Home ព័ត៌មានអន្តរជាតិ អគ្គលេខាធិការ...

អគ្គលេខាធិការ​សហប្រជាជាតិ​ព្រួយបារម្ភ​ខ្លាច​កូរ៉េខាងជើង​សាកល្បង​អាវុធ​

​អ្នកនាំពាក្យ​អង្គការសហប្រជាជាតិ​បាន​និយាយ​កាលពី​ថ្ងៃ​ពុធ​ទី​០១​ធ្នូ​ថា អគ្គលេខាធិការ​អង្គការសហប្រជាជាតិ​លោក អង់​តូ​ញ៉ូ ហ្គូ​ទែ​រ៉េស មាន​ការព្រួយបារម្ភ​​យ៉ាងខ្លាំង​ការ​ដែល​ថា​កូរ៉េ​ខាងជើង​បាន​បង្ហាញ​ថា​ខ្លួន​អាច​នឹង​បន្ត​ការសាកល្បង​នុយក្លេអ៊ែរ​និង​មី​ស៊ី​ល​។​

​លោក ស្ទេ​ហ្វាន ឌុយ​ចារិក អ្នកនាំពាក្យ​អង្គការសហប្រជាជាតិ​បាន​និយាយ​នៅក្នុង​សេចក្តីថ្លែងការណ៍​ថា​« អគ្គលេខាធិការ​សង្ឃឹម​យ៉ាងខ្លាំង​ថា​ការសាកល្បង​​អាវុធ​នឹង​មិន​បន្ត​ឡើងវិញ​ដោយ​ស្របតាម​សេចក្តីសម្រេចចិត្ត​របស់​ក្រុមប្រឹក្សាសន្តិសុខ​។ ការ​មិន​រីកសាយ​អាវុធ នៅតែ​ជា​គ្រឹះ​នៃ​សន្តិសុខ​នុយក្លេអ៊ែរ​ពិភព​​លោក​ហើយ​ត្រូវតែ​ការពារ​»​។​

​មេដឹកនាំ​កូរ៉េខាងជើង លោក គីម ជុង អ៊ុន បាន​និយាយ​នៅ​សប្តាហ៍​នេះ​ថា​មិន​មាន​ហេតុផល​អ្វី​ទៀត​ទេ​សម្រាប់​រដ្ឋាភិបាល​ក្រុង​ព្យុង​យ៉ាង​ដែល​បង្ខំចិត្ត​ប្រ​​កាស​ខ្លួនឯង​អំពី​ការបញ្ឈប់​ការសាកល្បង​មី​ស៊ី​ល​ផ្លោង​អន្តរទ្វីប​និង​គ្រាប់បែកនុយក្លេអ៊ែរ​នោះ​ហើយ​ថា​” អាវុធ​យុទ្ធសាស្ត្រ​ថ្មី ” នឹង​ត្រូវ​បាន​ដាក់​ឱ្យ​ប្រើ​នៅ​ពេល​​អនាគត​ខាងមុខ​នេះ​។​

​លោក ស្ទេ​ហ្វាន ឌុយ​ចារិក​បាន​និយាយថា « ការចូលរួម​ពាក់ព័ន្ធ​ការទូត​គឺជា​មាគ៌ា​តែមួយគត់​ដើម្បី​សន្តិភាព​ប្រកបដោយ​ចីរភាព​»៕ប្រែសម្រួល៖សុខា/sn

លោក អង់​តូ​ញ៉ូ ហ្គូ​ទែ​រ៉េស អគ្គលេខាធិការ​អង្គការសហប្រជាជាតិ​

ទីតាំងផ្សាយពាណិជ្ជកម្ម

- Advertisment -

Most Popular

ក្រោយ​ប្រកួត​ជាមួយ រ៉​យ ច...

​ប្រែ​សម្រួល : កញ្ញា​ដា​ល...

សម្តេច​តេ​ជោ ហ៊ុន សែន អបអ...

ដោយៈ តារា​រិ​ទ្ធ / ភ្នំពេ...

សម្ដេច​ក្រឡាហោម ស ខេង ៖ ម...

ដោយ​:​មុនី​រ័ត្ន / ភ្នំពេ...

សាលាឧទ្ធរណ៍​ទាត់ចោល​ពាក្យ...

​ប្រែ​សម្រួល : កញ្ញា​ដា​ល...