ដោយ៖កាំពី/ក្រចេះ៖សង្កាត់រដ្ឋបាលព្រៃឈើអូរគ្រៀងបានសហការជាមួយកម្លាំងនគរបាលប្រឆាំងបទល្មើសសេដ្ធកិច្ចខេត្ត,នគរបាលប៉ុស្ដិ៍រដ្ធបាលអូរគ្រៀងបានឃាត់រថយន្ត១គ្រឿងប្រភេទវេអង(V1)។រថយន្តនេះដឹកឈើបង្កប់ជាមួយឈើផ្ទះចាស់នៅលើផ្លូវជាតិលេខ៧ស្ថិតមៅភូមិអូរក្រៀង ឃុំអូរគ្រៀង ស្រុកសំបូរ ខេត្តក្រចេះកាលពីរសៀលថ្ងៃទី២ខែមករាឆ្នាំ២០២០។
លោកកែវចំណាននាយសង្កាត់រដ្ឋបាលព្រៃឈើអូរគ្រៀងបានឱ្យដឹងនៅល្ងាចថ្ងៃទី២ខែមករាឆ្នាំ២០២០នេះថា រថយន្ដវេអង១គ្រឿងនោះម៉ាក HYYUNDAI ពាក់ស្លាកលេខ ស្វាយរៀង 3A-1205 ។ដឹកឈើប្រភេទឈើលេខ១ចំនួន៤៩សន្លឹកស្មើរនឹង២ម៉ែត្រគូបឈើលេខ២ចំនួន៦៥សន្លឹកស្មើរនឹងជាង១ ម៉ែត្រគូបសរុបជាង៣ម៉ែត្រគូបបង្កប់ក្នុងឈើរុះរើផ្ទះចាស់។
បច្ចុប្បន្នវត្ថុតាងឈើអារនិងរថយន្តខាងលើត្រូវបានមន្ត្រីរដ្ឋបាលព្រៃឈើយកមករក្សាទុកនៅសង្កាត់រដ្ឋាលព្រៃឈើអូរគ្រៀង ដើម្បីចាត់ការតាមនីតិវិធីរដ្ឋបាលព្រៃឈើ៕S/
រូបថត៖ឃាត់រថយន្តដឹកឈើល្មើសច្បាប់មួយគ្រឿងនៅស្រុកសំបូរ
