Home ព័ត៌មានអន្តរជាតិ កងទ័ពជើងទឹក​អ...

កងទ័ពជើងទឹក​អូស្ត្រាលី​ជួយសង្គ្រោះ​មនុស្ស​រាប់ពាន់​នាក់​ខណៈ​ដែល​មាន​ការគំរាមកំហែង​ភ្លើង​ឆេះ​ព្រៃ​ជា​ថ្មី​

​កងទ័ពជើងទឹក​អូស្ត្រាលី​កាលពី​ថ្ងៃ​សុក្រ​ទី​៣​ខែ​មករា​បាន​ប្រញាប់ប្រញាល់​ជួយសង្គ្រោះ​មនុស្ស​រាប់ពាន់​នាក់​ដែល​ជាប់​នៅ​ឆ្នេរសមុទ្រ​ភាគ​ខាងកើត​នៃ​ប្រទេស​​អូស្ត្រាលី​ដែល​រង​ការខូចខាត​ដោយ​ភ្លើង​ឆេះ​ព្រៃ​នេះ ខណៈ​ដែល​អាកាសធាតុ​ក្តៅ​និង​មាន​ខ្យល់​បាន​បង្ក​ឱ្យ​ភ្លើង​ឆេះ​កាន់តែ​ខ្លាំង​នៅ​ទូ​ទាំង​រដ្ឋ​​វិច​ធឺ​រៀ​( Victoria) និង​រដ្ឋ​ញូ​វ សោត វេលស៍​(New South Wales) ។​

​អភិបាលរដ្ឋ Victoria លោក​ដា​ញែល អ៊ែន​ឌ្រូ​វ បានប្រកាស​ស្ថានភាព​គ្រោះមហន្តរាយ​លើកទីមួយ​ដែល​មិន​ធ្លាប់​មាន​ពីមុនមក ដោយ​ក្រុម​អាជ្ញាធរ​បង្ខំ​មនុស្ស​​ឱ្យ​ចាកចេញ​ពី​លំនៅដ្ឋាន​របស់​ពួកគេ​។​

​រដ្ឋ​New South Wales បានប្រកាស​ស្ថានភាព​អាសន្ន​ផង​ដែរ​ខណៈ​ដែល​អ្នកដើ​រ​លេង​រាប់ម៉ឺន​នាក់​ត្រូវបាន​ជំរុញ​ឱ្យ​ចាកចេញ​ពី​ឧទ្យាន​ជាតិ​និង​តំបន់​​ទេសចរណ៍​ដាច់ស្រយាល​។​

​គិត​ត្រឹម​ថ្ងៃ​សុក្រ​នេះ ចំនួន​អ្នក​ស្លាប់​នៅ រដ្ឋ​New South Wales បាន​កើនឡើង​ដល់​៨​នាក់​និង​មាន​មនុស្ស​ស្លាប់​២​នាក់​នៅ​រដ្ឋ​Victoria ហើយ​មនុស្ស​២៨​នាក់​​នៅ​បាត់​ខ្លួន​នៅឡើយ​។​

​នាវា HMAS Choules និង​នាវា Sycamore របស់​កងទ័ពជើងទឹក​អូស្ត្រាលី​បានចាប់ផ្តើម​ជម្លៀស​មនុស្ស​ជិត​១.០០០​នាក់​នៃ​ចំនួន​មនុស្ស​៤.០០០​នាក់​ ដែល​បាន​ជាប់​នៅ​ទីក្រុង​ម៉ាល់​ឡា គូ​តា​នៅ​រដ្ឋ​Victoria​។​

​ក្រុម​អ្នក​ព្យាករណ៍​កំពុង​ព្រមាន​ថា សីតុណ្ហភាព​នឹង​ឡើង​ខ្ពស់​ជាង​៤០ អង្សា​សេ​នៅ​ថ្ងៃ​សៅរ៍ ដោយ​នឹង​នាំមក​នូវ​ខ្យល់​ខ្លាំង​បក់​ត្រឡប់មកវិញ ដែល​បង្ក​ភ្លើង​ឆេះ​​ព្រៃ​បន្ថែមទៀត​។​

​រហូត​មកដល់ពេលនេះ ភ្លើង​ឆេះ​ព្រៃ​នៅ​រដូវ​នេះ បាន​ឆេះ​បំផ្លាញ​ដីព្រៃ​ជាង​៤​លាន​ហិច​តា​និង​បំផ្លាញ​ផ្ទះ​ជាង​១.០០០​ខ្នង ៕​ដោយ​៖​សុខា​/sn

ភ្លើង​ឆេះ​ព្រៃ​នៅ​អូស្ត្រាលី បាន​ឆេះ​បំផ្លាញ​ដីព្រៃ​ជាង​៤​លាន​ហិច​តា​និង​បំផ្លាញ​ផ្ទះ​ជាង​១.០០០​ខ្នង​

ទីតាំងផ្សាយពាណិជ្ជកម្ម

- Advertisment -

Most Popular

​ត្រីមាស​ទី​បីៈ​រោងចក្រ​ច...

ដោយ​: ពៅ​និមល​/​ភ្នំពេញ​:...

អ្នកគ្រប់គ្រង និង​សិស្ស​ន...

ដោយៈ សុ​ផានី​តា​/​កោះកុង​...

តម្លៃ​អង្ករ​នាំចេញ​ថ្លៃ​ប...

​ដោយៈ ជា សីហៈ​/​ភ្នំពេញៈ ...

មេរោគ​អេ​ដ​ស៏​និង​ជំងឺ​អេ...

​ដោយៈ ជា​សីហៈ​/​ភ្នំពេញៈ ...