ដោយៈបូកគោ,មុនីរ័ត្ន/ភ្នំពេញៈសម្តេចតេជោ ហ៊ុន សែន នាយករដ្ឋមន្ត្រី បានចេញដំណើរពីភ្នំពេញឆ្ពោះទៅកាន់ខេត្តកែប ដើម្បីចូលរួមដឹកនាំការរុករកសង្គ្រោះកម្មករដែលកំពុងជាប់នៅក្រោមសំណង់អគារដែលដួលរលំ។សំណង់អគារកម្ពស់៦ជាន់ នៅក្បែរវត្តសម្មាធិ បានបាក់នៅវេលាម៉ោង៤:៣៧រសៀល ថ្ងៃទី៣ ខែមករា ឆ្នាំ២០២០ នៅភូមិកែប សង្កាត់កែប ក្រុងកែប ខេត្តកែប។
មនុស្សប្រមាណពី២០ទៅ៣០នាក់ ត្រូវបានគេអះអាងថាកំពុងធ្វើការនៅក្នុងសំណង់អគារនេះ។
មន្ត្រីប៉េអឹមដែលចូលរួមសង្គ្រោះបានឲ្យដឹងថា ត្រឹមម៉ោង៦:៥០យប់ សមត្ថកិច្ចបានជួយសង្គ្រោះមនុស្សចំនួន ១៦នាក់ ចេញពីអគារដែលបាក់នោះ។ពួកគេសុទ្ធតែរងរបួស។
គិតត្រឹមម៉ោងជិត៧យប់នេះពុំមានសេចក្តីរាយការណ៍អំពីគ្រោះថ្នាក់ដល់ជីវិតនៅឡើយទេ៕សរន/Ha
