ដោយៈចាន់តូ/ភ្នំពេញ៖ទីតាំងបើកបនល្បែងស៊ីសងមួយកន្លែងជ្រកបំភ័ណ្ឌភ្នែកក្នុងទីតាំងតារាងបាល់ទះត្រូវបានកម្លាំងនគរបាលខណ្ឌពោធិសែនជ័យចុះទៅបង្ក្រាបឃាត់ខ្លួនម្ចាស់ទីតាំងរួមជាមួយអ្នកលេងសរុប៣នាក់។សមត្ថកិច្ចដកហូតបានម៉ូតូ៧គ្រឿងរថយន្ត២គ្រឿងនិងសម្ភារបម្រើក្នុងបនល្បែងមួយចំនួន។ការបង្ក្រាបក្រោមបញ្ជាររបស់លោកវរសេនីយ៍ទោម៉នវុធីអធិការខណ្ឌថ្មីបញ្ចេញស្នាដៃកាលពីរសៀលថ្ងៃទី៣ខែមករាឆ្នាំ២០១៩នេះនៅតារាងបាល់ទះផ្លូវលំខាងជើងផ្សារអង្គភូមិអង្គសង្កាត់ចោមចៅ៣ខណ្ឌពោធិសែនជ័យ ។
តាមប្រជាពលរដ្ឋបានឱ្យដឹងថាទីតាំងតារាងបាល់ទះខាងលើបើកនាមឈ្មោះតែបើកទេធាតុពិតផ្នែកខាងក្រោយបង្កប់ពេញដោយល្បែងស៊ីសងបៀអាប៉ោងល្បែងភ្នាល់បាល់អនឡាញផ្សេងៗ។ករណីនេះច្រើនលើកច្រើនសារមកហើយអាជ្ញាធរចុះទៅបង្ក្រាបហាមតែនៅបន្តបើកលេងមិនដឹងអាងខ្នងខាងណាទើបបានហ៊ានម្លឹងៗ។ស្រែកហ៊ោកញ្ជ្រៀវអឺងកងបានសមត្ថកិច្ចចុះទៅបង្ក្រាបជាការប្រសើរហើយដុសក្អែលមេបនចេញម្តង ។
តាមសមត្ថកិច្ចបានឱ្យដឹងថាម្ចាស់ទីតាំងទីតាំង២នាក់ប្តីប្រពន្ធនិងអ្នកលេងម្នាក់ក្រៅពីនោះអ្នកញៀនល្បែងរត់បាតជើងសព្រាតដកហូតបានម៉ូតូចំនួន៧គ្រឿងរថយន្ត២គ្រឿងមេអាប៉ោងបៀសម្ភារមួយចំនួនទៀតរួចនាំយកទៅសាកសួរនៅផ្នែកជំនាញខណ្ឌ ដើម្បីអនុវត្តបន្តតាមនីតិវិធី ៕S/
