Home ព័ត៌មានអន្តរជាតិ ឆ្នាំ ២០២០ បង...

ឆ្នាំ ២០២០ បង្កើត​សង្គម​ធូរធារ​គ្រប់​ជ្រុងជ្រោយ អ្នកណា​ក៏​មិនអាច​ខ្វះ​បានទេ​

កាលពី​ថ្ងៃទី១០ ដល់ទី១២ ខែធ្នូ ឆ្នាំ២០១៩​កិច្ចប្រជុំ​ការងារ​សេដ្ឋកិច្ច​មជ្ឈិម​បក្សកុម្មុយ និស្ត​ចិន បានប្រារឰ​នៅ​ក្រុង​ប៉េកាំង ។ អង្គ​ប្រជុំបាន​បូកសរុប​ដោយ​ផ្ចិតផ្ចង់​នូវ​ការងារ​សេដ្ឋកិច្ច​ប្រចាំឆ្នាំ ២០១៩ ធ្វើការ​វិភាគ​យ៉ាង​ស៊ីជម្រៅ​អំពី​ស្ថានការណ៍​សេដ្ឋកិច្ច​នាពេល​បច្ចុប្បន្ន និង​ចាត់ចែង ការងារ​សេដ្ឋកិច្ច​នៅ​ឆ្នាំ ២០២០ ។ ឆ្នាំ ២០២០ ជា​ឆ្នាំ​ចុងក្រោយ​នៃ​ផែនការ​កសាង​សង្គម ធូរធារ​គ្រប់​ជ្រុងជ្រោយ ។ ឈរលើ​គោលដៅ​ដែលមាន​លក្ខណៈ​ជា​ប្រវត្តិសាស្ត្រ​នេះ​តើ​គោល នយោបាយ​ម៉ាក្រូសេដ្ឋកិច្ច​ចិន​នឹង​អាច​បង្ហាញ​ពី​និន្នាការ​អភិវឌ្ឍន៍​អ្វីខ្លះ ? មាន​ការងារ​សំខាន់ អ្វីខ្លះ ? កាសែត​យើងខ្ញុំ​នឹង​ចុះផ្សាយ​នូវ​អត្ថបទ​អំពី​បញ្ហា​នេះ​ជា​បន្តបន្ទាប់ ដើម្បី​ផ្តល់ព័ត៌មាន ដល់​មិត្ត​អ្នកអាន ។​

​តើ​អ្វី​ហៅថា​“​សង្គម​ធូរធារ​” ? ពាក្យ​ថា​“​ធូរធារ​”​គឺជា​គំនិត​របស់​ជនជាតិ​ចិន​សម្រាប់​ពិពណ៌នា​អំពី​សង្គម​ល្អ​បវរ ។ ក្នុង​គំនិត ទស្សនៈ​របស់​ជនជាតិ​ចិន ពាក្យ​នេះ​តំណាងឱ្យ​ភាពសម្បូរ​បែប និង​អាច​បង្ហាញ​ពី​គោលដៅ នៃ​ការ ស្វែងរក​ជីវភាព​រស់នៅ​ដែល​ប្រកបដោយ​សុភមង្គល ។ តើ​អ្វី​ហៅថា​“​ធូរធារ​គ្រប់​ជ្រុង ជ្រោយ​” ? បើសិនជា​ពាក្យ​“​ធូរធារ​”​ចង្អុល​សំដៅលើ​កម្រិត​ថ្នាក់​នៃ​ការអភិវឌ្ឍន៍ នោះ​ពាក្យ “​គ្រប់​ជ្រុងជ្រោយ​”​គឺ​តំណាងឱ្យ​ការថែរក្សា​តុល្យភាព លក្ខណៈ​ចុះសម្រុង​គ្នា និង​និរន្តរភាព ។​

​នៅ​ឆ្នាំ ២០២០ ការងារ​សេដ្ឋកិច្ច​ចិន​នឹងត្រូវ​ធ្វើឡើង​ដោយ​អាស្រ័យ​លើ​គោលដៅ​និង​ភារកិច្ច ដែលមាន​ពាក់ព័ន្ធ​នឹង​ការបង្កើត​សង្គម​ធូរធារ​គ្រប់​ជ្រុងជ្រោយ ។​

​ភាគី​ចិន​មាន​ជំនឿ​ចិត្ត​ដ៏​រឹងមាំ​ក្នុងការ​សម្រេច​នូវ​គោលដៅ​នេះ​តាម​ពេល​កំណត់ ។ លោក នី​វ លី អនុប្រធាន​ផ្នែក​ព្យាករណ៍​សេដ្ឋកិច្ច​នៃ​មជ្ឈមណ្ឌល​ព័ត៌មាន​ជាតិចិន បាន​ប្រាប់​អ្នកកាសែត​ថា តាម​លទ្ធផល​សិក្សា​ជាទូទៅ​អំពី​ស្ថានភាព​សេដ្ឋកិច្ច​ទូទាំងប្រទេស​ចិន​លើក​ទី ៤ បានឱ្យដឹងថា បើសិនជា​ប្រទេស​ចិន​អាច​រក្សា​កំណើនសេដ្ឋកិច្ច ៦% នៅ​ឆ្នាំ ២០២០ ក៏​អាច​សម្រេច​នូវ គោលដៅ ដែល​ទំហំ​សេដ្ឋកិច្ច​សរុប​កើនឡើង​ទ្វេដង ។ យើង​អាច​សម្រេចបាន​នូវ​គោលដៅ​នេះ ។ ប្រទេស​ចិន​មិន​គ្រាន់តែ​ត្រូវ​សម្រេច​គោល ដៅ​អំពី​កំណើនសេដ្ឋកិច្ច​ប៉ុណ្ណោះ​ទេ​អ្វីដែល​សំខាន់ ជាងនេះទៅទៀត​គឺ ត្រូវ​ធ្វើឱ្យ​ប្រជាជន​ទទួលបាន​នូវ​ផលប្រយោជន៍​កាន់តែច្រើន មានការ​រស់ នៅ​កាន់​តែមាន​សុភមង្គល និង​មាន​អារម្មណ៍​សុវត្ថិភាព​ផ្ទាល់ខ្លួន ។ ភាគី​ចិន​នឹង​លើកកម្ពស់ អត្រា​ផ្តល់​ការអប់រំ​ដោយ​ឥតគិតថ្លៃ​រយៈពេល ៩ ឆ្នាំ ដល់​ទៅ ៩៤,២% ចំណែក​ប្រព័ន្ធ​ធានា រ៉ាប់រង​សុខាភិបាល​នឹង​គ្របដណ្តប់​លើ​ប្រជាជន​ចិន ១៣០០ លាន​នាក់ ។ អាយុជីវិត​របស់ ប្រជាជន​ចិន​តាម​ការព្យាករណ៍​បាន​កើនឡើង​ពី ៣៥ ឆ្នាំ​នៅពេល​ដំបូង​ក្រោយពី​បង្កើត ប្រទេស​ចិន​ថ្មី ដល់​ទៅ ៧៧ ឆ្នាំ​នៅ​ឆ្នាំ ២០១៨ ហើយ​មាន​ប្រជាកសិករ​ក្រីក្រ​ជាង ៧០០ លាន​នាក់​បាន​រួច​ផុតពី​ភាពក្រីក្រ ។​ការកសាង​សង្គម​ធូរធារ​គ្រប់​ជ្រុង ជ្រោយ​របស់​ប្រទេស​ចិន បាន​ឈានដល់​កម្រិត​ខ្ពស់​គួរសម និង​បានទទួល​នូវ​សមិទ្ធ ផល​ជាក់ស្តែង​ដ៏​ច្រើន ។​

​ប្រទេស​ចិន​ផ្តល់​កិច្ចធានា និង​កែលម្អ​ជីវភាព​រស់នៅ​របស់​ប្រជាជន ។ ក្នុង​ដំណើរ​នៃ​ការបង្កើត សង្គម​ធូរធារ​គ្រប់​ជ្រុងជ្រោយ អ្នកណា​ក៏​មិនអាច​ខ្វះ​បានទេ ។ លោក នី​វ លី បាន​លើកឡើងថា ការកសាង​សង្គម​ធូរធារ​នៅ​តំបន់​ក្រីក្រ​ជាការ​ងារ​លំបាក​ជាងគេ ពិសេស​គឺ​នៅ​តំបន់​ក្រីក្រ​បំផុត ។ នៅ​ឆ្នាំ ២០១៩ ប្រទេស​ចិន​បានទទួល​លទ្ធផល​ជា​ផ្លែផ្កា​ក្នុងការ​កាត់បន្ថយ​ភាពក្រីក្រ ដោយ​តម្រង់ទិស ។ តាម​ការព្យាករណ៍ នៅ​ចុងឆ្នាំ ២០១៩ ប្រជាជន​ក្រីក្រ​ប្រមាណ ៩៥% នឹង​រួចខ្លួន​ចេញពី​ភាពក្រីក្រ​តាម​ស្តង់ដារ​អំពី​ការវាយតម្លៃ​ភាពក្រីក្រ​ប​ច្ចុ​ប្បន្ន ។ យើង​ត្រូវ​ចាត់ វិធាន ការ​ពិសេស​ដែល​កាន់​តែមាន​ប្រសិទ្ធភាព ដើម្បី​ជួយ​ឱ្យ​ប្រជាជន​ក្រីក្រ​ដែល​នៅសល់ ប្រមាណ ៥% នោះ​រួចខ្លួន​ចេញពី​ភាពក្រីក្រ ។​

​លោក ចាំង លី ឈួន សាស្ត្រាចារ្យ​ផ្នែក​សិក្សា​ស្រាវជ្រាវ​ម៉ាក្រូសេដ្ឋកិច្ច​នៃ​មជ្ឈមណ្ឌល​សិក្សា ស្រាវជ្រាវ​អំពី​ការអភិវឌ្ឍន៍​នៃ​ក្រុមប្រឹក្សា​កិច្ចការរដ្ឋ​ចិន បាន​បញ្ជាក់ថា​សមិទ្ធ ផល​អភិវឌ្ឍន៍ ត្រូវផ្តោត​សំខាន់​ទៅលើ​ការកែលម្អ​ជីវភាព​រស់នៅ​របស់​ប្រជាជន ត្រូវ​ផ្តល់​កិច្ចធានា​ដ៏​មាន ប្រសិទ្ធភាព និង​កែលម្អ​ជីវភាព​រស់នៅ​ជាទូទៅ​របស់​ប្រជាជន ពិសេស​គឺ​សម្រាប់​ប្រជាជន​ក្រីក្រ ។ យើង​ត្រូវ​ចាត់វិធានការ​ចាំបាច់​មួយ​ចំនួន​ដូចជា ក្តាប់​ឱ្យ​ជាប់​នូវ​ការផ្តល់​ការងារ​ធ្វើ​ដល់ ប្រជាជន​ក្រុម​ពិសេស ដោះស្រាយ​បញ្ហា​ចូល រៀន​នៃ​កូន​របស់​កសិករ​ដែល​ធ្វើ​ចំណាកស្រុក និង​ចូលធ្វើការ​ក្នុង​ទីក្រុង ខិតខំ​ជំរុញ​ការផ្តល់​លំនៅដ្ឋាន​សម្រាប់​ជួល​ឱ្យ​ប្រជាជន​ជាដើម ៕ (​កាសែត​ប្រជាជន ដេលី​)

ប្រជាជន​ច្រៀង​ចម្រៀង និង​រាំ​របាំ​នៅ​ភូមិ​ស៊ឺ​ធាន ឃុំ​លាំង​សាន ស្រុក​ស៊ីន​នី​ង ក្រុង​សាវ​យ៉ាង ខេត្ត​ហ៊ូ​ណាន ដើម្បី​អបអរសាទរ​ការប្រមូល​បាន​ផល​ក្រូច​ដ៏​ច្រើន ។​

ទីតាំងផ្សាយពាណិជ្ជកម្ម

- Advertisment -

Most Popular

អ្នកនាំពាក្យ:ការបិទស្ថានទ...

ដោយ:មុនីរ័ត្ន/ភ្នំពេញ:លោក...

ក្រោយ​ប្រកួត​ជាមួយ រ៉​យ ច...

​ប្រែ​សម្រួល : កញ្ញា​ដា​ល...

សម្តេច​តេ​ជោ ហ៊ុន សែន អបអ...

ដោយៈ តារា​រិ​ទ្ធ / ភ្នំពេ...

សម្ដេច​ក្រឡាហោម ស ខេង ៖ ម...

ដោយ​:​មុនី​រ័ត្ន / ភ្នំពេ...