សងសឹក​ទាន់ហន់ តែ​មុខ​ជា​ផ្ទុះ​រឿង​ធំ​! អាម៉េរិក​វាយប្រហារ​តាម​អាកាស​ សម្លាប់​មេបញ្ជាការ​កំពូល​អ៊ីរ៉ង់​និង​អ៊ីរ៉ាក់​​ ​នៅ​ក្រុង​បា​ដា​ត​

660
ចែករម្លែក

​ការវាយប្រហារ​តាម​ផ្លូវអាកាស​របស់​អាម៉េរិកមួ​យបាន​សម្លាប់​មេបញ្ជាកា​រ​ជាន់ខ្ពស់​របស់​អ៊ីរ៉ង់ ឈ្មោះ​កា​សេម សូ​ឡេ​ម៉ានី​ និង​អនុប្រធានក​ងក​ម្លាំង​យោធា​​ហា​សេត អាល់​-​សា​អាប៊ី​(Hashed al-Shaabi)​នៅ​អាកាសយានដ្ឋាន​ក្រុង​បា​ដា​ត ប្រទេស​អ៊ីរ៉ាក់ ​កាលពី​ថ្ងៃ​សុក្រ​ទី​០៣​មករា​, នេះ​បើ​តាម​ការប្រកាស​របស់​ក្រុម​​ហា​សេត ដែល​ជា​ផ្នែក​មួយ​នៃ​កងកម្លាំង​យោធា​ជាតិ​អ៊ីរ៉ាក់​។​

​ក្រុម​នេះ​បាន​និយាយថា «​អនុប្រធាន​ក្រុម ហា​សេត លោក​អា​ប៊ូ ម៉ា​ឌី អាល់​-​មូ​ហាន់ដី​ស និង​ប្រធាន​កងកម្លាំង គូត ឧត្តមសេនីយ៍ កា​សេម សូ​ឡេ​ម៉ានី ត្រូវបាន​​សម្លាប់​នៅក្នុង​ការវាយប្រហារ​តាម​អាកាស​របស់​អាម៉េរិក​ដែល​បាន​ផ្តោត​លើ​រថយន្ត​របស់​ពួកគេ​នៅ​អាកាសយានដ្ឋាន​អន្តរជាតិ​ក្រុង​បា​ដា​ត​»​។​

​យោធា​អ៊ីរ៉ាក់​បាន​និយាយថា អាកាសយានដ្ឋាន​អន្តរជាតិ​នៅ​ក្រុង​បា​ដា​ត ​បាន​រង​ការវាយប្រហារ​ដោយ​កាំជ្រួច​ស្រោច​ដូច​ទឹកភ្លៀង​កាល​ពី​រំលង​អធ្រាត្រ​។​

​ប្រភព​សន្តិសុខ បាន​និយាយថា គ្រាប់​រ៉ុក្កែត​បាន​វាយប្រហា​រលើ​ក្បួន​រថយន្តក្រុ​ម​ហា​សេតដោ​យ​បណ្តាលឲ្យ​ស្លាប់​មនុស្ស​៩​នាក់ រួម​មាន​មេដឹកនាំ​សំខាន់ៗ​។​

​ហា​សេត​(Hashed )​ជា​បណ្តាញ​មួយ​នៃ​ក្រុម​ប្រដាប់អាវុធ​និកាយ​ស៊ី​អាយ ដែល​ពួកគេ​ភាគច្រើន​មាន​ទំនាក់ទំនង​ជិតស្និទ្ធ​នឹង​រដ្ឋាភិបាល​ក្រុងតេអេ​រ៉ង់​(​អ៊ីរ៉ង់​)​ហើយ​ក្រុម​នេះ​ត្រូវបាន​ដាក់បញ្ចូល​ក្នុង​កងកម្លាំង​ជាតិ​អ៊ីរ៉ាក់​ជា​ផ្លូវការ​។​

​លោក មូ​ហាន់ដី​ស ជា​អនុប្រធាន​របស់​ក្រុម​ហា​សេត តែ​ត្រូវគេ​ទទួលស្គាល់ថា​ជា​បុគ្គល​មាន​ឥទ្ធិពល​ក្នុង​ក្រុម​។​បុរស​នេះ​ត្រូវ​អាម៉េរិក​ដាក់​ក្នុង​បញ្ជីខ្មៅ​របស់ខ្លួន​។​​ចំណែក សូ​ឡេ​ម៉ា ដឹកនាំ​កងកម្លាំង​គូត របស់​កង​ឆ្មាំ​បដិវត្តន៍​អ៊ីរ៉ង់​និង​ក៏​ជា​តំណាង​របស់​អ៊ីរ៉ង់​នៅ​អ៊ីរ៉ាក់​។​

​កាលពី​ថ្ងៃ​អង្គារ ហ្វូង​អ្នកគាំទ្រ​ក្រុម​ហា​សេត បាន​ឡោមព័ទ្ធ​ស្ថានទូត​អាម៉េរិក​ទាំង​កំហឹង ដោយសារ​តែ​អាម៉េរិក​បាន​វាយប្រហារ​តាម​ផ្លូវអាកាស​សម្លាប់​យុទ្ធជន​​ក្រុម​ជីវពល កាតា​អេប ហេស​បូ​ឡា ចំនួន​២៥​នាក់​។​ក្រុម​ជីវពល កាតា​អេប ហេស​បូ​ឡា ជា​ផ្នែក​មួយ​នៃ​បណ្តាញ​ហា​សេត ដែល​គាំទ្រ​ដោយ​អ៊ីរ៉ង់​។​

​អាម៉េរិក​បាន​វាយប្រហារ​ជាការ​សងសឹក​ការវាយប្រហារ​ដោយ​គ្រាប់​រ៉ុក្កែត​នៅ​ប៉ុន្មាន​ថ្ងៃមុន​នោះ​ដែល​សម្លាប់​អ្នកម៉ៅការ​អាម៉េរិក​ម្នាក់​នៅ​អ៊ីរ៉ាក់​៕​ប្រែ​សម្រួល​៖​វាសនា​/Ha

មេបញ្ជាការ​ជាន់ខ្ពស់រ​បស់​អ៊ីរ៉ង់ ឧត្តមសេនីយ៍ កា​សេម សូ​ឡេ​ម៉ានី (ឆ្វេង)និងអា​ប៊ូ ម៉ា​ឌី អាល់​-​មូ​ហាន់ដី​ស(ស្តាំ)ស្លាប់​ក្នុង​ការវាយប្រហារ​ដោយ​អាម៉េរិក​កាលពី​ថ្ងៃ​សុក្រ

រថយន្តឆេះខ្ទេចដោយការវាយប្រហារកាលពីដើមថ្ងៃ​សុក្រនៅអាកាសយានដ្ឋានក្រុងបាដាត

ទីតាំងផ្សាយពាណិជ្ជកម្ម