Home ព័ត៌មានអន្តរជាតិ ភ្លៀង​ធ្លាក់​...

ភ្លៀង​ធ្លាក់​បន្ថែម​នៅពេល​ចំនួន​មនុស្ស​ស្លាប់​ពី​ទឹកជំនន់​នៅ​ក្រុង​ហ្សា​ការតាឡើង​ដល់​២១​នាក់​

​ពួក​មន្ត្រី​បាន​និយាយ​ដា មនុស្ស​យ៉ាង​តិច​២១​នាក់​បាន​ស្លាប់​និង​រាប់ម៉ឺន​នាក់​បាន​ភៀសខ្លួន​ចេញពី​ទឹកជំនន់​និង​ការបា​ក់ដី​ដែល​បាន​វាយប្រហារ​រដ្ឋធានី​​ហ្សា​ការតា នៅ​ចំ​ថ្ងៃ​ចូលឆ្នាំ​សកល​ថ្មី ហើយ​គេ​រំពឹងថា​នឹង​មាន​ការ​ធ្លាក់ភ្លៀង​បន្ថែម​ទៀត​នៅ​ថ្ងៃ​ព្រហស្បតិ៍​ទី​០២​មករា​។​

​អ្នកនាំពាក្យ​ក្រសួង​កិច្ចការ​សង្គម​លោក​ចូកូ ហារី​យ៉ាន់​តូ បាន​ប្រាប់​ទីភ្នាក់ងារ​សារព័ត៌មាន​បរទេស​ថា​ចំនួន​មនុស្ស​ស្លាប់​ពាក់ព័ន្ធ​នឹង​ទឹកភ្លៀង​បាន​កើន​ដល់​២១​នាក់​នៅ​ពេល​ទីភ្នាក់ងារ​គ្រប់​គ្រោះមហន្តរាយ​ថា មាន​ចំនួន​១៦​នាក់​។​

​នៅក្នុង​សេចក្តីថ្លែងការណ៍​មួយ អ្នកនាំពាក្យ​ទីភ្នាក់ងារ​បាន​និយាយថា ការស្លាប់​បណ្តាលមកពី​ការខ្វះ​កំដៅ លង់ទឹក ឆក់​ចរន្តអគ្គិសនី​និង​បាក់​ដី​សង្កត់​និង​ថា​ចំនួន​មនុស្ស​ស្លាប់​អាច​កើន​ឡើង​ដោយសារ​ខ្លួន​កំពុង​ប្រមូល​របាយការណ៍​មកពី​ប្រភព​ផ្សេងៗ​។​

​ភ្លៀង​បាន​ចាប់ផ្តើម​ធ្លាក់​នៅ​ក្រុង​ហ្សា​ការតា​កាលពី​ថ្ងៃ​អង្គារ​ទី​៣១​ធ្នូ​និង​បន្ត​ដល់​ព្រឹក​ថ្ងៃ​បន្ទាប់​ដោយ​ទីភ្នាក់ងារ​ឧតុនិយម​ឥណ្ឌូនេស៊ី​បាន​កត់ត្រា​ឃើញ​ថា​វា​ជា​​ការធ្លាក់​ភ្លៀង​ច្រើន​បំផុត​(៣៧៧​មី​លី​ម៉ែត្រ​)​ក្នុង​មួយថ្ងៃ​បើ​ធៀប​នឹង​កំរិត​ទឹក​ភ្លៀង​ធ្លាក់​ចាប់តាំងពី​ឆ្នាំ​២០០៧​មក ។​

​ទឹកជំនន់​បាន​ពន្លិច​ផ្ទះ ធ្វើ​អោយ​អណ្តែត​និង​លិច​រថយន្ត ហើយ​បិទ​អាកាសយានដ្ឋាន​មួយ​នៅ​ហ្សា​ការតា​ខាងកើត​។​ការផ្គត់ផ្គង់​ចរន្តអគ្គិសនី​ក៏​ត្រូវ​កាត់ផ្តាច់​​នៅ​តំបន់​មួយចំនួន​។​

​ក្នុងការ​បង្ហោះ​សារ​ក្នុង​ហ្វេ​សប៊ុក​កាលពី​យប់​ថ្ងៃ​ពុធ ប្រធានាធិបតី ចូកូ វី​ដូ​ដូ បាន​បញ្ជា​អោយ​អាជ្ញាធរ​ក្រុង​ហ្សា​ការតា​ធ្វើការ​ជាមួយប​ណ្តា​ទីភ្នាក់ងារ​ពាក់ព័ន្ធ ដើ​​ម្បីស​ង្គ្រោះ​អាយុជីវិត​មនុស្ស​ហើយ​ផ្តល់​សន្តិសុខ​ដល់​សហគម​ន៍​។​

​នៅ​ថ្ងៃ​០២​មករា អភិបាលក្រុងហ្សា​ការតា​បាន​និយាយថា មន្ត្រី​ក្រុង​ចំនួន​១២០.០០០​នាក់​ត្រូវបាន​បញ្ជូន​ទៅ​ជួយ​ការងារ​សង្គ្រោះ​និង​ជម្លៀស​មនុស្ស​ហើយ​មនុស្ស​ប្រ​​មាណ​៣១.០០០​នាក់​ត្រូវបាន​ជម្លៀស តែ​មិន​រាប់​បញ្ជូន​អ្នកស្រុក​នៅ​តាម​ទីក្រុង​រណប​របស់​ក្រុង​ហ្សា​ការ​តាទេ​។​

​បើ​តាម​មន្ត្រី​គ្រប់គ្រង​គ្រោះមហន្តរាយ ភ្លៀង​ខ្លាំង​និង​ទឹកទន្លេ​ឡើង​បាន​ជន់​លិច​សង្កាត់​យ៉ាងតិចណាស់​៩០ និង​បង្ក​ជា​ការបា​ក់ដី​នៅ​ទីក្រុង​ដេប៉ុក នៅ​ជាយ​រដ្ឋធា​នីហ្សាការ​តា​៕​ប្រែ​សម្រួល​៖​វាសនា​

រថយន្ត​លិច​ក្នុង​ជំនន់​ទឹកភ្លៀង​នៅ​ហ្សា​ការតា​

ទឹកជំនន់​ខ្លាំង​បាន​បង្ក​ការ​ជន់​លិច​ផ្ទះ​រាប់ពាន់​នៅ​តំបន់​ក្រីក្រ​និង​ស្កាត់​អ្នកមាន​ផង​ដែរ​នៅ​ទីក្រុង​ហ្សា​ការតា

ទីតាំងផ្សាយពាណិជ្ជកម្ម

- Advertisment -

Most Popular

របរ​លក់​កញ្ច្រែង​និង​ផ្ទះ...

​ដោយ​:​សុខ​សុ​ភ័​ណ្ឌ​/​កំ...

ឃាត់ខ្លួន​អ្នកបើកបរ​រថយន្...

​ដោយៈ​ស​រិ​ទ្ធ​/​ភ្នំពេញៈ...

បុរស​ម្នាក់​ជិះ​ម៉ូតូ​បញ្...

​ដោយៈ​ស​រិ​ទ្ធ​/​ភ្នំពេញៈ...

លោក​អេ​ឡុន ម៉ាស ឥឡូវ​ជា​ម...

​ប្រែ​សម្រួល : កញ្ញា​ដា​ល...