ក្លិប តូតិនហេម(Tottenham )ត្រៀមដាក់សំណើ៣០លានផោន ដើម្បីផ្ទេរខ្សែការពារ រីកាដូ ភើរ៉េរ៉ា (Ricardo Pereira) របស់ក្លិប លៃសេស្ទ័រ ស៊ីធី(Leicester City) ។
កីឡាករវ័យ២៦ឆ្នាំរូបនេះបានទាក់ទាញចំណាប់អារម្មណ៍ច្រើន ចាប់តាំងពីផ្ទេរពីក្លិប ប៉ូតូ(Porto )មកចូលរួមជាមួយក្លិប Leicester កាលពីខែមករាឆ្នាំ២០១៨ក្នុងតម្លៃ២២លានផោន។
លោក ចូសេ ម៉ូរីញ៉ូ (Jose Mourinho) គឺជាអ្នកគាំទ្រខ្សែការពាររូបនេះ ប៉ុន្តែនឹងប្រឈមការប្រកួតប្រជែងពីក្លឹបផ្សេងទៀតនៅខែមករានេះ ខណៈពេលលោកត្រៀមធ្វើឲ្យ ភើរ៉េរ៉ា ជាកីឡាករ ដំបូងដែលលោកត្រូវផ្ទេរក្នុងឋានៈជាគ្រូបង្វឹក របស់ក្លឹប Spurs ។
បើទោះបីជាលោក ម៉ូរីញ៉ូ ត្រៀមដាក់សំណើ៣០លានផោនក៏ដោយ ក៏ក្លិបម៉េនឆេស្ទ័រ យូណាយធីត,បាសេឡូណា និងក្លិប Paris Saint Germain ក៏កំពុងចង់បានកីឡាករ ភើរ៉េរ៉ា ផងដែរ។
លោក ប្រ៊ែនឌិន រ៉ាជើ (Rrendan Rodgers) គ្រូបង្វឹកក្លិប Leicester City បានអះអាងថា គ្មានកីឡាកររូបណាត្រូវលក់ចេញនៅខែមករានេះទេ ប៉ុន្តែលោកក៏ត្រូវមមាញឹកក្នុងការរារាំង ការប៉ុនប៉ង់ផ្ទេរ ភើរ៉េរ៉ា ផងដែរ៕ ប្រែសម្រួល: ពិសិដ្ឋ
