរដូវក្តៅឆ្នាំក្រោយ។
មានសេចក្តីរាយការណ៍កាលពីខែវិច្ឆិកាថា អូបាម៉េយ៉ាំង បានដកខ្លួនចេញពីការចរចាកិច្ចសន្យាថ្មី ហើយបានប្រាប់ក្លិប Arsenal ថា ខ្លួនចង់លើកពានដែលជាសញ្ញានៃការចង់ចាកចេញ នៅដំណាច់រដូវកាល។
ព័ត៌មាននេះ បានធ្វើឲ្យក្លឹបធំៗប្រុងជើងការ ដើម្បីផ្ទេរកីឡាករវ័យ៣០ឆ្នាំរូបនេះ។ ក្លិប Arsenal កំពុងស្ថិតក្នុងស្ថានភាពលំបាក ខណៈខ្សែប្រយុទ្ធរូបនេះនៅសល់កិច្ចសន្យាមួយឆ្នាំ។
អូបាម៉េយ៉ាំង ទទួលបានការចាប់អារម្មណ៍ខ្លាំង អំឡុងពេលបង្ហាញមុខនៅពហុកីឡដ្ឋាន Emirates ប៉ុន្តែក្លិប Arsenal នឹងត្រៀមប្រើប្រាស់ថវិកា ដើម្បីកសាងក្រុមឡើងវិញ ស្របពេល គ្រូបង្វឹកថ្មីលោក មីគែល អាតេតា (Mikel Arteta) បានរៀបចំបញ្ជីឈ្មោះកីឡាករដែលជា គោលដៅ។
នៅពេលនេះ Barcelona ចាប់អារម្មណ៍លើ អូបាម៉េយ៉ាំង ហើយក្លិប Inter Milan ដែលទទួល មានកីឡាករ រ៉ូម៉េលូ លូកាគុ កាលពីរដូវក្តៅនិង អាឡិកស៊ីស សានឆេស ក៏ចង់បានកីឡាករ រូបនេះផងដែរ៕ ប្រែសម្រួល: ពិសិដ្ឋ
