ដោយៈចាន់តូ/ភ្នំពេញ៖អគ្គិភ័យឆាបឆេះព្រៃស្មៅផ្សែងខ្មួលខ្មាញ់នៅក្នុងដីឡូត៍ទំនេរជាប់ផ្ទះប្រជាពលរដ្ឋបង្កឱ្យភ្ញាក់ផ្អើលអ្នកភូមិសមត្ថកិច្ចរថយន្តពន្លត់អគ្គិភ័យចេញទៅជួយអន្តរាគមន៍។ហេតុការណ៍បានកើតឡើងនៅបរិវេណដីឡូត៍មួយកន្លែងតាមផ្លូវបេតុងក្នុងភូមិព្រៃព្រីងជើង២សង្កាត់ចោមចៅ៣ខណ្ឌពោធិសែនជ័យកាលពីវេរសៀលថ្ងៃទី២ខែមករាឆ្នាំ២០២០។
ប្រជាពលរដ្ឋបានឱ្យដឹងថាដីឡូត៍គ្មានផ្ទះទេមានរបងថ្មព័ទ្ធជុំវិញខាងក្នុងមានតែស្មៅព្រៃហើយក្រុមអ្នកអេតចាយសំចតស្នាក់អាស្រ័យមានសំណល់អេតចាយសង្ស័យមានអ្នកដុតអេតចាយឬបោះកន្ទុយបារីលើស្មៅ។ខណៈដែលអាកាសធាតុក្តៅស្ងួតទើបបង្កឱ្យឆាបឆេះជាអណ្តាតភ្លើងផ្សែងខ្មួលខ្មាញ់រាលជិតដល់ផ្ទះសម្បែងប្រជាពលរដ្ឋផ្អើលអស់អ្នកស្រុកសមត្ថកិច្ចមកជួយអន្តរាគមន៍។
ហេតុការណ៍នេះសមត្ថកិច្ចមូលដ្ឋានទៅអន្តរាគមន៍ជួយវាយពន្លត់ភ្លើងហើយក៏បានរថយន្តពន្លត់អគ្គិភ័យមួយគ្រឿងទៅបាញ់ពន្លត់ភ្លើងឱ្យរលត់ទៅវិញផងដែរមិនឱ្យឆេះរាលដល់ផ្ទះឆេះតែស្មៅ និងសំណល់អេតចាយតែប៉ុណ្ណោះ ៕S/
