ដោយៈសាតចាន់បុត្រ/មណ្ឌលគិរីៈគិតត្រឹមថ្ងៃទី៣ខែមករាឆ្នាំ២០២០នេះជនរងគ្រោះក្នុងករណីក្រឡាប់រថយន្តដឹកសម្ភាររោងការមានចំនួន២នាក់ដែលបានស្លាប់ខណៈដែល១៧នាក់ផ្សេងទៀតរងរបួសធ្ងន់និងស្រាលកំពុងបន្តសង្គ្រោះក្នុងមន្ទីរពេទ្យខេត្តមណ្ឌលគិរី។ប្រភពព័ត៌មានបានឱ្យដឹងថារថយន្តដឹកសម្ភារនោះនិងត្រូវដឹកសម្ភារបម្រើដល់កម្មវិធីអាពាហ៍ពិពាហ៍មួយក្នុងទឹកដីនៃឃុំប៊ូស្រាស្រុកពេជ្រាដា ហើយក៏ជួបឧប្បទ្ទវហេតុនេះ។
មន្ត្រីការិយាល័យចរាចរនៃស្នងការដ្ឋាននគរបាលខេត្តមណ្ឌលគិរីបានឱ្យដឹងថាកាលពីវេលាម៉ោង៦និង៣០នាទីល្ងាចថ្ងៃទី២ខែ មករាឆ្នាំ២០២០ចំណុចអូរតេក្នុងភូមិពូក្រូច ឃុំ ស្រែអំពូម ស្រុក ពេជ្រាដា ខេត្តមណ្ឌលគិរីមានករណីគ្រោះថ្នាក់ចរាចរកើតឡើងដោយរថយន្តដឹករោងការក្រឡាប់ដោយខ្លួនឯង។
សមត្ថកិច្ចបន្តថាមូលហេតុរថយន្តនោះបើកបរលឿនក្នុងស្ថានភាពផ្លូវចំចំណោទនិងផ្លូវកោងខ្លាំងដោយតៃកុង ពុំសូវស្គាល់ផ្លូវទើបរេចង្កូតបណ្តាលអោយក្រឡាប់តែម្តង។រថយន្តរងគ្រោះថ្នាក់ម៉ាក hyundai ព៌ណស ស្លាកលេខ3A 0067ខេត្តក្រចេះ រួមដំណើរសរុបចំនួន១៩នាក់ ស្រី៥នាក់ រងរបួសធ្ងន់ស្រាល១៨នាក់ស្លាប់ស្ត្រីម្នាក់នៅនិងកន្លែងហើយដឹកដល់មន្ទីរពេទ្រស្លាប់បុរសម្នាក់ទៀត។
ក្រោយកើតហេតុថ្នាក់ដឹកនាំខេត្តមណ្ឌលគិរីដឹកនាំដោយអភិបាលខេត្តលោកស្វាយសំអ៊ាង បានចុះសួរសុខទុក្ខនិងផ្តល់ប្រាក់ឧបត្ថមផងដែរ៕S/
