Home ព័ត៌មានអន្តរជាតិ អាម៉េរិក​រំពឹ...

អាម៉េរិក​រំពឹងថា​នឹង មាន​ការវាយប្រហា​រ​បន្ថែម​ទៀត​ពី​ក្រុម​ដែល​គាំទ្រ​ដោយ​អ៊ីរ៉ង់​

​រដ្ឋមន្ត្រី​ក្រសួង​ការពារជាតិ​អាម៉េរិក​លោក ម៉ាក អ៊ី​ស​ភើ បាន​និយាយ​កាលពី​ថ្ងៃ​ព្រហស្បតិ៍​ទី​២​មករា​ថា មានការ​ចង្អុលបង្ហាញ​ថា​អ៊ីរ៉ង់​ឬ​កម្លាំង​ដែល​ខ្លួន​គាំទ្រ​​អាច​នឹង​កំពុង​រៀបចំ​ផែនការ​វាយប្រហារ​បន្ថែ​ម​ទៀត ដោយ​ព្រមាន​ថា​”​សកម្មភាព​នេះ​បាន​ផ្លាស់ប្តូរ​”​ហើយ​វា​អាច​ថា​សហរដ្ឋ​អាម៉េរិក​ប្រហែលជា​ត្រូវ​ត្រៀម​​ការពារ​ខ្លួន​ជា​មុន​ដើម្បី​ការពារ​អាយុជីវិត​ជនជាតិ​អាមេរិក​។​

​លោក​ម៉ាក អ៊ី​ស​ភើ បាន​និយាយប្រាប់​ក្រុម​អ្នក​យក​ព័ត៌មាន​ថា ” មាន​ការចង្អុលបង្ហាញ​មួយចំនួន​នៅ​ទី​នោះ​ថា ពួកគេ​អាច​នឹង​កំពុង​រៀបចំ​ផែនការ​វាយ​​ប្រហារ​បន្ថែមទៀត​។ នោះ​មិនមែន​ជា​រឿង​ថ្មី​ទេ … ឥឡូវនេះ យើង​បានឃើញ​ដូចនេះ រយៈពេល​២​ឬ​៣​ខែ​ហើយ​” ។​

​លោក​បាន​និយាយថា “​ប្រសិន​បើ​រឿង​នោះ​កើតឡើង​នោះ យើង​នឹង​ចាត់វិធានការ​វាយប្រហា​រ​ដើម្បី​ការការពារ​ជាមុន ក៏ដូចជា​ការពា​រកង​កម្លាំង​អាម៉េរិក​​ដើម្បី​ការពារ​អាយុជីវិត​ជនជាតិ​អាម៉េរិក​ផងដែរ​”​។​

​ក្រុម​បាតុករ​ដែល​គាំទ្រ​ដោយ​អ៊ីរ៉ង់​ដែល​បាន​គប់​ដុំថ្ម​នៅ​ស្ថានទូត​អាម៉េរិក​ក្នុង​ការតវ៉ា​អស់​រយៈ​២​ថ្ងៃ​នោះ​បាន​ដកថយ​កាលពី​ថ្ងៃ​ពុធ បន្ទាប់​ពី​រដ្ឋាភិបាល​ក្រុង​វ៉ា​​ស៊ីន​តោន​បាន​បញ្ជូន​កងទ័ព​បន្ថែម​។​

​ប្រធានាធិបតី​អាម៉េរិក លោក ដូ​ណា​ល់​ត្រាំ បាន​ចោទប្រកាន់​អ៊ីរ៉ង់​ពី​បទ​រៀបចំ​អំពើហិង្សា​នេះ​។ កាលពី​ថ្ងៃ​អង្គារ លោក បាន​គំរាម​ដើម្បី​សងសឹក​អ៊ីរ៉ង់​ប៉ុន្តែ​បាន​​និយាយ​នៅពេល​ក្រោយ​មក​ថា​លោក​មិន​ចង់​ធ្វើ​សង្គ្រាម​ទេ​។​

​ការ​រំជើបរំជួល​នៅ​ខាងក្រៅ​ស្ថានទូត​អាម៉េរិក​នៅ​ទីក្រុង​បា​ដា​ត​បាន​កើត​ឡើង​បន្ទាប់ពី​ការ​វាយឆ្មក់​តាម​អាកាស​របស់​សហរដ្ឋ​អាម៉េរិក​កាលពី​ថ្ងៃអាទិត្យ​លើ​​មូលដ្ឋាន​របស់​ក្រុម​Kataib Hezbollah ដែល​គាំទ្រ​ដោយ​រដ្ឋាភិបាល​ក្រុងតេអេ​រ៉ង់​(​អ៊ីរ៉ង់​)​។​

​រដ្ឋាភិបាល​ក្រុង​វ៉ាស៊ីនតោន​បាន​និយាយ​ថា​ការវាយប្រហារ​តាម​អាកាស​ដែល​បាន​សម្លាប់​មនុស្ស​២៥ នាក់​នោះ គឺ​ជា​ការវាយប្រហារ​ស​ង​សឹក​ចំពោះ​ការវាយប្រហារ​​ដោយ​គ្រាប់​រ៉ុក្កែត ដែល​បាន​សម្លាប់​អ្នកម៉ៅការ​អាម៉េរិក​ម្នាក់​នៅ​តំបន់​ភាគ​ខាងជើង​នៃ​ប្រទេស​អ៊ីរ៉ាក់ កាលពី​សប្តាហ៍​មុន​៕​ដោយ​៖​សុខា​/sn

រដ្ឋមន្ត្រី​ក្រសួង​ការពារជាតិ​អាម៉េរិក​លោក ម៉ាក អ៊ី​ស​ភើ​

ទីតាំងផ្សាយពាណិជ្ជកម្ម

- Advertisment -

Most Popular

​ ​ហោរាសាស្ត្រ​

​ប្រចាំថ្ងៃ​ពុធ ទី២ ខែធ្ន...

អន្តេវាសិក​,​អន្តេវាសិន​,...

ដោយៈ​ដកស្រង់​ពី​វចនានុក្រ...

រដ្ឋាភិបាល​កម្ពុជា​ជួយ​ម៉...

​ដោយៈ​បាយ័ន​/​ភ្នំពេញ...

ជួសជុល​លុប​ជង្ហុក សំបុកមា...

​ដោយ​:​រ៉ា​ម៉ន​/​ភ្នំពេញ​...