ពួក​យុទ្ធជន​គាំទ្រ​អ៊ីរ៉ង់​ដកខ្លួន​ចេញពី​ស្ថានទូត​អាម៉េរិក​បន្ទាប់ពី​ការប៉ះទង្គិច​ដោយ​​ហិង្សា​២​ថ្ងៃ​

206
ចែករម្លែក

​ពួក​ជីវពល​គាំទ្រ​អ៊ីរ៉ង់​ឥឡូវ​នេះ​បាន​ដកខ្លួន​ចេញពី​បរិវេណ​ស្ថានទូត​អាម៉េរិក​នៅ​ទីក្រុង​បា​ដា​ត​ប្រទេស​អ៊ីរ៉ាក់ បន្ទាប់​ពី​ការប៉ះទង្គិច​គ្នា​ដោយ​ហិង្សា​អស់​​ពេល ២​ថ្ងៃ​ដែល​គេ​ឃើញ​ប្រធានាធិបតី​អាម៉េរិក​លោក ដូ​ណា​ល់ ត្រាំ បញ្ជូន​កងទ័ព​រាប់រ​យ​នាក់​បន្ថែម​ទៀត​ទៅ​កាន់​តំបន់​មជ្ឈិមបូព៌ា​។​

​ពួក​ជីវពល​ទាំងនោះ​បាន​ចាកចេញ​ពី​ស្ថានទូត​ដែល​ឡោម​ព័ទ្ធ​នេះ​កាលពី​ថ្ងៃ​ពុធ​ទី​០១​មករា​បន្ទាប់ពី​មាន​ការអំពាវនាវ​ពី​រដ្ឋាភិបាល​និង​ក្រុម​មេដឹកនាំ​​ជីវ​ពល​ជាន់ខ្ពស់​បន្ទាប់ពី​ការ​ចូលលុកលុយ​របស់​ពួកគេ​មួយ​ថ្ងៃមុន​នេះ​។​

​ការដកចេញ​នេះ​បានបញ្ចប់​វិបត្តិ​រយៈពេល​២​ថ្ងៃ​ដែល​ត្រូវបាន​សម្គាល់ថា​ជា​ការរំលោភ​បំពាន​ដ៏​ខ្លាំង​បំផុត​លើ​បេសកកម្ម​ការទូត​អាម៉េរិក​នៅក្នុង​ពិ​ភ​​ព​លោក​។​

​ការវាយប្រហារ​ស្ថានទូត​នេះ បាន​ជំរុញ​ឱ្យ​លោក ដូ​ណា​ល់ ត្រាំ​និង​មន្ទីរ​បញ្ច​កោណ បញ្ជូនទាហាន​ម៉ា​រី​ន​រាប់រយ​នាក់​ទៅ​កាន់​តំបន់​នោះ​។​

​នៅក្នុង​ការវាយប្រហារ​ដែល​មាន​ការ​រៀបចំឡើង​នេះ ពួក​ជីវពល​និង​អ្នក​គាំទ្រ​របស់​ពួក​គេ​រាប់​រយ​នាក់​បាន​ចូល​ទៅក្នុង​បរិវេណ​ស្ថានទូត​នោះ ដោយ​បំផ្លាញ​​កន្លែង​ទទួលភ្ញៀវ វាយ​កញ្ចក់​បង្អួច​និង​បាញ់ថ្នាំ​នៅតាម​ជញ្ជាំង​ដើម្បី​តវ៉ា​ប្រឆាំង​ការវាយប្រហារ​តាម​អាកាស​របស់​សហរដ្ឋ​អាម៉េរិក​ទៅលើ​ពួក​ជីវពល​ដែល​គាំទ្រ​​ដោយ​អ៊ីរ៉ង់​កាលពី​ចុង​សប្តាហ៍ ដែល​បាន​សម្លាប់​សមាជិ​ក្រុម​ជីវ​ពល​២៥ នាក់​។​

​សហរដ្ឋ​អាម៉េរិក​បាន​ស្តីបន្ទោស​ក្រុម​ជីវពល​ចំពោះ​ការវាយប្រហារ​ដោយ​គ្រាប់​រ៉ុក្កែត​ទៅលើ​មូលដ្ឋាន​យោធា​អ៊ីរ៉ាក់​មួយ នៅ​ភាគ​ខាងជើង​នៃ​ទីក្រុង គៀ​គុក​ កាលពី​សប្តាហ៍​មុន ដោយ​បាន​សម្លាប់​អ្នកម៉ៅការ​អាមេរិក​ម្នាក់​៕​ប្រែ​សម្រួល​៖​សុខា​/sn

ពួក​ជីវពល​បាន​ដកចេញ​ទាំង​ឡាន ក្រោយ​វាយបំផ្លាញ​និង​ដុត​ទូត​អាម៉េរិក​នៅ​បា​ដា​ត​

អាជ្ញាប័ណ្ណចែកចាយផ្តាច់មុខ