Home ព័ត៌មានអន្តរជាតិ មេដឹកនាំ​ជាន់...

មេដឹកនាំ​ជាន់ខ្ពស់​អ៊ីរ៉ង់ តប​ទៅ​ប្រធានាធិបតី​អាម៉េរិក ​ដែល​គំរាម​ឲ្យ​អ៊ីរ៉ង់​«​សង​តម្លៃ​ដ៏​ថ្លៃ​»

​មេដឹកនាំ​ជាន់ខ្ពស់​អ៊ីរ៉ង់​កាលពី​ថ្ងៃ​ពុធ​ទី​០១​មករា ​បាន​វាយបក​លើ​អាម៉េរិក និង​បាន​ព្រមាន​ថា ​ប្រទេស​របស់​លោក​នឹង​មិន​ស្ទាក់ស្ទើរ​ធ្វើ​ការវាយប្រហារ បន្ទាប់​ពី​​ប្រធានាធិបតី​អាម៉េរិក​លោក​ដូណាល់ ត្រាំ បាន​និយាយថា រដ្ឋាភិបាល​ក្រុងតេអេ​រ៉ង់​(​អ៊ីរ៉ង់​)​នឹង​បង់​តម្លៃ​ដ៏​ខ្ពស់​មួយ​ដោយសារ​តែ​ពួក​ជីវពល​ហេស​បូ​ឡា​វាយ​ប្រ​​ហារ​ស្ថានទូត​អាម៉េរិក​នៅ​ក្រុង​បា​ដា​ត ប្រទេស​អ៊ីរ៉ាក់​។​

លោក​អាយ៉ា​តុឡា អា​លី ខា​មេ​នី តប​នឹង​ការចោទប្រកាន់​និង​ការ​គំរាម​ពី​អាម៉េរិក​

​អំពី​ការវាយប្រហារ​ដោយ​អាម៉េរិក​ដែល​បាន​សម្លាប់​សមាជិក​ក្រុម កាតា​អេប ហេស​បូ​ឡា ចំនួន​២៥​នាក់​នៅ​អ៊ីរ៉ាក់​កាលពី​យប់​ថ្ងៃអាទិត្យ លោក​អាយ៉ា​តុឡា អា​លី ​ខា​មេ​នី បាន​និយាយថា «​ខ្ញុំ និង​រដ្ឋាភិបាល ​រួមទាំង​ប្រជាជាតិ​អ៊ីរ៉ង់ សូម​ថ្កោលទោស​អំពើ​ឧក្រិដ្ឋ​របស់​អាម៉េរិក​»​។​

​សូម​រំលឹក​ថា សមាជិក​យុទ្ធជន​ក្រុម កាតា​អេប ហេស​បូ​ឡា រាប់ពាន់​នាក់​កាលពី​ថ្ងៃ​អង្គារ​​ បាន​សម្រុកចូល​វាយប្រហារ​និង​ដុត​បំផ្លាញ​ស្ថានទូត​អាម៉េរិក​ប្រចាំ​ក្រុង​​បា​ដា​ត​ ដើម្បី​ជាការ​សងសឹក​ការវាយប្រហារ​របស់​អាម៉េរិ​ក​។​

​ប្រធានាធិបតី ត្រាំ​បាន​ផ្ទុះ​កំហឹង​និង​បញ្ជា​អោយ​បញ្ជូន​ទាហាន​ម៉ា​រី​ន​១០០​នាក់​ទៅ​ការពារ​ស្ថានទូត​ភ្លាម​ហើយ​បញ្ជូន​ទាហាន​៧៥០​នាក់​ទៀត​ទៅ​កាន់​តំបន់​​មជ្ឈិម​បូព៌ា​។​លោក​បាន​ចោទប្រកាន់​អ៊ីរ៉ង់​ថា​នៅ​ពីក្រោយ​ការវាយប្រហារ​ស្ថានទូត​នេះ​។​

​មក​ត្រឹម​ព្រឹក​ថ្ងៃ​ពុធ ពួក​ជីវពល​គាំទ្រ​ដោយ​អ៊ីរ៉ង់​បាន​បន្ត​វាយប្រហារ​ស្ថានទូត​ដល់​ថ្ងៃទី​២ ដោយ​បង្ខំ​ឲ្យទាហាន​អាម៉េរិក​បាញ់​គ្រាប់​បែកផ្សែង​ដាក់​អ្នកប្រឆាំង​​តវ៉ា ដែល​បាន​ដុត​ផ្នែក​នៃ​ស្ថានទូត​ឲ្យ​ឆេះ​ជាថ្មី​។​

​ទោះជា​យ៉ាងណា ក្រុម​ហេស​បូ​ឡា បានបញ្ចប់​ការឡោមព័ទ្ធ​ស្ថានទូត​និង​បាន​ដក​កម្លាំង​ចេញ​នៅ​ពេល​រសៀល​ថ្ងៃ​ពុធ​។​

​ការដក​កម្លាំង​ចេញ​នេះ​​​ កើតឡើង​បន្ទាប់ពី​លោក​ត្រាំ​បាន​សរសេរ​បង្ហោះ​ថា «​អ៊ីរ៉ង់​នឹង​ទទួលខុសត្រូវ​ទាំងស្រុង​ចំពោះ​ការបាត់បង់​អាយុជីវិត​និង​ការខូចខាត​នៅ​​ទីតាំង​ណាមួយ​របស់​យើង​។​ពួកគេ​នឹង​សង​នូវ​តម្លៃ​ដ៏​ខ្ពស់​មួយ​។ នេះ​មិនមែន​ជា​ការព្រមាន តែ​ជា​ការ​គំរាម​!»​។​

​ជា​ការឆ្លើយតប លោក​ខា​មេ​នី បាន​សរសេរ​បង្ហោះ​វិញ​ថា​ មនុស្ស​នេះ​បាន​សរសេរ​បង្ហោះ​ថា​«​យើង អាម៉េរិក​មើលឃើញ​អ៊ីរ៉ង់​ថា​ជា​អ្នកទទួលខុសត្រូវ​ចំពោះ​ហេតុ​​ការណ៍​នៅ​ក្រុង​បា​ដា​ត ហើយ​យើង​នឹង​ឆ្លើយតប​ទៅ​អ៊ីរ៉ង់​។​ដំបូង​បំផុត អ្នក​មិន​អាច​ធ្វើ​រឿង​ចង្រៃ​ណាមួយ​ទេ​។​វា​អត់​មាន​ពាក់ព័ន្ធ​នឹង​អ៊ីរ៉ង់​ទេ​។​ទី​ពីរ តាមបែប​​ឡូ​ហ្សិ​ច …​មនុស្ស​នៅ​តំបន់​នេះ​ស្អប់​អាម៉េរិក​។​ហេតុ​អ្វី​អាម៉េរិក​មិន​យល់​រឿងនេះ​?»៕​ប្រែ​សម្រួល​៖​វាសនា​/Ha

ការវាយប្រហារ​ស្ថានទូត អនុវត្ត​ដោយ​សមាជិក​ក្រុម​ជីវពល កាតា​អេប ហេស​បូ​ឡា ដែល​មាន​ទំនាក់ទំនង​នឹង​ក្រុម​ហេស​បូ​ឡា​នៅ​លី​បង់​

ទីតាំងផ្សាយពាណិជ្ជកម្ម

- Advertisment -

Most Popular

រោងភាពយន្ត លេ​ជិន ផ្អាក​ប...

​ដោយៈ សុផល / ភ្នំពេញៈ រោង...

ក្រោយ​ការធ្វើ​តេស្ត​ជំងឺ​...

​ដោយ​៖ ទេព មង្គល / ភ្នំពេ...

ថ្នាក់ដឹកនាំ​និង​មន្ត្រី​...

ដោយៈ​ដេប៉ូ​/​ភ្នំពេញៈ​ថ្ន...

ក្រសួង​អប់រំ​ប្រកាស​ផ្អាក...

​ដោយ​:​សុផល​/​ភ្នំពេញៈ​ដើ...