Home ព័ត៌មានអន្តរជាតិ អាម៉េរិក​ដាក់...

អាម៉េរិក​ដាក់​បម្រាម លើ​មេដឹកនាំ​យោធា​ជាន់ខ្ពស់​គុយបា​

​ក្រសួង​ការបរទេស​បាន​ប្រកាស​កាលពី​ថ្ងៃ​ព្រហស្បតិ៍​ទី​២​មករា​ថា​ខ្លួន​ហាម​រដ្ឋមន្ត្រី​ការពារ​ជាតិ​គុយបា​មិន​ឱ្យ​ចូល​សហរដ្ឋ​អាម៉េរិក​ដោយ​លើកឡើង​ពីអ្វី​ដែល​​ខ្លួន​បាន​ហៅថា​ជា​ការរំលោភ​សិទ្ធិមនុស្ស ដោយសារ​តែ​រដ្ឋមន្ត្រី​រូប​នេះ​បង្ហាញ​ការគាំទ្ររ​បប​របស់​ប្រធានាធិបតីវេណេ​ស៊ុយអេ​ឡា លោក​នី​កូឡាស ម៉ា​ឌូ​រ៉ូ​។​

​ក្រសួងការបរទេស​អាម៉េរិ​ក​បាន​និយាយថា ឧត្តមសេនីយ៍ឡេ​អូ​ប៉ុល​ដូ ស៊ីន​ត្រា ហ្វ្រី​យ៉ាស​រដ្ឋមន្ត្រី​នៃ​កងកម្លាំង​ប្រដាប់អាវុ​ធ​បដិវត្តន៍​គុយបា​”​ទទួលខុសត្រូវ​​ចំពោះ​សកម្មភាព​របស់​គុយបា​ក្នុងការ​គាំទ្រ​របប​ឆ្វេងនិយម​របស់​លោក​នី​កូឡាស ម៉ា​ឌូ​រ៉ូ​។​

​រដ្ឋមន្ត្រី​ក្រសួង​ការបរទេស​អាម៉េរិក​លោក​ម៉ៃ ផ​ម​ផេវ បាន​និយាយ​នៅក្នុង​សេចក្តីថ្លែងការណ៍​ថា​”​រួម​ជាមួយ​ក្រុមន្ត្រី​យោធានិង​ចារកម្ម​របស់​លោក​នី​កូឡាស ​ម៉ា​ឌូ​រ៉ូ​នោះ​ឧត្តមសេនីយ៍ឡេ​អូ​ប៉ុល​ដូ ស៊ីន​ត្រា ហ្វ្រី​យ៉ាស​បាន​ពាក់ព័ន្ធ​ក្នុងការ​រំលោភ​សិទ្ធិមនុស្ស​និង​ការរំលោភបំពាន​នៅ​ប្រទេស​វ៉េណេស៊ុយ​អេ​ឡា​ដោយ​រួមទាំង​​ការ​ធ្វើ​ទារុណកម្ម ការព្រឹ​ត្ត​អំពើ​ឃោរឃៅ ការ​ដាក់​ទណ្ឌកម្ម​លើ​ប្រជាជន​វ៉េណេស៊ុយ​អេ​ឡា​​ចំពោះ​ការសម្តែង​មតិ​ប្រឆាំង​លោក​នី​កូឡាស ម៉ា​ឌូ​រ៉ូ​។

​លោក​បាន​និយាយថា ” ការបោះបង់​លទ្ធិប្រជាធិបតេយ្យ​របស់វេ​ណេ​ស៊ុយអេ​ឡា​ដោយ​ការបំភិតបំភ័យ​ប្រជាជន​វេ​ណេ​ស៊ុយអេ​ឡា​គឺ​ជា​គោលដៅ​របស់​ឧត្តម​​សេនីយ៍​រូបនេះ​និង​របប​គុយបា​”​។​

​សេចក្តីប្រកាស​នេះ ហាមឃាត់ លោក​ឡេ​អូ​ប៉ុល​ដូ ស៊ីន​ត្រា ហ្វ្រី​យ៉ាស និង​កូន​២​នាក់​របស់​លោក​មិន​ឱ្យ​ចូល​សហរដ្ឋ​អាម៉េរិក​៕ដោយ៖សុខា/sn

ឧត្តមសេនីយ៍ឡេ​អូ​ប៉ុល​ដូ ស៊ីន​ត្រា ហ្វ្រី​យ៉ាស​(​រូប​ឆ្វេង​)​រដ្ឋមន្ត្រី​នៃ​កងកម្លាំងប្រដាប់អាវុធ​បដិវត្ត​គុយបា

ទីតាំងផ្សាយពាណិជ្ជកម្ម

- Advertisment -

Most Popular