Home ព័ត៌មានជាតិ សេដ្ឋកិច្ច គម្រោង​សាងសង់...

គម្រោង​សាងសង់​ស្ពាន​ថ្មី​លំនាំ​ដើម​ស្ពានថ្ម​ចាស់​នៅ​ក្រុង​បាត់ដំបង​

​ដោយៈ​គ្រញូង​/​បាត់ដំបងៈ​កាលពី​រសៀល​ថ្ងៃទី​២​ខែមករា​ឆ្នាំ​២០២០​នៅ​សាលាខេត្ត​បាត់ដំបង​បាន​ប្រជុំពិភាក្សា​លើ​គម្រោង​សាងសង់​ស្ពាន​ថ្មី​លំនាំ​ដើម​ស្ពានថ្ម​ចាស់​នៅ​ខេត្តបាត់ដំបង​។​កិច្ចប្រជុំ​ក្រោម​អធិបតីភាព​លោក​ងួន​រតនៈ​អភិបាលខេត្ត​បាត់ដំបង​លោក​ផាន់​សូរ្យ​ផល​អគ្គនាយក​នៃ​អគ្គនាយកដ្ឋាន​សំណង់​ក្រសួង​ដែនដី​នគរូបនីយកម្ម​និង​សំណង់​។​លោក​អ៊ុក​សុខា​អគ្គនាយកដ្ឋាន​បេ​តិក​ភ័​ណ្ឌ​ចូលរួម​ក្នុង​កិច្ចពិភាក្សា​នេះដែរ​រួមមាន​លោក​អភិបាលរង​ខេត្ត​ជាច្រើនរូប តំណាង​ក្រសួង​វប្បធម៌ ប្រធាន អនុប្រធាន​មន្ទីរ​ពាក់​ព័​ន្ឌ​ផងដែរ​។​

​លោក​ងួន រតនៈ​អភិបាលខេត្ត​មានប្រសាសន៍ថា​ស្ពានថ្ម​ចាស់​នេះ​មាន​ទីតាំង​នៅមុខ​សាលា​ខេត្តបាត់ដំបង​ចាស់​ជា​ស្ពាន​មួយ​ដែល​សាងសង់ឡើង​ក្នុង​ឆ្នាំ​១៩១៦​។​រហូតមកដល់​បច្ចុប្បន្ន​នេះ​មាន​អាយុកាល​ជាង​១០០​ឆ្នាំ​ហើយៗ​មាន​សភាព​ទ្រុឌទ្រោម​ខ្លាំង​មិន​អាចឱ្យ​យានយន្ត​គ្រប់​ប្រភេទ​ធ្វើដំណើរ​ឆ្លងកាត់​បានទេ​។​ទើប​រដ្ឋបាលខេត្ត​សម្រេច​ធ្វើ​បង្គោល​ថ្មបាំង​តែ​អាចឱ្យ​ដើរ​ឆ្លងកាត់​និង​ជា​កន្លែង​សម្រាប់​ប្រជាពលរដ្ឋ​និង​ភ្ញៀវ​ទេសចរណ៍​ជាតិ​ឬ​អន្តរជាតិ​មក​អង្គុយលេង​កម្សាន្ត​និង​ស្រូបយក​
​ខ្យល់អាកាស​ល្អ​បរិសុទ្ធ​និង​ដើរ​ហាត់ប្រាណ​នាពេល​ល្ងាចៗ​។​

​លោក​អភិបាល​បានបញ្ជាក់​អំពី​អនុសាសន៍​របស់​សម្តេច​តេ​ជោ​ហ៊ុនសែន​នាយករដ្ឋមន្ត្រី​គឺ​មិនឱ្យ​រុះរើ​ស្ពានថ្ម​ចាស់​នេះ​ដែលមាន​អាយុកាល​ជាង​១០០​ឆ្នាំ​ចោល​ទេ​គឺ​ត្រូវ​សាងសង់​ស្ពានថ្ម​ថ្មី​មួយទៀត​ដែលមាន​ចម្ងាយ​ពី​ស្ពានថ្ម​ចាស​ជិត​១០​ម៉ែត្រ​ផ្នែក​ខាងត្បូង​។​ប៉ុន្តែ​មិនឱ្យ​ប៉ះពាល់​ស្ពានថ្ម​ចាស់​ឡើយ​។​ការសាងសង់​ស្ពានថ្ម​ថ្មី​គឺ​ត្រូវយក​លំនាំ​ដើម​ឱ្យ​ដូច​ស្ពានថ្ម​ចាស់​ហើយក៏​ត្រូវ​ជួសជុល​គ្រឹះ​ក្រោម​របស់​ស្ពានថ្ម​ចាស់​ឱ្យ​រួចរាល់​សិន​។​

​លោក​អភិ​បា​លេខ​ត្ត​បាន​បន្តថា​គោលបំណង​នៃ​ការសាងសង់​ស្ពានថ្ម​ថ្មី​នេះ​មាន​សារសំខាន់​៤​យ៉ាង​៖១,​ដោយសារ​ស្ពានថ្ម​ចាស់​មាន​សភាព​ទ្រុឌទ្រោម​មិនអាច​ឱ្យធ្វើ​ចរាចរ​បាន​។​២,​កាត់បន្ថយ​ការកកស្ទះ​ចរាចរ​ក្នុង​ក្រុង​បាត់ដំបង​។​៣,​ងាយស្រួល​ដល់​ប្រជាពលរដ្ឋ​ក្នុងការ​ធ្វើដំណើរ​និង​៤, បង្កើន​សោភ័ណភាព​ទីក្រុង​បាត់ដំបង​តាមរយៈ​ស្ពាន​ភ្លោះ​មួយគូ​។​

​ការសាងសង់​នេះ​រង់ចាំតែ​លទ្ធផល​របស់​ក្រសួង​វប្បធម៌​និង​ក្រសួង​សាធារណការ​និង​ដឹក​ជញ្ជូន​ពិភាក្សា​ពី​ការជួសជុល​ស្ពានថ្ម​ចាស់​រួច​សន្យាថា​មិនយូរ​ទេ​អាច​ចាប់ផ្តើម​សាង​ស​ង៉​ស្ពានថ្ម​ថ្មី​នៅ​ចុងខែ​មករា​នេះ​។​ស្ពាន​ថ្មី​នេះ​គឺ​ប្រភេទ​ស្ពាន​ឯកទិស​ដោយ​ស្ពាន​សម្តេច​តេ​ជោ​ហ៊ុនសែន​សម្រាប់​ចូល​ក្រុង​។​ឯ​ស្ពាន​ថ្មី​សម្រាប់​ចេញពី​ក្រុង​វិលជុំ​ហើយ​ក្បាលស្ពាន​ទាំង​២​លែង​ស្ទះចរាចរណ៍​ទៀតហើយ​។​ស្ពាន​ទាំង​២​នេះ​ធ្វើ​ចរាចរណ៍​ច្រាសទិស​គ្នា​ហើយ​គម្រោង​នេះ​ប្រគល់ឱ្យ​ក្រសួង​សាធារណការ​និង​ដឹកជញ្ជូន​ជា​អ្នកចាត់ចែង​។​

​ក្នុង​កិច្ចពិភាក្សា​នេះ​មានការ​ចាប់អារម្មណ៍​ពិ​លោក​ផាន់​សូរ្យ​ផល​អគ្គនាយក​នៃ​អគ្គនាយកដ្ឋាន​សំណង់​ក្រសួង​ដែនដី​នគរូបនីយកម្ម​និង​សំណង់​លោក​អ៊ុក​សុខា​អគ្គនាយកដ្ឋាន​បេ​តិក​ភ័​ណ្ឌ​លោកស្រី​តំណាង​ក្រ​សូង​វប្បធម៌​និង​វិចិត្រ​សិ​ល្បះ​លោក​ប្រធាន​មន្ទីរ​សាធារណការ​និង​ប្រធាន​មន្ទីរ​ទេសចរណ៍​។​ល​។​

គឺ​ពួកគេ​បាន​អនុវត្តតាម​អនុសាសន៍​របស់​សម្តេច​តេ​ជោ​ឱ្យ​រក្សាទុក​ស្ពានថ្ម​ចាស់​ដែលមាន​អាយុកាល​ជាង​១០០​ឆ្នាំ​ទុកជា​បេ​តិក​ភ័​ណ្ឌ​វប្បធម៌​ជាតិ​សម្រាប់​ទុកឱ្យ​កូនចៅ​ជំនាន់​ក្រោយ​បានឃើញ​បាន​ស្គាល់​ដោយ​ត្រូវធ្វើ​ការជួសជុល​គ្រឹះ​ខាងក្រោម​ឱ្យ​ហើយ​សិន​ទើប​សាងសង់​ស្ពានថ្ម​ថ្មី​ទំហំ​៨​ម៉ែត្រ​គុណ​១០០​ម៉ែត្រ​ពី​បេតុង​។​កសាង​ដោយ​កម្លាំង​កង​វិ​ស្វរ​កម្ម​ក្រសួងការពារជាតិ​ដើម្បី​កុំឱ្យ​ប៉ះពាល់​ដល់​ស្ពានថ្ម​ចាស់​។​បន្ត​មក​ប្រតិភូ​ទាំងអស់​បាននាំគ្នា​ចុះទៅពិនិត្យ​លើ​ស្ពានថ្ម​ចាស់​និង​មើល​ទីតាំង​សម្រាប់​សាងសង់​ស្ពានថ្ម​ថ្មី​៕S/

​រូប​ថ​តៈគ​ណះ​អធិបតី​ក្នុង​កិច្ចពិភាក្សា​គម្រោង​សាងសង់​ស្ពាន​ថ្មី​អ្នកចូលរួម​ប្រតិភូ​ដើរ​លើ​ស្ពានថ្ម​ចាស់​និង​ថតរូប​ទុកជា​អនុស្សាវរីយ៍​ចុះ​មើល​ទីតាំង​តាម​មាត់​ស្ទឹង​សង្កែ​

ទីតាំងផ្សាយពាណិជ្ជកម្ម

- Advertisment -

Most Popular

Spursឡើង​មក​លេខ​១ ក្រោយ​ស...

​ប្រែ​សម្រួល : កញ្ញា​ដា​ល...

សម្តេច​តេ​ជោ ហ៊ុន សែន អញ្...

​ដោយៈ​តារា​រិ​ទ្ធ​-​គ...

យុទ្ធនាការ​ «​ស្អាត​ជា​ទម...

​ដោយៈ​រ៉ា​ម៉ន​/​ភ្នំពេញៈ​...

ករណី​ពុល​ស្រា​នៅក្នុង​ស្រ...

ដោយៈ​ទេ​ពក​ង្រី​/​កំពង់ឆ្...